Isaías 52:8 - Biblia Enxet

⁸ ¡Kóleyxho! Apkelpaqmetchek ekyennaqte agko' ma'a énxet'ák kélagkok apkeleyxcháseykha nak chá'a, apsawhekpók apkelpáxameyncha'a yetlo élpayheykekxa apkelwáxok, hakte apkelwet'ak apaqta'ák apagko' ektáhakxa apweykta makham Wesse' egegkok ma'a Sión.

Isaías 52:8 ပူးပေါင်းရင်းမြစ်များ

Salmos 102:22

apchaqnákxo sa' yaqwayam elpeykeshok apyókxoho énxet'ák apheykha nak keso náxop.

Cantares 3:3

Élmaxneyáha axta m'a apkeltaqmelchesso nak tegma apwányam apkelhaxnenchámeykegko axta chá'a m'a nepyáwa. Axta ektáhak séláneya s'e: ¿Yagkólwet'ak kéxegke sekpagkanma, ekmámenyého agko' nak ko'o ewáxok?

Cantares 5:7

Éltahanya'awók axta m'a apkeltaqmelchesso axta m'a tegma apwányam apkelhaxnenchámeykha axta chá'a m'a nepyáwa'; etekpagáha axta, eyensássek axta nahan; ¡apkelyennaqtéssek axta apyempe'ék sémentama seyaqlamaxche m'a apchaqneykha axta chá'a m'a nentaxnamakxa nak tegma apwányam!

Isaías 24:14

Elwehesha sa' kalpayhekxak apkelwáxok ma'a meletsapma nak, elyennaqtések sa' apkelpeywa apkelwet'a enxoho Wesse' egegkok aptaqmalma m'a apheykegkaxa nak taxnegwánxa ekhem.

Isaías 26:1

Cháxa ekhem nak, sa' kalmeneykmasaxchek Judá s'e negmeneykmasso nak: “Yetneyk negko'o xama tegma apwányam apyennaqte egagkok; yaqwayam hẽlwagkasek teyp, aphaxtegkek Wesse' egegkok meteymog ma'a nepyáwa tén han ma'a ekyennaqtésso nak.

Isaías 27:2

Sa' etnehek epaqmétek Wesse' egegkok xa ekhem nak: “Kólmeneykmásses anmen yámet kélcheneykekxa ektaqmalma nak.

Isaías 30:26

Eltaqmelchessásekxak sa' apkelyense énxet'ák apagkok ma'a Wesse' egegkok, elpextehetchesagkok sa' nahan. Keñe sa' pelten máxa ekhem éltátchesso sa' etnehek apkelsassóxma, keñe sa' ma'a ekhem kayeykhágwomhok agko' sa' élsassóxma, megkaxók sa' ma'a ekweykenxa nak chá'a élsassóxma, máxa sa' katnehek ektáha enxoho siete ekyókxoho éltátchesso ekhéyak ma'a néten.

Isaías 35:10

apkelmeykekxa nak neyseksa aqsok ekmaso m'a Wesse' egegkok; elántexek sa' Sión yetlo apkelmeneykmasso élpayheykekxa apkelwáxok, katnahagkok sa' chá'a élpayheykekxa apkelwáxok neyseksa apheykha. Elwetak sa' élpayheykekxa apkelwáxok tén han apkelátseykha, kamassegwók sa' ma'a apkellekxagweykha tén han éllapwáméyak.

Isaías 40:9

Yenát sa' egkexe néten nak Sión, énnaqtés sa' appeywa exének amya'a ektaqmela. Nágye aqsa énnaqtések appeywa m'a Jerusalén, etne sa' ellegaksek tegma apkelyawe nak Judá s'e: “¡Keso Dios kélagkok se'e!”

Isaías 48:20

Kólántép Babilonia, kólxegánem nepyeseksa m'a énxet'ák caldeos. Kóllegés yetlo kélpáxameykha kélátseykha s'e amya'a nak, kólya'assásegwók ekweykmoho m'a néxa xapop nak. Kólteme kólpaqmétek se'e: “¡Apwagkassek teyp Wesse' egegkok ma'a Jacob cham'a apkeláneykha nak!”

Isaías 56:10

meyke apaqta'ák tamhágkok ma'a apkeltaqmelchesso nak chá'a énxet'ák ahagkok, massék apkelya'ásegko aqsok. Apyókxoho aptamhéyak semheg meyke élpáwá m'a, megkamowánal'a kalpáwa'; exnagkok aqsa, elyenmaha aqsa; atsek emáwhok enaqtének.

Isaías 58:1

Aptáhak ko'o seyáneya Wesse' egegkok se'e: Elpáxamha ekyennaqte agko', meyke apkeye, nágyés epaqmétek ektémól'a kapáwak ma'a xama kélaqkahasso; elxénchásekxoho apkeltémakxa ekmaso m'a énxet'ák ahagkok, apkeltémakxa melya'assáxma m'a Jacob énxet'ák apagkok.

Isaías 62:6

Énxet'ák Jerusalén, eyáncháseyha ko'o néten meteymog kélhaxta nepyáwa tegma apwányam kélagkok ma'a apkeleyxcháseykha nak chá'a, yaqwayam sa' etnehek chá'a elpaqmétek yókxoho ekhem tén han yókxoho axta'a s'e: “Kéxegke, kélwóneykha nak chá'a Wesse' egegkok, nágkólwanmeyak aqsa,

Jeremías 31:12

“Elchexyók sa', elmeneykmásseták sa' kalpaykhekxak apkelwáxok ma'a egkexe nak Sión, kalpeykessásekxak sa' apkelwáxok ma'a aqsok éltaqmalma apkelmésso nak Wesse' egegkok: cham'a hótáhap apaktek, vino tén han pexmok égmenek, nepkések tén han weyke. Elxohok sa' ma'a aqsok kélcheneykekxa' ektaqmalmal'a kélexpaqhéyak yegmen, kamaskok sa' elyelqakpok.

Jeremías 32:39

Wának sa' ko'o etnahagkok wánxa apkelmopmenyého etnehek seyáyo neyseksa apheykha, yaqwayam sa' kataqmelek apheykha, yetlo aptawán'ák neptámen.

Jeremías 33:11

kélmeneykmasso kélessawássessamo, tén han ekpayheykekxa egwáxok, tén han kélmeneykmássesso nak élyamhopma. Kañexchek sa' makham katnehek se'e: Kólmés ekxeyenma kélwáxok Wesse' ekha nak apyennaqte, hakte Wesse' egegkok apteme ektaqmalma apwáxok, megkamassegwomek chá'a segásekhayo. Elsanták sa' aqsok apkelmésso naqsa m'a tegma appagkanamap apkelmésso nak chá'a élxeyenma apkelwáxok. Naqso', ayaqmagkassesek sa' ko'o mók ektémakxa s'e apchókxa nak, yaqwayam sa' katnekxak makham ma'a ektémakxa axta nano'. Ko'o sekxeyenma xa, sektáha nak Wesse'.”

Jeremías 33:7

Ayaqmagkassesek sa' mók ektémakxa nak apheykha m'a énxet'ák Judá, tén han ma'a Israel, anaqxétekhasagkokxak sa' makham, yaqwayam sa' etnahagkokxak ma'a ektémakxa axta apheykha nano'.

Jeremías 6:17

Apnegkenchek axta Wesse' egegkok énxet'ák apkelhaxneykha, tén axta aptáha apkeláneya énxet'ák se'e: “Kólleyxmakha sa' kélaqkahasso magkenatchesso kéltennasso yaqwánxa katnehek.” Keñe axta énxet'ák aptáha s'e: “Magmakók negko'o ageyxho'.”

Ezequiel 3:17

“Xép, énxet, ekteméssessek ko'o exchep apkeleyxcháseykha m'a énxet'ák Israel. Éltennássek sa' agkok chá'a exchep xama amya'a, ellegaksek sa' chá'a m'a sekpeywa, yaqwayam sa' ellegak chá'a.

Ezequiel 33:7

“Ekteméssessek axta ko'o exchep apkeleyxcháseykha m'a énxet'ák Israel, xép aptáha nak énxet. Xeyep sa' chá'a exkak ma'a sektáhakxa sekpeywa tén han eñeksek chá'a m'a sektáhakxa enxoho séltennasso.

Sofonías 3:9

“Wokmek sa' agkok xa, amasséssesek sa' ko'o ektémakxa nak chá'a apkelpeywa ekmaso m'a énxet'ák, yaqwayam sa' hewónmakha chá'a ko'o m'a apyókxoho nak, tén han hetnéssesek ko'o wánxa xama sétleykha.

Zacarías 12:8

Almeyók sa' ko'o m'a apheykha nak Jerusalén, ko'o sektáha nak Wesse'. Apkelyennaqte sa' nahan etnahagkokxak ma'a apkelyelqamákpoho nak, ektéma axta m'a wesse' apwányam David, keñe sa' ma'a David aptawán'ák neptámen nak etnahagkokxak ma'a aptémakxa nak Dios, aptémakxa nak ma'a Wesse' egegkok apchásenneykha, apxegamól'a chá'a apmonye'e.