Isaías 51:18 - Biblia Enxet

¹⁸ Méko xama enxoho étchek xe' yaqwayam enxoho éntamha chá'a; méko xama enxoho étchek xe' éktegkesso nak yaqwayam emha chá'a ámek.

Isaías 51:18 ပူးပေါင်းရင်းမြစ်များ

Job 8:20

Meyenyawha eyke Dios ma'a énxet ekpéwomo nak aptémakxa, mepasmehek eyke m'a élmasagcha'a nak apkeltémakxa.

Salmos 142:4

Énmexawók axta ko'o m'a ekpayho nak sélya'assamakxa', méko axta sey'awa yaqwayam hepasmok. ¡Méko xama enxoho semasma! ¡Méko xama enxoho ekyetnakhassamo awáxok ko'o!

Salmos 88:18

Éxakkassegkek ma'a énámakkok, tén han sélxegexma'a, ekyáqtessóxma aqsa kaxwók sekxegexma.

Isaías 41:13

Hakte amagkok sa' ko'o exchep ma'a apmék, ko'o sektáha nak Dios Wesse' apagkok, ektemék xeyk ko'o seyáneya exchep se'e: ‘Nágyé aqsa, apasmok sa'.’”

Isaías 45:1

Apteméssessek axta Wesse' egegkok wesse' apwányam ma'a Ciro, apmeyk axta apmek apkelya'assamakxa yaqwayam enxoho etnehek apkeláneykha apyókxoho énxet'ák keso náxop tén han yaqwayam elyementók chá'a apkelmeykha apkenchesso kempakhakma m'a kelwesse'e apkelwányam nak. Apkeltamhók axta nahan kólmeykessesek chá'a átog tegma apkelyawe apmonye' Ciro m'a Wesse' egegkok meyke enxoho xama énxet apmopwána yápekxa'. Tén axta aptáha apcháneya s'e:

Isaías 49:21

Keñe sa' xeye' katnehek awáxok se'e: ‘¿Yaqsa axta setasso ko'o xa étchek nak? Méko axta ko'o étchek, mowanchek nahan óta'; élyentameykekxeyk axta ko'o megkatnahakxa seyókxa, ektaqmópeykegkek axta, ¿Yaqsa séktegkessesso ko'o xa? Exakkók axta ko'o ektaqmópeykegkok, ¿háxko eyke apkeleñamakxa xa?’”

Isaías 54:11

“¡Tegma apwányam apmopyósa nak ektémakxa, ektegkesso nak éxchahayam ekyennaqte, meyke nak yaqwayam kapeykessásekxak apwáxok! Anegkenchesagkok sa' ko'o exchep meteymog apagkok ma'a néten nak meteymog ekpésyam élyenma, keñe sa' apowhak ekyennaqtéssamakxa nak ma'a meteymog élyápaqmate;

Jeremías 10:20

Kéletsagkassek sekpakxanma, kélyétekkessek ekyókxoho apxát'ák seknaqtete nak. Eyenyókek ma'a étchek, ¡Méko kaxwók aptáhak! Méko kaxwók hexátekhassásekxak sekpakxanma, méko kaxwók hepakxenchásekxa'.

Jeremías 31:32

Cháxa ekhémo mók nélpaqhetchesamaxche nak, megkaxók sa' ma'a sélánéssama axta m'a apyapmeyk nano', sélmoma axta apmék sélántekkessama m'a Egipto; hakte axta eláneykegkok ma'a ekhémo mók nélpaqhetchásamáxkoho ahagkok, sektáhakxoho eykhe ko'o apagkok. Ko'o sekxeyenma xa, sektáha nak Wesse'.

Ezequiel 34:6

Apkelmahágkek apkexpaqna m'a ekyókxoho neyseksa meteymog élekhahéyak nak tén han ma'a néten egkexe élwenaqte nak, apkelxeganakmek ekyókxoho keso náxop, méko nahan xama énxet enxoho ekyetnakhassamo apwáxok ma'a tén han apxega enxoho elchetmok.

Amós 5:2

Apteyekmek Israel aphémo nak kelán'a étkok ektaqmalma; apteyekmek meyke apheykekxa néten. Apyetneyk náxop, cham'a xapop apagkok nak, méko han xama enxoho yaqwayam kaxneyásekxak néten.