Isaías 53:11 - Biblia Enxet

¹¹ Étak sa' ekyaqmageykekxa ektémakxa apha natámen apwete ekxámokma aplegeykegkoho, kapayhekxak sa' apwáxok ma'a apya'ásegwokmo enxoho; elmallahanchesek sa' aqsok ekmaso apxámokma énxet ma'a Wesse' egegkok apkeláneykha appéwomo nak, hakte emekxak sa' ma'a apkeltémakxa élmasagcha'a nak.

Isaías 53:11 ပူးပေါင်းရင်းမြစ်များ

Isaías 42:1

“Keso seyásenneykha ko'o s'e, sekpasmoma nak chá'a, sélyéseykha axta, ekleklamo nak ewáxok aptémakxa'. Ekméssegkek ko'o espíritu ahagkok xa yaqwayam enxoho etaqmelchessásekxak apheykha m'a apyókxoho pók aptémakxa nak chá'a énxet'ák.

Isaías 45:25

Ko'o sa' kañék elmallánek apyókxoho m'a énxet'ák Israel, kaqheykha sa' apkelwáxok hélanok ko'o.”

Isaías 49:3

Aptáhak axta seyáneya s'e: “Israel, xép apteme séláneykha, xép sa' kañék axekmósek seyeymáxkoho m'a énxet'ák.”

Isaías 52:13

Tásek sa' katnehek ekteyapma aqsok apkelane m'a séláneykha, kéláyo sa' kóltéhek, kólhéssók sa' ma'a netnók agko' nak.

Isaías 53:12

Cháxa keñamak Dios peya nak exnéssók nepyeseksa m'a énxet'ák ekyawe nak kéláyo, epasmekxak sa' apkelxawéyak aqsok eñama apkelmallane m'a apkelyennaqte nak, hakte apmeyásamákpók apagko' yaqwayam emátog, máxa énxet ekmaso aptémakxa axta kélteméssessók kélpáxaqtesseykmo m'a énxet'ák élmasagcha'a nak apkeltémakxa, apmeykekxeyk melya'assáxma apxámokma apagko' ma'a énxet, apkelmaxnéssáseykegkek nahan chá'a m'a énxet'ák melya'assáxma nak yaqwayam enxoho megkólyaqmagkásekxeyk chá'a m'a apkeltémakxa.

Isaías 53:8

Kélyentameykekxeyk axta aqsa nahan meyke kéllánekxésso ektaqmela amya'a, méko axta nahan xama enxoho yaqwayam kamyók; méko axta nahan ekyetnakhassamo enxoho awáxok yaqwánxa katnehek. Kélmasséssekmek axta apha keso náxop, apmatñegkek axta eñama melya'assáxma m'a énxet'ák ahagkok.

Daniel 12:3

Máxa aqsok élápogwátéyak néten sa' etnahagkok elápogwátek ma'a apkelyekpelchémo nak aqsok, apnaqlo axta chá'a ámay ekpéwomo m'a apxámokma énxet; ¡elápogwátek sa' meyke néxa, aptémól'a yaw'a!

Daniel 9:24

“Setenta semána sa' kayeykhak kólmasséssók apkeltémakxa élmasagcha'a m'a énxet'ák apagkok tén han melya'assáxma, tén han tegma apwányam appagkanamap nak, yaqwayam sa' megkólyaqmagkásekxeyk ma'a apkeltémakxa élmasagcha'a, tén han keytek ekpéwomo nentémakxa meyke néxa, yaqwayam sa' katnehek ma'a ektémakxa axta aqsok apwete, tén han ekxénamaxche' kéltemessásekxo sa' appagkanamap apagko' ma'a Tegma Appagkanamap nak.