Isaías 54:2 - Biblia Enxet

² Kayánchásekxoho sa' ekpakxanma, kapeykásekxa sa' néten ekpakxanma ekhamakxa nak chá'a kóneg meyke ektamheykha awáxok; kalwenaqteyásekxoho sa' ma'a táma' eknaqtete nak chá'a, kalyennaqtésho sa' nahan élatchesso xapop ma'a yámet apagkok eknaqtete nak chá'a,

Isaías 54:2 ပူးပေါင်းရင်းမြစ်များ

Génesis 26:22

Tén axta apxegeykekxo m'a Isaac apheykmo makhawók agko', apmétaweykmek axta makham mók yámelchet ma'a. “Meyke Sẽlya'assóxma”, axta aptemessásak ekwesey, hakte massék axta éllókasa. Keñe axta aptáha s'e: “Egméssek kaxwók Wesse' egegkok meyke sẽlya'assóxma s'e yókxexma nak, yaqwayam anxátekhaksek negheykegkaxa'.”

Éxodo 35:18

tén han ma'a yámet élmahamtakcha'a kélatchesso nak chá'a xóp kélnaqtete kélpakxanma m'a kélpakxanma appagkanamap tén han ma'a kélhaxta nak ma'a nepyáwa, yetlo m'a táma kélnaqtete nak chá'a,

Éxodo 39:40

tén han ma'a apáwa kélhaxtegkesso nak nepyáwa m'a kélpakxanma, yetlo m'a yámet élámha apagkok nak tén han ma'a apowhók élyennaqtéssamakxa nak, tén han ma'a apáwa yaqwayam nak kólpekkenek ma'a átog nentaxnamakxa nak kélhaxta nepyáwa kélpakxanma, tén han ma'a apxát'ák nak, ekweykekxoho m'a yámet élmahamtakcha'a apagkok kélatchessamo nak chá'a xapop kélnaqtete m'a kélhaxta, tén han ma'a ekyókxoho aqsok kélmeykegkaxa nak chá'a yaqwayam kalanaxchek kéltamheykha m'a kañe' kélpakxanma appagkanamap, cham'a kélpakxanma apchaqneykekxexa nak chá'a énxet'ák,

Isaías 26:15

Wesse', apxámáseykekxeyk xép pók aptémakxa énxet'ák; apxámáseykekxeyk yaqwayam kataxchek chá'a m'a apcheymákpoho, apyáncháseykegkek chá'a m'a ekyókxoho nak néxa xapop apkelókxa.

Isaías 33:20

Elano m'a Sión, tegma apwányam nenláneykxa nak chá'a nélsawássessamo; yenmexho m'a Jerusalén, tegma apwányam meyke nak negakakxa xama aqsok; exhok sa' ma'a kélpakxanma apyennaqtél'a kéllane, megkólmowánal'a kólhaxyawaksek ma'a yámet apagkok kélatchesso kañe' xóp, megkalyetyapmal'a m'a apxát'ák nak.

Jeremías 10:20

Kéletsagkassek sekpakxanma, kélyétekkessek ekyókxoho apxát'ák seknaqtete nak. Eyenyókek ma'a étchek, ¡Méko kaxwók aptáhak! Méko kaxwók hexátekhassásekxak sekpakxanma, méko kaxwók hepakxenchásekxa'.

Miqueas 7:11

Jerusalén, xegakmek ekhem peyakxa nak kóllánekxak ma'a kélhaxtegkesso nak, tén han yaqwánxa kólyanchásekxak ma'a néxa xapop apagkok.