Isaías 52:6 - Biblia Enxet

⁶ Kammok sa' eyke ekhem yaqwánxa elyekpelchágwók tén han elya'ásegwók énxet'ák ahagkok sektéma ko'o sélanagkama s'e: ko'o Wesse' kélagkok.”

Isaías 52:6 ပူးပေါင်းရင်းမြစ်များ

Salmos 48:10

Oh Dios, kólteméssesek chá'a exchep apcheymákpoho ekyókxoho keso náxop, ekhawo ektémakxa nak ekxénamaxche' apwesey, hakte yetlo apmopwána chá'a exchep etaqmelchessásekxak apheykha m'a énxet'ák.

Éxodo 3:13

Apchátegmowágkokxeyk axta makham ma'a Moisés. Aptáhak axta s'e: —Ekxegkek agkok ko'o, sektáha enxoho alának israelitas se'e: ‘Eyáphássek xeyk ko'o kélnepyeseksa kéxegke m'a kélyapmeyk nano' nak Dios apagkok’ keñe sa' aptáha enxoho hélmaxneyha s'e: ¿Háxko apwesey? ¿Háxko sa' ko'o atnehek alána'?

Éxodo 33:19

Aptáhak axta apchátegmowágkokxo Wesse' egegkok se'e: —Ayeykhaksek sa' ko'o apmonye' exchep ma'a ekyókxoho ektémakxa nak sektaqmalma, altennaksek sa' nahan sekwesey. Wamlekxohok sa' ko'o sekmakókxa enxoho wamlekxoho', yepyóshok sa' nahan alanok ko'o m'a sekmakókxa enxoho yepyóshok alano'.

Éxodo 6:3

Ekxekmowásamáxkók axta ko'o Abraham, Isaac, tén han ma'a Jacob sekwesey Dios ekha sekyennaqte, axta eyke alya'assáseykegkohok ma'a ektémakxa sekwesey ahagko': WESSE'.

Isaías 40:9

Yenát sa' egkexe néten nak Sión, énnaqtés sa' appeywa exének amya'a ektaqmela. Nágye aqsa énnaqtések appeywa m'a Jerusalén, etne sa' ellegaksek tegma apkelyawe nak Judá s'e: “¡Keso Dios kélagkok se'e!”

Isaías 42:9

Temék ekyókxoho m'a aqsok seklegassama axta katnehek, axnagkok aqsok sa' kaxwók allegaksek; alya'assásegwók sa' ko'o kéxegke amonye' ekwe xa.”

Isaías 49:23

Sa' katnehek ekteme yapmeyk ma'a kelwesse'e apkelwányam nak keñe sa' ektaqmelchesso chá'a m'a kelwesse'e kelwán'ák nak. Eltekxeyagkok sa' chá'a aptapnák xóp amonye' exche', ekwokmoho apkeltekxeya nápaqta'a xóp ekweykekxoho m'a kelwesse'e kelwán'ák nak, awanhók agko' sa' katnehek apcháyo. Keñe sa' kay'asagkohok ko'o sekteme Wesse', kay'asagkohok sa' nahan memegqáyhek chá'a m'a ektáha nak ko'o mehey'ásseyam.”

Isaías 60:16

Elmések sa' nento élmátsa agko' ma'a pók aptémakxa nak chá'a énxet'ák, elsókásegmak sa' aqsok apagkok ekxámokma élmomnáwa m'a kelwesse'e apkelwányam nak; elya'ásegwók sa' sektáha ko'o sélwagkasso teyp, ko'o sektáha nak Wesse', tén han sektáha sélmallahanchesso aqsok ekmaso, ko'o ekha nak Sekyennaqte Jacob Wesse' apagkok.

Jeremías 31:34

Kamaskok sa' kaxwók elxekmósek pók, tén han apkelxegexma, tén han ma'a apnámakkok apancha'awo nak, yaqwayam enxoho hey'asagkohok ko'o, hakte hey'asagkohok sa' ko'o apyókxoho énxet, cham'a ekyawe nak kéláyo, ekweykekxoho m'a meyke nak kéláyo. Mayaqmagkásekxeyk sa' ko'o aqsok ekmaso apkelánéyak, megkaxénwakxók sa' chá'a kaxwók ewáxok ma'a melya'assáxma nak. Ko'o sekxeyenma xa, sektáha nak Wesse'.”

Ezequiel 20:44

Énxet'ák Israel, ekteméssessek sa' agkok ko'o kéxegke xa ektáha nak, háwe eñama m'a kéltémakxa élmasagcha'a nak tén han ma'a ektémakxa nak aqsok ekmaso agko' kélláneyak, sekwesey sekmasma eyke keñamak ko'o sélana xa, keñe sa' kólya'ásegwók ko'o sektáha Wesse'. Ko'o sekxeyenma sektáha nak Wesse'.’”

Números 23:19

Maghawok negko'o m'a Dios nentáha nak énxet néletsapmo nak chá'a, metnehek apmopwána amya'a, meyaqmagkassemek nahan mók ma'a aqsok apxeyenma. Apxénchek agkok xama aqsok, elának nahan. Apxénchek agkok nahan élanak xama aqsok, elának nahan.