Isaías 52:5 - Biblia Enxet

⁵ Keñe kaxwo', ¿Yaqsa sekwet'a? Meykexho aqsok ekmaso apkelánéyak kélnaqlákxak énxet'ák ahagkok ma'a Babilonia. Apkeleykpók apkelpaqméteyncha'a ekyennaqte m'a ektáha nak apkelma, megkeytyapweykmok selókáséyak.

Isaías 52:5 ပူးပေါင်းရင်းမြစ်များ

2 Samuel 12:14

Apketche kaxwe aptéyam sa' eyke yetsapok, hakte aplókassamók apagko' xép ma'a Wesse' egegkok.

Salmos 44:12

meyke ekmomnáwa agko' apkexakhák énxet'ák apagkok, méko han aqsok ekwetassama eñama apkexakha.

Salmos 44:16

eñama m'a sélenmexma nak, apmáheyo nak chá'a hektámegma', tén han hetaqnók, tén han hetwasagkoho'.

Salmos 74:10

Oh Dios, ¿háxko sa' ekwánxa katnégwók néxa sẽlenmexeykha m'a sẽlenmexma nak? ¿Háxko sa' ekwánxa katnégwók néxa apxéneykha ekmaso exchep?

Salmos 74:18

Wesse', kaxénwakxoho apwáxok aplókassama exchep ma'a apkelenmexma nak, tén han apxéneykencha'a chá'a ekmaso m'a énxet'ák élyeyháxma nak.

Éxodo 3:7

Apkelenxanakmók axta eyke aptáha apcháneya Wesse' egegkok se'e: —Naqsók agko' ko'o sekweteya ektémakxa apkellegeykegkoho énxet'ák ahagkok ma'a apheykencha'a nak Egipto. Eklegayak nahan ko'o ektémakxa apkelpaqméteykha apkelxeyenma élleklámeykegko aptamheykegkaxa m'a apkelámha apmonye'e apxegkessesso nak chá'a apkeltamheykha, ekya'ásegkók ektémakxa apkellegeykegkoho.

Isaías 22:16

“¿Yaqsa apkelánéya exchep se'e? ¿Yaqsa ekmésso yaqwayam yának kalanaxchek xama takhaxpop se'e? ¿Yaqsa éltémo yának kóllánegwók xama sẽlátawanyamakxa m'a néten nak? ¿Yaqsa éltémo yának kólmétawók meteymog ma'a néllókassamakxa nak chá'a nélyampe?

Isaías 37:28

Ekya'ásegkók ko'o ekyókxoho m'a ektémakxa nak chá'a apweynchámeykha tén han ma'a aptémakxa nak chá'a; Ekya'ásegkók ko'o setaqnagkama exchep.

Isaías 37:6

tén axta Isaías apkeltamho etnehek elátegmowagkokxak wesse' apagkok se'e: “Aptáhak Wesse' egegkok se'e: ‘Nágye aqsa xa amya'a apleg'a nak, cham'a aptáhakxa nak ko'o seyáneya sénmexeyncha'a m'a wesse' apwányam Asiria apkeláneykha nak.

Isaías 47:6

Ekméssegkek axta ko'o yaqwayam elmegqék énxet'ák ahagkok ahagko' ma'a séltaqnaweykegko axta énxet'ák ahagkok, tén axta séltémo kalmok xeye'. Axta kalmopyósak élányo exche' m'a, kelhayak axta aqsok ekyentaxno agko' ma'a apkelwányamo nak.

Isaías 51:20

Apkelyelqákpek ma'a étchek, máxa aptamhágkok ma'a popyet kelhanma ekmál'a, aphágkek ma'a ekyókxoho ámay awáxok, eñama ellegassáseykegkoho m'a Wesse' egegkok aplo, eñama appékessáseykekxa aqsok melaqhémo m'a Dios agkok nak.

Isaías 51:23

Agkések sa' ko'o m'a apkellegassáseykegkoho nak chá'a, aptéma nak chá'a apkelanagkama s'e: ‘Kólhák náxop, ólyeykhekxak sa' negko'o kéxegke’; Keñe kéxegke kólhagkok chá'a náxop yaqwayam enxoho kólteyammaha kólteméssesek ma'a ektémól'a kólteyammaha xapop.”

Isaías 52:3

Aptáhak Wesse' egegkok se'e: “Méko axta ketse' enxoho ekyánmaga sekxawe ko'o kélnaqleykekxoho axta kéxegke yaqwayam kólteméssesek kélásenneykha naqsa; méko sa' nahan ketse' enxoho ko'o ayenyók ekyánmaga sélwagkasso teyp se'e kaxwo nak.

Jeremías 50:17

“Máxa nepkések apkelxegányam la'a m'a énxet'ák Israel, ekmenxeneykhal'a méwa. Wesse' apwányam Asiria axta apto apmonye', keñe axta natámen Nabucodonosor wesse' apwányam nak Babilonia, apkeltakxékencha'a apexchakkok.

Lamentaciones 1:21

Apkellegayak eykhe énxet'ák se'e ektémakxa nak sélekxagweykha, méko eyke xama enxoho yaqwayam epeykásekxak ewáxok. Apkelya'ásegkók ektémakxa ekmaso sekha m'a apyókxoho nak sélenmexma, kelpayheykekxók han apkelwáxok setnéssessama ko'o exchep xa. ¡Yána kawak heykxa m'a ekhem apxeyenma axta, keñe sa' kay'ammok han ma'a ektéma nak ko'o sey'áya!

Lamentaciones 2:3

Xama axta aplawa, apmasséssekmek axta ekyókxoho ektémakxa ekha ekyennaqte m'a Israel. Egyementamákxeyk sempasmo apmopwána sẽlenmexa m'a nélenmexma; ¡apwatneyk táxa m'a nepyeseksa énxet'ák Jacob, kelwatneyk ekyókxoho aqsok ekhéyak nak neyáwa'!

Ezequiel 20:14

Sekmasma sekwesey axta eyke keñamak malana xa, yaqwayam enxoho mehexénmakha ekmaso m'a énxet'ák apweteykegkoho axta ektáhakxa sélántekkesa m'a Egipto.

Ezequiel 20:9

Éláneyak axta ko'o xa, eñama sekmasma m'a sekwesey, yaqwayam enxoho maxénaxchék ekmaso nápaqta'awók ma'a énxet'ák, cham'a kañe' apheykegkaxa nak, hakte ekxekmowásamáxkók axta ko'o nápaqta'awók xa énxet'ák nak, éltennassegkek axta nahan alántekkesek ma'a Egipto.

Sofonías 1:10

Keso aptáhakxa exchek appeywa Wesse' egegkok se'e: “Kañexchek sa' kélpáxameykha ektegyeykha ekpasmo xa ekhem nak eyeynamo m'a kéltéma nak Kelasma Átog agkok. Kalpayheykha sa' apatña'ák énxet'ák ma'a kéltéma nak Kaxwe Apheykegkaxa, kaxtegyók sa' ekyennaqte agko' apkelyaqnenma tegma m'a egkexe nak.

Jueces 18:3

Apchágketchessekmek axta apxagkok Micaías, apyekpelchawók axta appeywa m'a wokma'ák levita, keñe axta apkelyo'ókmo aptáha apkelmaxneyáncha'a s'e: —¿Yaqsa axta ekyentamayam se'e? ¿Yaqsa ektéma aphaya s'e yókxexma nak? ¿Yaqsa aptegyeykencha'a?