Isaías 51:13 - Biblia Enxet

¹³ ¿Péya kalwagqamagkok ma'a Wesse' kélagkok, ektáha axta apkelane, ektáha axta nahan appeykesso néten ma'a yaphope tén han apkelane m'a xapop? ¿Péya kólpexyennók aqsa chá'a kélaye yókxoho ekhem eñama apkeltaqnawéyak ma'a ektáha nak chá'a apnaqtawáseykegkoho, appencheséyak nak aptamhágkaxa yaqwayam emasséssók? ¿Háxko eyke ekyetnakxa xa apkello nak?

Isaías 51:13 ပူးပေါင်းရင်းမြစ်များ

Ester 5:14

Tén axta m'a aptáwa' ektáha eyáneya s'e tén han ma'a apyókxoho apkelxegexma'a: —Yána sa' kólánchessesek yámet élwenaqte yetlo ektegyésso néten, ekweykmoho veintidós metros ekwenaqte ekmahéyak ma'a néten, tén sa' saka axto'o agko' elmaxnak wesse' apwányam kólmakhésha néten ma'a Mardoqueo. Keñe sa' apwanchek emhagkok yetlo meyke ektáhakxa apwáxok yetlo wesse' apwányam ma'a élánéxchexa nak ektámaxche ekyawe. Leyawók axta apwáxok Amán xa amya'a nak, apkeltamhók axta kalanaxchek ma'a yámet élwenaqte.

Ester 7:10

Kélmakheyáseyha axta Amán ma'a néten yámet élwenaqte nak apkeltémo axta kóllanaksek yaqwayam kólmakhésha m'a Mardoqueo. Tén axta ekmassa aplo m'a wesse' apwányam.

Job 37:18

¿Apwancheya exchep epasmok Dios appékesso néten, tén han énnaqtések ektémól'a sawo éláxñe?

Job 9:8

Meyke ekpasmo axta appeykessók ma'a néten, tén han apkelteyammeykencha'a m'a yegmen askok ekyawe ekyetnama nak wátsam ekwányam.

Salmos 104:2

apchaqlamakpek élseyéxma, ektémól'a negaqlamaxche'. ¡Appeykessegkek xép néten ektémól'a apáwa kélapmal'a!

Salmos 106:13

Ñohók axta eyke han élwagqámeykegko m'a aqsok apkelane axta Dios, axta elhaxanmak eltennaksek ma'a ekxeyenma axta apwáxok etnéssesek.

Salmos 76:10

Yának chá'a exchep elpeykeshok ma'a énxet'ák apkello nak; ¡elsawásseshok chá'a exchep ma'a metekyawa nak kempakhakma!

Isaías 10:24

Aptáhak Wesse' ekha nak apyennaqte s'e: “Énxet'ák ahagkok, kélheykha nak Sión, nágkóle aqsa énxet'ák Asiria, eltekpogmakha sa' eykhe yámet apagkok, elya'asha sa' eykhe néten yámet elenmexek kéxegke, ekhawo apteméssessamakxa axta m'a egipcios,

Isaías 14:4

kólyetsetek sa' se'e eknaqtáxésamaxche nak amya'a yaqwayam sa' kólwanyaha m'a wesse' apwányam Babilonia: “¡Kóllano ektáhakxa wesse' aplo! ¡Kóllano ektáhakxa ekmassegwokmo m'a apcheymákpoho!

Isaías 16:4

Kólho aqsa elyexanmok kélheykegkaxa m'a énxet'ák apkelxegányam nak Moab. Kólteme apkelyexanmomakxa apmonye'e m'a énxet'ák apmáheyo nak elnápok.” Massegwokmek sa' agkok kélnaqtawáseykegkoho tén han ekyeyk'a sa' ma'a kélmassésseyam nak, apkelántepa sa' apchókxa m'a apkelántaxnegwayam nak aqsa chá'a megkatnahakxa apchókxa,

Isaías 17:10

hakte kelwagqámeykegkek ma'a Dios ektáha axta apkelwagkasso teyp, megkaxeyenmak kélwáxok apteme axta apkelmasma apyennaqte m'a. Kélchekhamchek kéxegke s'e namyep étkók éltaqmalma nak, kélchencháseykekxeyk pánaqte exnók ma'a aqsok kéláyókxa éleñama nak mók nekha,

Isaías 40:21

¿Yagkólya'ásegkok kéxegke? ¿Yagkóllegeyk kaxénaxche'? ¿Yagkóltennáseykha m'a sekxók eyeynókxa axta? ¿Yagkólya'ásegkok sekxók axta élánamáxko keso nélwanmégkaxa?

Isaías 40:22

Aphegkek Dios ma'a teyp yaphope eyapma nak keso náxop, máxa séta nahan aptemék apkeláneykencha'a m'a énxet'ák. Máxa kélpakxanma aptemék appeykessama yaphope m'a néten, máxa kélpakxanma aptemék appeykessama, negmowánal'a anxek ma'a kóneg.

Isaías 42:5

Aptáhak apcháneya apkeláneykha Dios se'e, Dios apkelane axta m'a néten tén han appeykesso axta, apkelane axta m'a xapop tén han apkelántekkesso axta aqsok ekhéyak nak ma'a awáxok, apmésso nak apkelyennaqte tén han apkelennama m'a énxet'ák apheykha ma'a kañe':

Isaías 43:1

Aptáhak kaxwók xép apcháneya Wesse' egegkok se'e, Israel, ektáha axta apkelane, Jacob ektáha axta aptekkesso: “Nágyé aqsa, ekwagkassek ko'o exchep teyp; ekwóneyha apwesey, xép apteme ahagkok.

Isaías 44:24

Keso aptáhakxa nak appeywa Wesse' egegkok se'e, apwagkasso nak teyp, apkelane axta apyetnamakxa m'a kañe' egken awáxok: “Ko'o sekteme Wesse', sélane ekyókxoho aqsok, ko'o axta sekpeykesso m'a néten, tén han sekpekkenma m'a xapop meyke sepasmo.

Isaías 45:12

Éláneyak axta ko'o m'a xapop tén han énxet yaqwayam exmakha m'a kañe', émek axta ektemék sekpeykessama m'a néten tén axta séltémo kalántépok ekyókxoho m'a élápogwátéyak nak.

Isaías 45:18

Aptáhak appeywa ektáha axta apkelane néten se'e, cham'a apteme nak Dios, tén han Wesse' egegkok, apkelane axta xapop tén han aptekkesso axta, ektáha axta appekkenma, apkeláneya axta háwe yaqwayam keytek aqsa meyke aqsok ma'a kañe' yaqwayam exek nahan énxet ma'a: “Ko'o sekteme Wesse', méko pók.

Isaías 48:13

Sekmowána axta ko'o keñamak séláneya m'a xapop, sekmowána axta nahan keñamak sekpeykessama m'a néten; xama axta sekxéna élwesey, yetlómók axta nahan élánteyapma.

Isaías 49:26

Wának sa' ko'o etawagkokxak aphápetek apancha'awók ma'a apsawhéssamo axta aqsok kélagkok, wának sa' kalnápekxak ma'a éma apagkok apagko' nak ektémól'a énagkok ma'a vino. Keñe sa' elya'asagkohok apyókxoho énxet ektáha ko'o sekwagkasso teyp, ko'o sektáha nak Wesse'; elya'asagkohok sa' sektáha sekmallahanchesso aqsok ekyentaxno, ko'o sektáha nak Jacob Wesse' apagkok ekha sekyennaqte.”

Isaías 54:14

Keynnaqtések sa' xeyep ma'a ekpéwomo nak nentémakxa, kamaskok sa' kóltawasagkoho', kamaskok sa' nahan apkelmenaye, kamaskok sa' nahan kapekhaksek apwáxok ma'a apyegwakto nak.

Isaías 57:11

“¿Yaqsa xa aqsok kéláyókxa kéláya nak chá'a kéxegke tén han kéláyo nak chá'a, yaqwayam enxoho hélyensók ko'o sélyetleykha tén han kamassegwomhok agko' ekxeyenma kélwáxok ko'o? Ekwanmagkamchek axta aqsa ko'o mehéláyo axta, máxa malweteya axta ektemék.

Isaías 7:4

etne sa' yának se'e: “Elanagkoho sa', eyke ná égwe' aqsa; nágye aqsa, nágyoho nahan kayélaqtéssesek apwáxok se'e ánet átex élpánma nak, cham'a Resín yetlo m'a énxet'ák apagkok sirios, tén han ma'a Remalías apketche, cham'a apkellawa apagko' nak.

Isaías 9:4

Hakte apmasséssekmek xép ma'a ektémakxa nak sẽlásenneykha naqsa apkelhamakpo nak ma'a énxet'ák, tén han ma'a kélnaqtawáseykegkoho élyaqhakkáseykencha'a nak apkelwáxok, tén han ma'a apkemha apmonye' apkelhaya nak chá'a. Máxa entáhak ma'a ektáhakxa axta apmasséssekmo m'a Madián.

Jeremías 2:32

¿Kalwánaqmohoya chá'a xama kelán'a aqsok étkók agkok élmomnáwa, tén han élmeykha axta chá'a élnáxameykha m'a élyamhopma? Keñe énxet'ák ahagkok, nanók ekmasse élxéneykha apkelwáxok ko'o.

Jeremías 38:19

Aptáhak axta Sedequías apchátegmowágko s'e: —Eyekak eyke ko'o m'a Judíos appaxqeykekxa nak caldeos, segkexakhama nak negko'o; emeyk agkok ko'o m'a, hetwasagkohok sa'.

Jeremías 41:18

yaqwayam enxoho yenyahagkok apmonye'e m'a caldeos, hakte apkeláyak axta eñama apchaqhe Ismael ma'a Guedalías, apteméssessama axta apkeláneykha apchókxa m'a wesse' apwányam Babilonia.

Jeremías 51:15

Yetlo apmopwána axta apkelaneyk Wesse' egegkok xapop; yetlo apya'áseykegkoho axta appekkenmak nélwanmégkaxa; yetlo apmopwána aqsok axta appeykessók ma'a néten.

Jeremías 51:19

¡Megkaxnawok agko' Jacob nak Dios apagkok xa, apkelane nak ekyókxoho aqsok élánteyapma nak! Axta apkelyéseykha énxet'ák Israel ma'a yaqwayam etnehek apagkok apagko'. Wesse' ekha apyennaqte: cháxa apwesey xa.

Daniel 3:15

¿Kóltekxeyagkoya sa' kaxwók kéltapnák amonye' m'a kéleykmássesso séltémo axta héllanaksek, kélleg'a enxoho élpáwa m'a aqsok kélpáwasso nak? ¿Kólpeykeshoya sa'? Sa' agkok kólpeykásawo', kaxwók sa' kólchexák kañe' táxa axagkok eyáléwágkaxa nak; ¿yaqsa sa' dios apwanchek elwagkasek teyp?

Daniel 3:18

Sa' agkok hẽlwagkásak teyp, ey'asagkoho sa' wesse', mólpeykesók sa' negko'o m'a aqsok apkelpeykessamókxa nak, mólháxahagkek han amonye' m'a kéleykmássesso sawo ekyátekto ekmomnáwa nak.

Daniel 3:19

Yexwasekxeyk axta nápat aplawa Nabucodonosor apkeltaqnaweygko m'a apqántánxo wokma'ák nak, apleg'a aptáhakxa apkelpeywa. Apkeltamhók axta kólyeykhássamhok agko' ekmexanma m'a táxa axagkok;

Deuteronomio 32:18

“Israel, kelwagqeykmek xeyep ma'a apyáp tén han ma'a apmasma nak chá'a; kelwagqeykmek ma'a Dios ektáha axta apmésso apyennaqte.

Deuteronomio 6:12

Temék sa' agkok xa, nágkólwánaqma aqsa m'a Wesse' egegkok, ektáha axta apkelántekkesso m'a Egipto, kéltémakxa axta kélásenneykha naqsa.

Deuteronomio 8:11

“Kóllanagkoho chá'a kéltáhakxa yaqwayam megkalwagqamagkehek ma'a Dios Wesse' kélagkok. Kóllána chá'a m'a apkeltémókxa nak cha'a antéhek tén han ma'a nélánémaxchexa nak chá'a antéhek tén han segánamakxa séltamho exchek ko'o kóllának se'e sakhem nak.