Isaías 51:19 - Biblia Enxet

¹⁹ Keso ánet aqsok ekmaso eyáhapwaya nak kéxegke s'e: kélmassésseykmek ma'a kélókxa kelmomaxcheyk nahan aqsok ekhéyak ma'a kañe', apkeletsepmeyk nahan énxet'ák kélagkok meyk élnapma tén han kempakhakma. ¿Yaqsa sa' kayóshok kalanok kéxegke? ¿Yaqsa sa' kalpeykessásekxak kélwáxok?

Isaías 51:19 ပူးပေါင်းရင်းမြစ်များ

Job 2:11

Yetneyk axta apqántánxo apkelxegexma'a Job: cham'a Elifaz, apkeñama axta Temán, Bildad, apkeñama axta yókxexma Súah, tén han Sofar, apkeñama axta m'a yókxexma nak Naamat. Xama axta apkelleg'a ekyókxoho aqsok ekmaso eyáhapwe m'a Job, apkelxénchek axta elyo'ókxak epeykessessekxak apwáxok, tén han exmakha aphakxa neyseksa aplegeykegkoho.

Job 42:11

Keñe axta apkelyo'ókmo apyókxoho aptáha meyk'a m'a apkelyáxeg apkelennay'a, tén han kelwán'ák tén han ma'a apnámakkok nak, keñe han ma'a apyókxoho nanók apkelweteykxa nak, apkelánegkek axta xamók ektámáxche ekyawe m'a apxagkok. Apkelxénchek axta han éllapwámegkoho xamo', tén axta aptaqmelchessásekxo apwáxok, eñama m'a ekyókxoho aqsok ekmaso apchahe axta m'a Wesse' egegkok. Xama axta han chá'a apmeyásak selyaqye, tén han ma'a kélatchesso kélaphék sawo ekyátekto ekmomnáwa.

Salmos 69:20

Etwassáseykha ko'o ewáxok ma'a sektaqnómaxche'; ¡eyélaqtéssegke', meyke sekyennaqte etnéssessók! Chaqhémok sektegyeykencha'a yaqwayam hepeykessásekxak ewáxok, tén han kapyósho hélano'.

Eclesiastés 4:1

Élanawók axta ko'o énxet'ák ektémakxa apnaqtawáseykegkoho apnámakkok apheykha nak keso náxop. Ekwet'ak axta apkellekxagweyncha'a m'a énxet'ák kélnaqtawáseykegkoho nak, méko axta eyke élpeykessásekxo chá'a apkelwáxok; asagkók agko' axta chá'a apteméssesakxa m'a ektáha nak apnaqtawáseykegkoho, méko axta eyke élpeykessásekxo apkelwáxok.

Isaías 14:30

Keytek sa' pa'at yaqwayam elagkok apnaqtósso énxet'ák ahagkok meyke nak aqsok apagkok ma'a yókxexma ahagkok nak, tásek sa' katnehek apkellókasso apkelyampe m'a énxet'ák meyke nak aqsok ma'a apxanák. Keñe sa' ko'o wának emaskok meyk élnapma m'a énxet'ák apagkok, alnáhakkasek sa' nahan ma'a apkeleymomap enxoho apqántawo'.

Isaías 22:4

Cháxa keñamak sektáha nak sekpeywa s'e: Hélyenyow exakko', peyk ko'o alekxagwaha; nágkóllenxánem aqsa hélpeykessásekxak ewáxok eñama ekmaso ektáhakxa m'a énxet'ák ahagkok.

Isaías 47:9

Katlakkasek sa' eyke káhapwak xama ekhem agko' xeye' xa aqsok nak: Tampe' sa' katnehek, tén han meyke étchek, megkeyxek sa' ekxámokma m'a ekmowána, tén han ektémakxa nak ekxámokma agko' ma'a ekmowána katekkesek aqsok.

Isaías 54:11

“¡Tegma apwányam apmopyósa nak ektémakxa, ektegkesso nak éxchahayam ekyennaqte, meyke nak yaqwayam kapeykessásekxak apwáxok! Anegkenchesagkok sa' ko'o exchep meteymog apagkok ma'a néten nak meteymog ekpésyam élyenma, keñe sa' apowhak ekyennaqtéssamakxa nak ma'a meteymog élyápaqmate;

Isaías 60:18

Kamaskok sa' kañexchek kaxwók ekyennameykhaxma apkelyennaqteyáseykha apyempe'ék énxet ma'a kañe' xapop kélagkok nak, kamaskok sa' nahan kélmassésseyam aqsok tén han kéltawáseykha, kaltamhaxchek sa' aqsa kélhaxta nak nepyáwa tegma apwányam kélagkok ‘Segwagkasso teyp’ keñe sa' ma'a atña'ák kélagkok nak kaltamhaxchek ‘Nélpeykessamo Dios’.

Isaías 61:2

eyáphássek axta nahan altennaksek énxet'ák ekwa'a m'a ekhem yaqwánxa nak elwagkasek teyp Wesse' egegkok ma'a énxet'ák, ekhem yaqwánxa nak heghésseshok mók Dios egagkok senteméssessamakxa m'a sẽlenmexma nak. Eyáphássek axta yaqwayam alpeykessásekxak apkelwáxok apyókxoho m'a élyaqhápeykha nak apkelwáxok,

Isaías 8:21

Máxa sa' elmahagkok ma'a énxet'ák, yetlo élyaqhápeykha apkelwáxok tén han meyk élnapma, Kallókashok agko' sa' ma'a meyk élnapma. Elyemnaha sa' ma'a wesse' apwányam apagkok tén han ma'a aqsok apkeláyókxa nak chá'a. Elsekhekxohok sa' néten,

Jeremías 15:5

“¿Yaqsa sa' kapyóshok kalanok xép Jerusalén? ¿Yaqsa sa' kaqhek awáxok xép kalano'? ¿Yaqsa sa' keytnakhaksohok awáxok ektémakxa exchep?

Jeremías 24:10

Wahak sa' ko'o kempakhakma, meyk, tén han negmasse ekmaso, ekwokmoho apsawheykpoho apagko' ma'a apchókxa sekméssamakxa axta ko'o, tén han ma'a apyapmeyk nano' axta.”

Lamentaciones 1:12

¡Kéxegke ektáha nak kélxega ámay, kólchaqnágwom sekxo', kalchetam kélwáxok yetneyk agkok kéllegeykegkoho ekhawo nak ko'o, señassáseykegkoho agko' nak! ¡Wesse' egegkok seyhe ko'o xa ektémakxa nak ekyentaxno ewáxok eñama setaqnagko!

Lamentaciones 1:9

Kelyepetcheyak élnaqta m'a aqsok élmanyása; megkaxeyenmak awáxok yaqweykenxa katnehek. Asagkek ektáhakxa ektéyam; méko xama enxoho yaqwayam epeykessásekxak awáxok. ¡Wesse', elano sẽltemessáseykekxa mékoho tén han ektémakxa apkeleymákpoho m'a sélenmexma!

Lamentaciones 3:47

nélmenaye, kelhanma, sẽlmassésseyam, tén han ekmaso negha, ¡cháxa sentéma nak negko'o xa!

Ezequiel 14:15

“Éláphássek agkok aqsok nawha'ák éllo m'a xama apkelókxa, yaqwayam enxoho kalnápok ma'a énxet apheykha nak kañe' tén han sektemessásekxo enxoho yókxexma meykexa énxet megkeyqwayam nak epéwhok eyeykhágwók xama énxet eñama apkeye m'a aqsok nawha'ák éllo,

Ezequiel 14:21

“Ektáhak ko'o sekpeywa s'e sektáha nak Wesse': Kayágwomhok sa' aqsa ekmaso seyáphasa sa' ko'o cuatro nenlegeykegkoho ekmaso agko' ma'a Jerusalén, cham'a kempakhakma, meyk segaqhe, aqsok nawha'ák éllo tén han ma'a negmasse ekmaso, yaqwayam sa' kalnápok ma'a énxet tén han ma'a aqsok kélnaqtósso.

Amós 7:2

Xama axta apsawhawo aptókagko sawa' m'a ekyókxoho aqsok kélcheneykekxa, ekweykekxoho m'a pa'at nak, axta ektáhak ko'o seyáneya s'e: —¡Wesse', hẽlásekhekxoho negko'o! ¿Háxko katnehek elenmaxakpohok ma'a énxet'ák apagkok Jacob? Apqántawók apagko'.

Nahúm 3:7

Yenyahagkok sa' naqtók xeye' apyókxoho ektáha nak apwete, sa' etnehek apkelpeywa s'e: ‘¡Kélmasséssekmek Nínive! ¿Yaqsa sa' kayósho kalano'? ¿Háxko sa' kóteyágwok yaqwayam kapeykessásekxak awáxok?’