Isaías 52:2 - Biblia Enxet

² Jerusalén, etnemekxa néten, epaxnexchaha apyempehek xapop ánek, exa néten taháno ekyawe ektaqmalma. Sión, apyetchesamakpoho nak kelán'a étkok ekmomaxche, elek kaxwók apyespok xa kéltete nak aqsok ekyentaxno.

Isaías 52:2 ပူးပေါင်းရင်းမြစ်များ

Isaías 10:27

Kólhaxyawássesek sa' kélpata ekyentaxno kélpatmeykencha'a nak chá'a xa ekhem nak, kólekkexekxak sa' ma'a aqsok ekyentaxno élyaqhapma nak chá'a.” Apkelpéwók apkelxegakmo énxet'ák Asiria m'a ekpayho nak Rimón,

Isaías 14:25

Amasséssók sa' énxet'ák Asiria m'a seyókxa, alteyammaha sa' ma'a néten meteymog élekhahéyak ahagkok nak. Kamaskok sa' elhakpok énxet'ák ahagkok ma'a apkeltamheykha ekyentaxno apkelmésso nak chá'a m'a, kamaskok sa' apkelpata m'a aqsok ekyentaxno apkelpatmeykencha'a nak chá'a.

Isaías 29:4

Mékoho sa' kóltemessásekxa', kólpekkenek sa' náxop; máxa kélhagák ekpeywa sa' katnekxak ma'a appeywa; máxa negyexcháseykha sa' katnekxak ma'a appeywa.

Isaías 3:26

Ellekxagwaha sa' énxet'ák ma'a tegma apwányam, kallapwomagkok sa', etaqmopagkohok apagko' sa', exhok sa' ma'a ektémól'a kelán'a ektaqmópeyak axakkók ekhal'a náxop.

Isaías 49:21

Keñe sa' xeye' katnehek awáxok se'e: ‘¿Yaqsa axta setasso ko'o xa étchek nak? Méko axta ko'o étchek, mowanchek nahan óta'; élyentameykekxeyk axta ko'o megkatnahakxa seyókxa, ektaqmópeykegkek axta, ¿Yaqsa séktegkessesso ko'o xa? Exakkók axta ko'o ektaqmópeykegkok, ¿háxko eyke apkeleñamakxa xa?’”

Isaías 51:14

Kaxwók sa' kólántekkesek ma'a énxet'ák apkelmomap nak; meletsepek sa' ma'a kañe' kélxátamakxa nak, yetneyk sa' nahan katnehek ma'a aptéyak.

Isaías 51:23

Agkések sa' ko'o m'a apkellegassáseykegkoho nak chá'a, aptéma nak chá'a apkelanagkama s'e: ‘Kólhák náxop, ólyeykhekxak sa' negko'o kéxegke’; Keñe kéxegke kólhagkok chá'a náxop yaqwayam enxoho kólteyammaha kólteméssesek ma'a ektémól'a kólteyammaha xapop.”

Isaías 60:1

Kólchaqnekxa néten, énxet'ák Jerusalén, kólaqlaxche apkelyenma, hakte wa'ak élseyéxma kélagkok, kelyenmeyk Wesse' egegkok apcheymákpoho kélyetseksa'ák.

Isaías 61:1

Wesse' egegkok espíritu apagkok ko'o sekxegexma, hakte epagkanchek axta ko'o m'a Wesse' egegkok; eyáphássek axta asókasek amya'a ektaqmela m'a énxet'ák meyke nak aqsok apagkok, eyáphássek axta amasséssesek élyaqhápeykha apkelwáxok ma'a énxet'ák élyaqhápeykha nak apkelwáxok, eyáphássek axta allegaksek peya kólchexeykxak ma'a apkelmomap nak, tén han peya kólántekkesek ma'a apheykha nak kañe' negmomaxchexa;

Isaías 9:4

Hakte apmasséssekmek xép ma'a ektémakxa nak sẽlásenneykha naqsa apkelhamakpo nak ma'a énxet'ák, tén han ma'a kélnaqtawáseykegkoho élyaqhakkáseykencha'a nak apkelwáxok, tén han ma'a apkemha apmonye' apkelhaya nak chá'a. Máxa entáhak ma'a ektáhakxa axta apmasséssekmo m'a Madián.

Jeremías 51:45

Énxet'ák ahagkok, kólántép xa, ¡kólwagkasaxche teyp kólenyahagkok, amonye' seklómo ahagko'!

Jeremías 51:50

Kéxegke kélegketamaxche axta, kólenyahák meyke kélchaqnágwayam, kélwokmek sa' agkok ma'a makhawo nak, kaxén sa' kélwáxok ma'a Wesse' egegkok, nágkalwánaqma aqsa m'a Jerusalén.

Jeremías 51:6

“¡Kólántép Babilonia! ¡Kólwagkasaxche teyp kélewagko enxoho! ¡Nágkóltamho kóletsapok eñama apkeláneyak melya'assáxma m'a énxet'ák Babilonia! Wokmek kaxwók sekyaqmagkáseykekxexa mók apkeltémakxa, axnéshok sa' mók ma'a ektémakxa nak chá'a aqsok apkeláneyak.

Ezequiel 34:27

Keyxek sa' ma'a yenta'a élaqnéyak nak yókxexma, katekkesek sa' aqsok ekyexna eknakxamáxche m'a xapop, tásek sa' katnehek apkelweynchámeykha xapop apagkok apagko' nak ma'a. Élyementamákxeyk sa' agkok ko'o énxet'ák ahagkok ma'a ektáha nak chá'a apkelásenneykha naqsa, elya'ásegwók sa' ko'o sektáha Wesse'.

Zacarías 2:6

Aptáhak axta Wesse' egegkok se'e: “Ko'o axta séxpánchesso kéxegke sélya'assama ekyókxoho yókxexma. Kaxwo', ektáhak séláneya s'e: ¡kólpekhésha kólántépok se'e apkelókxa nexcheyha nak! ¡Kólántép Babilonia, kélheykegkaxa nak kéxegke kélántekkessama, ektáha axta kélheykha m'a Sión! Ko'o sekxeyenma xa, sektáha nak Wesse'.”