Isaías 51:7 - Biblia Enxet

⁷ “Kóleyxho sekpeywa, kéxegke kélya'áseykegkoho nak aqsok ekpéwomo, kélpekkenma nak chá'a kélwáxok ma'a nélxekmowásamáxche ahagkok. Nágkóle apkelxéneykha ekmaso nak chá'a m'a énxet'ák, nágkólho kalyélaqtések ma'a apkelya'ásseyam ekmaso nak,

Isaías 51:7 ပူးပေါင်းရင်းမြစ်များ

Salmos 37:31

Enegkenek han chá'a apkelwáxok ma'a segánamakxa apagkok nak Dios apagkok; ¡megkasógwomek chá'a apkelxega!

Salmos 40:8

Dios ahagkok, kalkohok chá'a ko'o ewáxok alának ma'a apmopmenyého nak xép; ¡ekpekkenmeyk ewáxok ma'a segánamakxa apagkok nak!

Isaías 25:8

Emasséssamhok apagko' sa' Wesse' egegkok ma'a nétsapma, elhaxyawássesagkok sa' apaqtek égmen'ák apyókxoho énxet'ák, yának sa' kamassegwók apkelmegqásamáp énxet'ák apagkok ekyókxoho keso náxop. Wesse' egegkok apxeyenma xa.

Isaías 33:22

Kelyelqamáxcheyk táma' kélnaqtete xa yántakpayhe ekyawe nak massegkek élyennaqtésso m'a yámet ekwenaqte agkok nak; megkólwanchek kólpeykásekxak ma'a apáwa agkok nak. Ólyementamok sa' ekxámokma agko' aqsok apagkok ma'a sẽlenmexma nak, kawomhok sa' apkelxawéyak aqsok apagkok ma'a meyke nak apaqta'ák, elmagkok sa' aqsok ma'a élmasagcha'a nak chá'a apyókxa apkelyelqamap nak chá'a. Hakte Wesse' egegkok apteme énxet segyekpelchémo egagkok, apteme senlánésso chá'a segánamakxa tén han wesse' apwányam egagkok, sa' hẽlwagkasek nahan teyp ma'a.

Isaías 37:6

tén axta Isaías apkeltamho etnehek elátegmowagkokxak wesse' apagkok se'e: “Aptáhak Wesse' egegkok se'e: ‘Nágye aqsa xa amya'a apleg'a nak, cham'a aptáhakxa nak ko'o seyáneya sénmexeyncha'a m'a wesse' apwányam Asiria apkeláneykha nak.

Isaías 51:1

Kóleyxho sekpeywa, kélyókxoho kélmámenyého nak chá'a kóltéhek ekpéwomo kéltémakxa tén han sélchetamso nak chá'a ko'o —axta aptáhak Wesse' egegkok. Kóllano meteymog kélyaqténneykegkaxa axta chá'a kéxegke, ekheykegkaxa nak meteymog kélweykekxexa axta chá'a;

Isaías 54:4

Nágke' aqsa, megkasmésaxcheyk sa'; megkólya'ássemek sa' nahan, méko sa' nahan xama aqsok enxoho kamegqaksek. Kalwánaqmak sa' ma'a ektémakxa axta ekmegqakto, cham'a ektémakxa axta étkok, megkaxénwakxók sa' chá'a kaxwók awáxok ma'a ektémakxa axta ekmegqasso ektamheykekxa axakko', meyke atáwa',

Jeremías 1:17

Xép akke, énnaqteyásekxoho sa' apwáxok; exeg sa' eltennássók ekyókxoho m'a séltamhókxa enxoho eltennaksek. Nágye' aqsa, hakte sa' agkok etnahak xa, alpexyennegkesek sa' ko'óxa exchep apmonye'e xa énxet'ák nak.

Ezequiel 2:6

Xép akke, énxet, nágye xa énxet'ák nak, nágye nahan ma'a aptáhakxa enxoho apcháneya, máxa sa' eykhe katnehek ekwakha'a enxoho m'a am'ák essenhan apweynchámeyncha'a enxoho neyseksa yettáha. Nágye m'a aptáhakxa enxoho yána', ná égwe' aqsa m'a apchaqneyncha'a enxoho apmonye', hakte kalyéha'awók agko' apkelwáxok ma'a.

Deuteronomio 6:6

“Kólpekken kélwáxok ekyókxoho m'a aqsok séltennasa exchek sakhem,