Isaías 51:20 - Biblia Enxet

²⁰ Apkelyelqákpek ma'a étchek, máxa aptamhágkok ma'a popyet kelhanma ekmál'a, aphágkek ma'a ekyókxoho ámay awáxok, eñama ellegassáseykegkoho m'a Wesse' egegkok aplo, eñama appékessáseykekxa aqsok melaqhémo m'a Dios agkok nak.

Isaías 51:20 ပူးပေါင်းရင်းမြစ်များ

Isaías 29:9

¡Kóllenxanmagkoho aqsa kéxegke kélteme élyeyháxma! ¡Kóllenxanmagkoho aqsa kélteme meyke kélaqta'ák, meyke kélwete xama aqsok! ¡Kóllenxanmagkoho aqsa kélyawheykha aptémól'a m'a anmen áto', neyseksa megkólyenéyak eykhe m'a anmen segaqhamól'a!

Isaías 40:30

Awanchek nahan elyampak chá'a m'a apketkók nak tén han elyelqakpok chá'a, kawomhok nahan apkelpelápeyam chá'a m'a élyennaqte nak apyempe'ék,

Isaías 49:26

Wának sa' ko'o etawagkokxak aphápetek apancha'awók ma'a apsawhéssamo axta aqsok kélagkok, wának sa' kalnápekxak ma'a éma apagkok apagko' nak ektémól'a énagkok ma'a vino. Keñe sa' elya'asagkohok apyókxoho énxet ektáha ko'o sekwagkasso teyp, ko'o sektáha nak Wesse'; elya'asagkohok sa' sektáha sekmallahanchesso aqsok ekyentaxno, ko'o sektáha nak Jacob Wesse' apagkok ekha sekyennaqte.”

Isaías 5:25

Cháxa keñamak apkeltaqnaweygko nak Wesse' egegkok ma'a énxet'ák apagkok, apkellegassásegkók nahan. Kelyawheyha m'a egkexe nak, máxa aqsok apák kélchexakhál'a táhak ekhéyak kélhapák ma'a ámay awáxok. Makke kamassak makham aplo m'a Wesse' egegkok; xénchek makham apwáxok ellegássesagkoho'.

Isaías 51:17

Kaxatakha Jerusalén, kaxatakha', kampekxa néten. Legágkók xe' Wesse' egegkok aplo, máxa entáhak ma'a ekyena enxoho xama egheykok kélyeta m'a vino, yamásawók ekyena ekwokmoho eyaqha.

Isaías 51:21

Ékeso éñamakxa séltamho nak ko'o kóleyxhok se'e, kélheykha nak tegma apwányam ekmaso nak ektémakxa, kéxegke élnápeykha nak chá'a, megkatnaha nak ma'a vino.

Isaías 66:15

Hakte ewaták sa' Wesse' egegkok neyseksa táxa, hawók samaxche m'a yátnáxeg apyenyawasso apagkok nak; eyenyenták sa' aplo tén han ma'a táxa eyáléwe apagkok senlegassáseykegkoho nak.

Isaías 8:21

Máxa sa' elmahagkok ma'a énxet'ák, yetlo élyaqhápeykha apkelwáxok tén han meyk élnapma, Kallókashok agko' sa' ma'a meyk élnapma. Elyemnaha sa' ma'a wesse' apwányam apagkok tén han ma'a aqsok apkeláyókxa nak chá'a. Elsekhekxohok sa' néten,

Jeremías 14:16

Tén han ma'a énxet'ák ektáha axta chá'a apkeltennáseykha m'a, eletsapok sa' nahan kempakhakma, tén han meyk élnapma, yetlo apnaqteyegka'a, tén han apketchek apkelennay'a tén han kelwán'ák. Kólchexák sa' aphopák ma'a ámay nak Jerusalén, méko sa' kalátawanyek. Sa' atnehek ko'o ayaqmagkásekxak ma'a apkeltémakxa ekmaso nak.

Jeremías 14:18

Ektekkek agkok yókxexma, ótak kaxnagkok kélhapák aptekyawa neyseksa kempakhakma; ektaxneyk agkok tegma apwányam, ótak apkeletsapma énxet'ák eñama meyk élnapma. Weykmok apkellegasso Dios appeywa, tén han apkelmaxnéssesso Dios énxet'ák apagkok apkelmaheykegko m'a apchókxa melya'ásegkaxa nak.’”

Lamentaciones 1:15

Makhawók élya'ássessók ko'o Wesse' egegkok ma'a énxet'ák apkelyennaqte semasma axta chá'a. Eyhayak sẽlpextétamo yaqwayam hesawhaksek ma'a énxet'ák ahagkok apkelyennaqte. ¡Apteméssessók Wesse' egegkok énxet'ák ahagkok Judá m'a kéltémakxal'a kólyaqhápok anmen yámet ekyexna, yaqwayam kalanaxchek vino!

Lamentaciones 1:19

Éltamhók eykhe hepasmok ma'a sélásekhayókxa nak, élyexancháseykha eyke. Apkeletsepmeyk tegma apwányam ma'a apkelmaxnéssesso nak Dios énxet'ák apagkok, tén han ma'a apkelámha apmonye'e ahagkok nak: ¡aptegyeykegkek axta eykhe aptéyak yaqwayam enxoho meletsephe'!

Lamentaciones 2:19

Kaxnekxa néten, kalpáxamha axta'a, nágkalwátessem élpáxameykha; kaltennés ekyókxoho nápaqtók Wesse' egegkok ma'a ektémakxa nak, koho aqsa kaxog ektémól'a yegmen; kalya'ásses néten apmék yetlo ekwóneykha, kalmaxnésses yaqwayam elwetak apkelyennaqte m'a sakcha'a agkok, apkeletsapa nak ámay eñama meyke aptéyak.

Lamentaciones 4:11

Aplómok apagko' ma'a Wesse' egegkok, axta emágweykekxak aplo; apwatnegkek axta m'a Sión keñe apmassésseykmo ekweykmoho m'a apowhók nak.

Lamentaciones 4:2

Máxa weygke apkelánamap la'a yelpa' apkelanél'a xama apkelane yátegwáxwa kaxwók kéltemessásak ma'a apheykha nak Sión, eyaqheykha axta chá'a kélwáxok kóllano', kélhéssamo axta chá'a m'a sawo ekyátekto ekmomnáwa.

Lamentaciones 5:13

Kéltekxekxegkek aqsok aktek ektekxekxo m'a énxet'ák apkelyennaqte apagko' nak; kelháxessegkek yántapák élyentaxno m'a wokma'ák egagkok.

Ezequiel 12:13

Ayenyenták sa' eyke ko'o takhapxet yám'én ahagkok, keñe sa' kamok ma'a. Eyntemekxak sa' ma'a Babilonia, caldeos apchókxa nak, métyehek sa' eyke m'a xapop nak, sa' yetsapwók ma'a.

Ezequiel 17:20

Wáhakkasek sa' ko'o yám'én ahagkok, keñe sa' amok; eyntemekxak sa' ma'a Babilonia, sa' eykpelkohok nahan aptémakxa m'a, eñama seyenseyam sétleykha.

Ezequiel 39:19

Katawagkok sa' pexmok ekwokmoho eknaqtawáseyncha'a, keynagkok sa' nahan éma ekwokmoho élnapa, cham'a aqsok ektekyawa sekmako nak ko'o alanaksek ma'a.

Deuteronomio 14:5

xenaq, yátapopyet, laneyp, popyet apkelleykha nak naxma, tén han ma'a pók aptémakxa nak chá'a m'a yátapopyet apkelyawe nak.

Deuteronomio 28:20

“Yáphássesek sa' kéxegke Wesse' egegkok ekmaso nak negha, magya'áseyak nak nentáhakxa tén han ekyentaxnamo egwáxok ekyókxoho aqsok kéllanakxa enxoho chá'a, kaxwók sa' nahan emasséssók kélyókxoho, eñama kélyamasma, kéllánéyak ma'a kéltémakxa ekmaso.