Isaías 51:8 - Biblia Enxet

⁸ hakte elxohok sa' elmassegwók ma'a apáwa nentaxno askok ektól'a, ektémól'a m'a nepkések apwa' askok ektól'a. Megkamassegwomek sa' eyke m'a ekpéwomo nentémakxa sekpekkenma nak ko'o, yókxoho apyeyam sa' chá'a keytek ma'a nélwagkásamáxche teyp ahagkok nak.”

Isaías 51:8 ပူးပေါင်းရင်းမြစ်များ

Job 13:28

Taqmelcháseykegkók ekmasagko sekyókxa, ektémól'a aqsok ektepelchamáxche', aptémól'a apáwa askok ektól'a.

Job 4:19

¡eyke ekyágwánxa agkok ma'a énxet, apteme nak apyelqamákpoho, aptémól'a m'a tegma yelpa', apkelánamap la'a néten yagkamex, kélmowánal'a kóltepelkoho', ektémól'a yánseleklek!

Isaías 14:11

Keso néxa exchep apcheymákpoho s'e tén han apháxenmo apkelpáwá m'a arpa apagkok. Élchónamaxche kaxwók ma'a apyetnamakxa néten, yápa apketkók nahan ma'a apchaqlamap.’

Isaías 45:17

Apwagkassek eyke teyp Wesse' egegkok ma'a Israel, apwagkassek teyp meyke néxa, memegqáyhek sa' chá'a xama enxoho, megyaháxeheykha sa' chá'a apmegqakto.

Isaías 46:13

Eyágketchessa'ak ko'o m'a sektamheykha segwagkassamo nak teyp; yahamók agko' ko'o kawak ma'a nélwagkásamáxche teyp ahagkok nak, megkeytnók makhawo'. Awagkasek sa' ko'o teyp ma'a Sión agkések sa' Israel ma'a ektémakxa nak seyeymáxkoho.

Isaías 50:9

Wesse' egegkok chá'a ko'o sepasmo; ¿Yaqsa awanchek kának héllegássesagkohok ko'o? Elmassegwók sa' apyókxoho m'a sélenmexma nak ko'o, máxa sa' etnahagkok ma'a apáwa nentaxno askok ektól'a.

Isaías 51:6

“Kólenmexho néten, keñe sa' kólenmexentámhok náxop: máxa éten sa' katnehek kamassegwók ma'a néten, kakpelchexchek sa' ma'a xapop, máxa apáwa nentaxno sa' katnehek, keñe sa' ma'a énxet apheykha nak ma'a awáxok máxa páye sa' etnehek eletsapok. Megkamassegwomek sa' eyke m'a nélwagkásamáxche teyp ahagkok nak, meyke néxa sa' katnehek ma'a ekpéwomo nentémakxa sekpekkenma nak ko'o.

Isaías 54:9

“Ektáhak ko'o kaxwók sekxéna exche' peya mataqnókehe' tén han maxének kaxwók añássesagkoho', sektémakxa axta seyanagkama m'a Noé séltémo axta megkápekxók chá'a kaxwók yegmen ekyawe keso náxop, cham'a natámen axta eyapma yegmen ekyawe.

Isaías 66:24

“Elchexyók sa', elwetágwaták sa' énxet aphopák ektáha axta ko'o sénmexeykekxa. Meletsepek sa' ma'a yápa apketkók ektáha nak apto, megkaspónhek sa' nahan ma'a táxa ektáha nak élwatno. ¡Yetsek sa' elanok ma'a apyókxoho énxet'ák!”

Daniel 9:24

“Setenta semána sa' kayeykhak kólmasséssók apkeltémakxa élmasagcha'a m'a énxet'ák apagkok tén han melya'assáxma, tén han tegma apwányam appagkanamap nak, yaqwayam sa' megkólyaqmagkásekxeyk ma'a apkeltémakxa élmasagcha'a, tén han keytek ekpéwomo nentémakxa meyke néxa, yaqwayam sa' katnehek ma'a ektémakxa axta aqsok apwete, tén han ekxénamaxche' kéltemessásekxo sa' appagkanamap apagko' ma'a Tegma Appagkanamap nak.

Oseas 5:12

Anaqtawasha sa' ko'o m'a énxet'ák Efraín, máxa sa' atnehek ma'a askok ektómól'a apáwa, ekmaso sa' atnessásekxak ma'a Judá, máxa sa' atnehek ma'a ektémól'a yaqtónma yámet.