Isaías 50:2 - Biblia Enxet

² ¿Yaqsa axta ektéma móteya ko'o xama énxet sekxók axta sekwaya? ¿Yaqsa axta ektéma méko seyátegmoweykegko m'a sélwóneykencha'a axta? ¿Kélanagkamcheya axta ko'o mowanchek alwagkasek teyp? ¿Kélanagkamcheya axta ko'o mowanchek alántekkesek neyseksa aqsok ekmaso? Megkatnohók ko'o apaqhetchesek altamhok keymék ma'a wátsam ekwányam nak tén han wának katnekxak ekyamayéxma m'a wátsam nak; yaqwayam enxoho kaletsapok hem át'ák ma'a kelasma tén han kaltahápok eñama meyke yegmen.

Isaías 50:2 ပူးပေါင်းရင်းမြစ်များ

Génesis 18:14

¿Yetnéya aqsok megkamopwána elának ma'a Wesse' egegkok? Pók apyeyam sa' makham atnehek meyk'a, kótak sa' étche apkenna Sara ekwokmo enxoho xa.

2 Crónicas 32:15

Nágkólho elyexanchesha Ezequías; nágkóltemésses naqsók ma'a aptáhakxa enxoho apkeláneya, hakte méko axta xama aqsok kéláyókxa apagkok axta m'a énxet'ák ekmowána kalwagkasek teyp énxet'ák agkok sélmoma axta ko'o, tén han apkelmoma axta m'a élyapmeyk nano', ¡ekyágwánxa agkok mopwanchek elwagkasek teyp ma'a Dios kélagkok sélma enxoho ko'o kéxegke!’”

Salmos 106:9

Appaqhetchessegkek axta Wátsam Ekwányam Ekyexwase, yetlómok axta han ekyamaye. Apkelyeykháseykekxeyk axta m'a kañók agko' nak wátsam ekwányam, máxa axta apteméssessók ma'a xapop ekyamáyekxal'a exma.

Salmos 107:33

Etnessásekxak chá'a Wesse' egegkok yókxexma meykexa énxet ma'a wátsam, Keñe chá'a ekteyapmakxa yegmen etnessásekxak ma'a ekyamáyekxa nak xapop;

Éxodo 14:21

Apya'ássek axta apmék ekpayhókxa neyseksa wátsam ekwányam ma'a Moisés, tén axta Wesse' egegkok apcháphasa éxchahayam ekyennaqte agko' eñama m'a ekteyapmakxa ekhem, kexchahakmek axta nahan yókxoho axta'a m'a, tén axta ekmeykásekxo neyseksa élana ánet nekhaw'ék ma'a wátsam ekwányam nak. Xapop agko' axta aptemessásekxak Wesse' egegkok ma'a neyseksa wátsam ekwányam,

Éxodo 14:29

Keñe axta m'a israelitas apkelyeykhákxo aqsa xapop agko' ma'a neyseksa nak wátsam ekwányam, cham'a neyseksa nak ekmayheykekxa m'a ánet nekhaw'ék yegmen, xama axta m'a nélya'assamakxa nak tén axta nahan mók ma'a nensagqalwa nak.

Éxodo 7:18

Kaletsapok sa' ma'a kelasma, kathápok sa' ma'a wátsam, megkalchek sa' apwáxok emáwhok énagkok egipcios yegmen eñama m'a wátsam nak.’

Éxodo 7:21

Keletsekkek axta m'a kelasma, tahapchek axta nahan ma'a wátsam, mopwancha'ak axta apmako énagkok egipcios yegmen eñama m'a wátsam nak. ¡Sawhékxók axta éma m'a ekyókxoho kañe' Egipto!

Proverbios 1:24

Élwóneyha ko'o kéxegke, éláneyáha han séltamho kólmeyógmak se'e, makke hélyahákxak kéxegke.

Isaías 11:15

Emeykessesek sa' xama ámay Wesse' egegkok ma'a neyseksa Wátsam Ekwányam Ekyexwase nak, ey'aksek sa' apmek ma'a ekpayho nak wátsam Éufrates, etekkesek sa' éxchahayam ekyennaqte agko', kameykásekxak sa' neyseksa, siete aktegák sa' kalána', keñe sa' apwanchek elyeykhekxak meyke apkelhaxyawasso apkeltéto apmagkok.

Isaías 19:5

Keymék sa' yegmen ma'a wátsam Nilo, keymáwhok agko' sa' ma'a wátsam nak,

Isaías 23:11

Apya'ássek axta apmek neyseksa wátsam ekwányam ma'a Wesse' egegkok, apkelpexyennegkessek axta apkelaye m'a pók aptémakxa nak chá'a énxet'ák, apkeltamhók axta kólmasséssók ma'a tegma apkelyennaqte nak Canaán.

Isaías 36:20

¿Yaqsa axta aqsok kéláyókxa ekmowána kawagkasek teyp eyókxa neyseksa apkelma m'a wesse' apwányam Asiria? ¿Yaqsa eyke ektéma ekxeyenma nak kélwáxok Wesse' egegkok apwanchek ewagkasek teyp ma'a Jerusalén?

Isaías 41:28

Élyaháha axta ko'o, méko axta xama enxoho ekwe m'a aqsok kéláyókxa nak; méko axta m'a yaqwayam enxoho agkések sekpeywa, méko axta m'a yaqwayam enxoho heyátegmowagkokxak sektáhakxa sélmaxneyeykha.

Isaías 42:15

Amasséssók sa' ko'o m'a meteymog élekhahéyak nak tén han ma'a egkexe náxap'awo nak, alyamaksek sa' ekyókxoho m'a aqsok elyápaqmátéyak nak áwa' m'a néten; ekyamayéxma sa' atnessásekxak ma'a wátsam nak, meyke yegmen sa' nahan atnessásekxak ma'a awáxok ekheykegkaxa nak chá'a yegmen.

Isaías 43:16

Apmeykessek axta xama ámay Wesse' egegkok ma'a neyseksa wátsam ekwányam, xama ámay neyseksa m'a yegmen ekyennaqte nak élyaqyahayam;

Isaías 44:27

Ewanchek ko'o wának keymék ma'a wátsam ekwányam nak tén han katnehek meyke yegmen ma'a wátsam étkók agkok nak.

Isaías 51:10

apyamassegkek axta m'a wátsam ekwányam cham'a yegmen ekmattawóneg agko' nak, ámay axta apteméssáseykekxak ma'a kañók agko' nak wátsam ekwányam yaqwayam enxoho elyeykhekxak ma'a kélmallahanchesso nak aqsok ekyentaxno.

Isaías 54:6

Hémók axta exche' m'a xama kéltáwa' étkok agko' la'a ektaqmópeyak apyamasma atáwa', ekyentaxnamól'a awáxok, apwóneykha axta eyke makham ma'a Dios agkok nak, axta aptáhak apcháneya s'e:

Isaías 59:1

Megkaweywenték apmopwána m'a Wesse' egegkok, apwanchek hegwagkasek teyp. Megkatnehek nahan meyke apeyk'ák eñohok ektemegweykmohóxma.

Isaías 59:16

Teyekmek axta apwáxok Wesse' egegkok apwet'a méko ekyetnakhásawo awáxok xa; tén axta apmeyncha'a aqsa apmopwána apagkok apagko' apkelana aqsok, apkelwagkasso apagko' axta nahan aptáhak teyp ma'a.

Isaías 63:13

apkelyeykháseykekxo axta kañók agko' wátsam ekwányam meyke apkeltáxñeykha m'a énxet'ák apagkok, aptémól'a yátnáxeg elxog ma'a yókxexma ekyamáyekxa nak xapop,

Isaías 64:6

Neghémók negko'o negyókxoho m'a énxet ekmanyásal'a apyempe'ék, máxa apáwa aphápak apmanyásal'a m'a ekyókxoho aqsok éltaqmalma nak chá'a nenlánéyak; nempalleykmek negko'o negyókxoho, ektémól'a m'a yámet áwa' élyamayél'a, máxa éxchahayam entemék sẽlchampassama m'a nentémakxa élmasagcha'a agko' nak.

Isaías 65:12

ekmaso ektáhakxa kelhaxnak kéxegke: sókwenaqte sa' wának kalnápok. Hakte élwóneyha axta ko'o kéxegke keñe mehélátegmowágko; élpaqhetchessek axta eykhe', keñe mehélhaxnawo; kélláneykegkek aqsa m'a mamámenyého nak ko'o, kélyéseykha m'a aqsok megkaleklamakxa nak ko'o ewáxok.”

Isaías 66:4

Alyéssesha sa' eyke ko'o xa apkellegeykegkoho yaqwayam almések ma'a, wáphássesek sa' ma'a aqsok apkeláyo apagko' nak chá'a. Hakte élwóneykha axta eykhe, keñe méko seyátegmoweykegko, élpaqhetchessegkek axta eykhe keñe méko xama seháxenmo; apkeláneykegkek axta aqsa m'a aqsok mamámenyého nak ko'o, apkelyéseykha axta m'a megkaleklamakxa nak ko'o ewáxok.”

Jeremías 14:9

¿Yaqsa ektéma aptéma m'a aptémól'a énxet mey'áseyak la'a aqsok, aptémól'a m'a kempakhakma yáp megkamopwána nak hempasmok? Wesse', apheyk eyke exchep negyeseksa, apyókxoho énxet apya'ásegkók nentáha negko'o xép énxet'ák apagkok; ¡ná hegkexa aqsa negko'o!

Jeremías 35:14

Apkelyeheykekxók apkeltémókxa axta chá'a etnahagkok aptawán'ák neptámen ma'a Jonadab, Recab axta apketche, apkeltémo axta ménagkehek chá'a m'a vino, makhemek eyke makham ménéyak se'e negwánxa nak, hakte apkelyaheykekxók ma'a apkeltémókxa axta chá'a etnahagkok ma'a apyáp nano'. Hágkaxwe eykhe chá'a ko'óxa kéxegke agkések séltémókxa kóltéhek, makke hélyeheykekxoho'.

Jeremías 35:15

Ketók pók axta eykhe ektemék séláphássesso chá'a apyókxoho m'a séláneykha apkellegasso nak chá'a sekpeywa, yaqwayam etnehek elának se'e: Kólwátésák kéltémakxa ekmaso, tén han ekmaso kéllánéyak aqsok. Nágkólyetlakxa m'a mók aqsok kéláyókxa nak, nágkólpeykesho han, keñe sa' kóllenxanmagkohok kélheykha s'e xapop sekmésso axta ko'o kéxegke, tén han ma'a kélyapmeyk nano' axta. Makke kéxegke hélháxenmo', mehelyeheykekxohok nahan.

Jeremías 5:1

Aptáhak Wesse' egegkok se'e: “Kólweynchamha sa' ma'a ámay nak Jerusalén, kóltaqmelchesho sa' kéllányo, kólchetam sa' ma'a apheykegkaxa nak chá'a énxet elweynchamha, kólwetak sa' kexaha énxet apkelane nak chá'a aqsok ekpéwomo, apmopmenyého nak chá'a etnehek ekmámnaqsoho apxeyenma aqsok. Kélwet'ak sa' agkok ma'a, mayaqmagkásekxeyk sa' ko'o ektémakxa m'a Jerusalén.

Jeremías 7:13

Hágkaxwe axta eykhe ko'o altennásekxohok kéltémakxa, axta eyke kólmáheyók kéxegke hélyahakxoho, axta nahan hélátegmoweykegkokxa'. Ko'o sekxeyenma xa, sektáha nak Wesse'.

Jeremías 7:27

“Jeremías, eltennés sa' se'e ekyókxoho aqsok nak, megyeyxók sa' eykhe, énnaqtés sa' appeywa, megyátegmowagkek sa' eykhe.

Jeremías 8:6

Ektaqmelchessamók axta eykhe sélhaxneykha séltémo aña', maxta eyke añék kaqhek apwáxok aptémakxa ekmaso xama énxet enxoho, tén han méxamakpoho enxoho etnehek appeywa s'e: ¿Yaqsa aqsok ko'o séláneya? Apyókxoho apkelxegák ekyennaqte apkelyetlama m'a ámay apagkok nak, máxa m'a yátnáxeg élyennaqtél'a apyespa'ák neyseksa kempakhakma.

Daniel 3:15

¿Kóltekxeyagkoya sa' kaxwók kéltapnák amonye' m'a kéleykmássesso séltémo axta héllanaksek, kélleg'a enxoho élpáwa m'a aqsok kélpáwasso nak? ¿Kólpeykeshoya sa'? Sa' agkok kólpeykásawo', kaxwók sa' kólchexák kañe' táxa axagkok eyáléwágkaxa nak; ¿yaqsa sa' dios apwanchek elwagkasek teyp?

Daniel 3:29

Wának sa' ko'o kaxwók kólyaqtennagkok nápakha'a apketkók énxet ektáha nak apxéneykha ekmaso Dios apagkok xa wokma'ák nak, keñe sa' apxagkok kóltemessásekxak meteymog ektaháneykekxa mók, megkeyxek sa' ma'a énxet'ák apagkok apagko', tén han ma'a pók énxet'ák mók ektémakxa nak chá'a apkelpeywa, hakte méko xama aqsok kéláyókxa katnehek hegwagkasek teyp xa ektáha nak.”

Daniel 6:20

Xama axta apkenegwákxo nekha máxek wesse' apwányam, aptáhak axta apwónéncha'a Daniel yetlo ekmayósa apwáxok se'e: —Daniel, apteme nak apkeláneykha m'a Dios memassegwayam, ¿apwagkasseya teyp Dios apagkok, apteme nak meyenseyam apyetleykha, neyseksa m'a yámakméwa?

Daniel 6:27

Cham'a apteme segwagkasso teyp ma'a tén han segmallahanchesso; tén han apkelane aqsok sempelakkasso nak agweta' néten tén han keso náxop. Cha'a apwagkasso teyp Daniel ma'a neyseksa yámakméwa éllo.”

Oseas 11:2

Yágweykmók axta aqsa seyamasma sekwóneykencha'a, elmések axta chá'a aqsok ektekyawa aqsok kéláyókxa élmowancha'a amya'a énxet'ák ahagkok, elwatnések axta han chá'a aqsok ekmátsa nak ekpaqneyam éten agkok ma'a kéleykmássesso.

Oseas 11:7

Apmenyeyk aqsa heyenyók ko'o m'a énxet'ák ahagkok, elpáxamha eykhe m'a netno nak, méko eyke kapasmok.

Nahúm 1:4

Epaqhetchesek chá'a ekyennaqte wátsam ekwányam, tén keymek chá'a. Yának chá'a kalyameygkok ma'a ekyókxoho wátsam. Kalyameygkok nahan chá'a pa'at yókxexma Basán, tén han ma'a egkexe Carmelo, kalyameygkok han chá'a pánaqte exnók ma'a Líbano.

Habacuc 3:8

Wesse', ¿aptaqnagkamcheya exchep ma'a wátsam? ¿Aptaqnagkamók apagko' ya exchep ma'a wátsam élyawe nak? ¿Keya keñamak apchánteyncha'a nak apchánte yátnáxeg, tén han apchánta m'a yátnáxeg apyenyawasso apagkok ekmallahanmo nak chá'a kempakhakma?

Números 11:23

Aptáhak axta Wesse' egegkok apchátegmowágkokxo s'e: —¿Ketséya apkenagkók xép sekmowána? Étak sa' kaxwo', katnehek sa' kexa m'a sekxeyenma nak chá'a katnehek, essenhan megkatnehe'.