Isaías 51:22 - Biblia Enxet

²² Aptáhak Dios Wesse' kélagkok se'e ektáha axta apkelmasma m'a énxet'ák apagkok: “Eymentemekxak sa' ko'o kéxegke s'e egheykok élnápeykencha'a nak chá'a kélyeta m'a kañe'; megkólyenekxók sa' chá'a kaxwók ma'a egheykok kélyeta nak seklo.

Isaías 51:22 ပူးပေါင်းရင်းမြစ်များ

Salmos 35:1

Wesse', elenmex énxet'ák sénmexeykha nak chá'a ko'o; ektamák ma'a sektámeyam nak chá'a ko'o.

Salmos 60:3

Apkellegassáseykegkók axta ekyentaxno agko' ma'a énxet'ák apagkok, ẽleykegkek axta negko'o exchep vino segyeykessamo nak exma.

Proverbios 22:23

hakte Wesse' egegkok sa' epasmok ma'a, keñe sa' eñássesagkohok ma'a ektáha nak chá'a apnaqtawáseykegkoho.

Isaías 29:9

¡Kóllenxanmagkoho aqsa kéxegke kélteme élyeyháxma! ¡Kóllenxanmagkoho aqsa kélteme meyke kélaqta'ák, meyke kélwete xama aqsok! ¡Kóllenxanmagkoho aqsa kélyawheykha aptémól'a m'a anmen áto', neyseksa megkólyenéyak eykhe m'a anmen segaqhamól'a!

Isaías 3:12

Sakcha'a m'a apnaqtawáseykegkoho nak énxet'ák ahagkok; kelán'ák kaxwo' tamheykegkok ma'a wesse' apagkok. Énxet'ák ahagkok, apkelyexancháseykha kéxegke m'a apkelámha apmonye'e kélagkok, apkelxegánegkessegkek apkelya'áseykekxo m'a mók ámay.

Isaías 3:13

Apkelánekxeyk aptáhakxa Wesse' egegkok yaqwayam elyekpelkoho', appenchessek aptáhakxa yaqwayam elyekpelchásseshok ma'a énxet'ák apagkok.

Isaías 49:25

Apxénchek Wesse' egegkok kélwanchek kólyementók: “Kólyementemekxak sa' apkelma axta m'a énxet apyennaqte nak, kólyementemekxak sa' aqsok ekxámokma axta apkelma m'a wesse' aplo nak. Ko'o sa' alátegmoweyxchek chá'a m'a apmáheyo nak chá'a elátegmoweykpok; ko'o ahagko' sa' nahan alwagkasek teyp ma'a étchek nak xeye'.

Isaías 51:17

Kaxatakha Jerusalén, kaxatakha', kampekxa néten. Legágkók xe' Wesse' egegkok aplo, máxa entáhak ma'a ekyena enxoho xama egheykok kélyeta m'a vino, yamásawók ekyena ekwokmoho eyaqha.

Isaías 62:8

Naqsók kaxwók aptáha appeywa Wesse' egegkok apya'asa néten apaktog apkelya'assamakxa ekha nak ekyennaqte s'e: “Magwohók sa' chá'a kaxwók etawagkok hótáhap apaktek kélagkok ma'a kélenmexma nak. Magwohok sa' nahan kaxwók énagkok vino kélláneyák nak ma'a énxet'ák apkeleñama nak mók nekha;

Jeremías 25:15

Aptáhak axta ko'o seyáneya Wesse' egegkok, Dios apagkok nak Israel: “Elano' s'e egheykok ekláneyo nak vino seklo. Ema, elák sa' chá'a énxet'ák ekyókxoho apchókxa, seyáphasakxa enxoho chá'a exchep.

Jeremías 50:34

Apmeyhek eyke m'a apkelántekkesso nak, apwesey nak Wesse' ekha apyennaqte. Sa' etaqmelchessásekxak apheykha m'a, esógmak sa' meyke ektáhakxa negha m'a apchókxa, keñe sa' ekmaso apheykha m'a apheykha nak Babilonia.”

Jeremías 51:36

Aptáhak Wesse' egegkok se'e: “Alánekxések sa' ko'o exchep amya'a kélteméssessamakxa, ayaqmagkassásekxak sa' ko'o apteméssessamakxa exchep ma'a apkelenmexma. Eymaksek sa' ko'o m'a wátsam, tén han ma'a élánteyapmakxa nak yegmen Babilonia,

Lamentaciones 3:15

Eyánchessessamok ko'o eklo ewáxok Wesse' egegkok; askehek ma'a sekya seyeykegko nak chá'a.

Lamentaciones 3:58

Wesse', epasmomchek axta exchep, megyahayók watsapok.

Ezequiel 39:29

Matnehek sa' chá'a kaxwók malányo, hakte ekpekkenchek ko'o kaxwók sekmowána nepyeseksa m'a énxet'ák Israel. Ko'o sekxeyenma xa sektáha nak Wesse'.”

Joel 3:2

Wánchásekxak sa' apyókxoho pók aptémakxa énxet'ák, alya'aksek sa' ma'a xóp ekyapwate nak Josafat, sa' alyekpelkohok ko'o m'a, apteméssessamakxa axta m'a énxet'ák ahagkok Israel. Hakte apkexpánchessegkek axta énxet'ák Israel apkelya'assama chá'a ekyókxoho keso nélwanmégkaxa', apmelassamákpek axta seyókxa.

Abdías 1:16

Askohok agko' axta kélya kéxegke sekyeta axta egheykok kélyeneykegko axta m'a egkexe ahagkok ekpagkanamaxche nak, sa' kaxhok han ekmáske sekyeta egheykok peya sa' énagkok énxet'ák ekwokmoho apyamásegko, emassegwók sa' apyókxoho.

Miqueas 7:9

Éláneyak ko'o may'assáxma sénmexeykekxo Wesse' egegkok, cháxa keñamak peya nak alenmaxaxkohok ma'a aplo nak; ékpelkohok sa' ko'o sektémakxa m'a, hélánekxések sa' amya'a. Hey'aksek sa' ko'o Wesse' egegkok ma'a élsakókxa nak exma, yának sa' ótak ma'a segwagkasso teyp apagkok.

Zacarías 12:2

“Ekteméssessek ko'o xama egheykok vino kélyeta m'a Jerusalén yaqwayam sa' kalnáhakkasek ma'a apyókxoho pók aptémakxa énxet'ák apheykha nak chá'a m'a neyáwa. Kélwakhegwokmek sa' agkok ma'a Jerusalén, kólchetamagkok sa' nahan ma'a pók tegma apkelyawe nak ma'a Judá.

1 Samuel 25:39

Xama axta apleg'a David apketsapa m'a Nabal, aptáhak axta s'e: —¡Apcheymákpoho sa' kólteméssesek Wesse' egegkok, seyaqmagkassásekxo nak ektémakxa setaqnaweykha m'a Nabal! ¡Meltamhók alának aqsok ekmaso, Nabal apagko' han apcháhakkásekxak ma'a aptémakxa ekmaso! Tén axta David apcháphássesa appeywa apmako emekxak etnehek aptáwa' m'a Abigail.