Isaías 51:9 - Biblia Enxet

⁹ Exatakha' Wesse' egegkok exatakha' yetlo apmopwána, emekxa apyennaqte; exatakha' aptéma axta m'a nentámen axta cham'a nanók agko' axta. Apkelyaqtenneykegkek axta exchep ma'a Rahab, cham'a yegmen askok ekyawe nak;

Isaías 51:9 ပူးပေါင်းရင်းမြစ်များ

Job 26:12

Apyennaqte keñamak apwanmeyáseykekxo wátsam ekwányam; apmopwána aqsok keñamak apchaqhama m'a yegmen askok eklo, cham'a Rahab.

Job 9:13

Aplókek agkok Dios, yehémek kamaskok aplo; mékoho aptemessáseykekxak ma'a élxegexma'a nak yéwa ekwányam Rahab.

Salmos 21:13

Wesse', ¡exnekxa néten yetlo apmopwána! ¡Ólátsaha sa' yetlo nélmeneykmasso eñama apmallanma!

Salmos 44:1

Oh Dios, nenlege egagko' negko'o séltennáseykha m'a ẽlyapmeyk nano' axta, apteméssessamakxa axta chá'a apkelyennaqtamakxa axta, cham'a nentámen axta:

Salmos 44:2

meyke apmeykha axta apkelántekkessók xép ma'a énxet'ák melya'áseyak nak xép, apkellegassáseykegkók axta pók aptémakxa énxet'ák, keñe apkelhesseykmo ẽlyapmeyk negko'o m'a.

Salmos 44:23

¡Exatakha', Wesse'! ¿Yaqsa ektáha aptena nak? ¡Ná hegkexáwho apagko' aqsa!

Salmos 44:24

¿Yaqsa ektéma apyexanmoma nak? ¿Yaqsa ektéma megkaxeyenma nak apwáxok negko'o, néllegeykegkoho egagko' nak?

Salmos 59:4

malaneyk ko'o aqsok ekmaso xama enxoho, makke kahaxanmak appekhéssamo sektámeyam. ¡Exatakha'! ¡hélanyexegma', elano!

Salmos 7:6

¡Wesse', yempekxa néten elwok! ¡Elenmexekxa m'a sélenmexma apkello nak! ¡Hepásegwata'! xép appekkenma axta appeywa hentaqmelchessásekxak negheykha

Salmos 77:5

Kaxének chá'a ewáxok ma'a ekhem, tén han ma'a apyeyam nentámen axta;

Salmos 78:65

Apxatakha'ak axta eyke Wesse' egegkok, máxa axta aptáhak ma'a xama énxet apteyenmal'a exatakha', aptémól'a kempakhakma yáp exátekhágwók natámen éllágwayam eyaqhe vino,

Salmos 87:4

“Ewanchek ko'o atnehek alyetsetek nepyeseksa énxet'ák sélweteykxa nak se'e: Egipto, Babilonia, Filistea, Tiro, tén han Etiopía; apyókxoho apteme apkelánteyapmakxa exchep ma'a.”

Salmos 89:10

apteyáyekmek xép ma'a yegmen askok ekyawe nak, máxa ápak apteméssessók apchaqhama; apkexpánchessegkek apkelenmexma yetlo apmopwána.

Salmos 89:11

Apagkok xép ma'a néten, tén han náxop; xép axta apkelane nélwanmégkaxa, tén han ma'a ekyókxoho aqsok ekhéyak nak awáxok.

Salmos 93:1

¡Wesse' egegkok apteme Wesse' Apwányam! Apcháhakkásamákpek Wesse' egegkok ma'a apkelyenma, aptémól'a nentaxno, apwakhésamakpek ma'a apmopwána ektémól'a nentétamáxche'! Apyennaqtéssamók appekkenma nélwanmeygkaxa m'a, yaqwayam enxoho megkayawheykha.

Éxodo 6:6

Cháxa keñamak séltamho nak ko'o exog eltennaksek israelitas sekmako almallahanchesek ko'o ektémakxa nak kélásenneykha naqsa tén han ektémakxa nak ekyentaxno apkeltamheykha apmésso chá'a m'a egipcios, ko'o sektáha nak Wesse' kélagkok. Axekmósek sa' ko'o sekmowána. Alwagkasek sa' nahan teyp ekyetlómo sélane ekwányam agko' sellegassáseykegkoho ekwokmoho sélántekkesa.

Isaías 27:1

Elyetxák sa' sókwenaqte apagkok Wesse' egegkok yéwa ekwányam ekwesey nak Leviatán xa ekhem nak, cham'a sókwenaqte apagkok ekmahamta nak, tén han ekyawe, ekha nak ekyennaqte, yéwa ekwányam élyaqseykekxohol'a, yéwa ekwányam ekpexyaweykegkohol'a náxop kaxog, yaqhek sa' nahan ma'a yegmen askok ekyawe ekyetnama nak ma'a wátsam ekwányam.

Isaías 30:7

megkalmopwancha'a nak elanagkok xama aqsok, megkalmopwancha'a nak epasmok pók. Cháxa keñamak sekteméssessama nak ko'o apkelwesey: “Yéwa ekwányam ekyexwéweykha naqsa méko xama aqsok kalána'”.

Isaías 51:17

Kaxatakha Jerusalén, kaxatakha', kampekxa néten. Legágkók xe' Wesse' egegkok aplo, máxa entáhak ma'a ekyena enxoho xama egheykok kélyeta m'a vino, yamásawók ekyena ekwokmoho eyaqha.

Isaías 51:5

Chágketwa'ak kaxwók ma'a ekpéwomo nentémakxa ahagkok, ketók kaxwók ekweykxa m'a nélwagkásamáxche teyp ahagkok; yetlo sekmowána sa' ko'o atnehek alanha m'a énxet'ák. Héleyxek sa' ko'o m'a énxet'ák apheykha nak apkelókxa neyáwa wátsam ekwányam, yásenneykxak sa' ma'a ektémakxa nak ko'o sekmowána.

Isaías 52:1

Sión, exatakha', énnákxoho; Jerusalén, tegma apwányam aptaqmalma, elántaxnekxa apkelnaqta apkeltaqmalma apagko' nak, hakte melántexek sa' chá'a kaxwók kañe' apwáxok ma'a énxet'ák melya'áseyak nak Dios, tén han ma'a élmanyása nak apyempe'ék.

Isaías 52:10

Apxekmóssek apmopwána Wesse' egegkok nápaqta'awók ma'a apyókxoho pók aptémakxa énxet'ák. Kólya'asagkohok sa' ekyókxoho keso náxop sẽlwagkasa teyp ma'a Dios egagkok.

Isaías 53:1

¿Yaqsa sa' megkay'ássemek ma'a amya'a nenlegaya axta negko'o? ¿Yaqsa axta énxet apxekmósa apmopwána m'a Wesse' egegkok?

Isaías 62:8

Naqsók kaxwók aptáha appeywa Wesse' egegkok apya'asa néten apaktog apkelya'assamakxa ekha nak ekyennaqte s'e: “Magwohók sa' chá'a kaxwók etawagkok hótáhap apaktek kélagkok ma'a kélenmexma nak. Magwohok sa' nahan kaxwók énagkok vino kélláneyák nak ma'a énxet'ák apkeleñama nak mók nekha;

Ezequiel 29:3

Etne sa' yának se'e: “Keso aptáhakxa exchek appeywa Wesse' egegkok se'e: Faraón, ekxénchek ko'o exchep aptáha sénmexma, wesse' apwányam nak Egipto, apteme nak yegmen askok ekyawe eklo apyetnama nak ma'a neyseksa wátsam apagkok, apteme nak chá'a epaqmésmakha s'e: Ahagkok ko'o Wátsam Nilo, ko'o sélane.

Miqueas 7:15

Exekmós ma'a aqsok sempelakkasso nak agweta', ektéma axta m'a apkelántekkessama axta Egipto.

Habacuc 2:19

¡Kéxegke la'aye, kéltémo nak kaxatakhak kéleykmássesso élánamáxche nak yántéseksek, tén han kéltémo nak katnamha meteymog meyke nak ekpeywa! ¿Awancheya kaltennaksek amya'a m'a? ¡Yawanche', méko énnama m'a, sawo ekyátekto ekmomnáwa eykhe kélyepetchesso m'a émpehek nak, tén han sawo ekmope ekmomnáwa!

Habacuc 3:13

Apyaweykteyk xép yaqwayam epasmok énxet'ák apagkok, tén han ma'a wesse' apwányam apagkok apkelyéseykha axta exchep. Apketsagkassessek xép néten apxanák ma'a énxet'ák élmasagcha'a nak apkeltémakxa, yáxña'akxoho apnegkencháseykxak ma'a meteymog apowhók nak tegma.

Zacarías 10:11

Alyeykhásekxak sa' ma'a wátsam ekwányam Egipto, atekpog sa' ko'o m'a yegmen nak. Eymaksohok agko' sa' yegmen ma'a wátsam Nilo. Amasséssesek sa' ektémakxa nak éleymáxkoho apkelwáxok ma'a énxet'ák Asiria. Amasséssesek sa' nahan ektémakxa nak apkelyennaqte m'a énxet'ák Egipto.

Zacarías 2:13

¡Kólwanmeyák sa' kélyókxoho nápaqtók Wesse' egegkok, hakte apwayak negyeseksa apkeñama m'a kañe' ekpagkanamaxchexa, aphamakxa nak chá'a!

Deuteronomio 4:34

¿Yetnéya xama aqsok kéláyókxa élyéseykha énxet'ák nepyeseksa m'a pók aptémakxa nak énxet, ekyetlómo élane m'a ekxámokma aqsok, tén han ma'a magkenatchesso nak agweta', tén han ma'a sempelakkasso nak agweta' tén han ma'a kempakhakma, yetlo ekmeykha ekyawe ekmowána tén han ma'a ekmowána nak hegyegwakkasek, ekhawo apkeláneya axta kélnápaqta'awók kéxegke Dios Wesse' kélagkok ma'a yókxexma Egipto, eñama apkelmasma kéxegke?

Jueces 6:13

Tén axta Gedeón aptáha apchátegmowágko s'e: —Wesse' ahagkok, apheyk agkok negko'o negyeseksa Wesse' egegkok, ¿yaqsa eyke ektéma sentéma nak negko'o s'e ekyókxoho aqsok nak? ¿Háxko ektémakxa m'a aqsok sempelakkasso sẽltennassama axta chá'a negko'o m'a ẽlyapmeyk nano', sẽltennassama nak chá'a Wesse' egegkok sẽlántekkessama m'a Egipto? Egkexakhamchek negko'o m'a Wesse' egegkok, ẽlméssegkek ma'a madianitas.