Isaías 50:1 - Biblia Enxet

¹ Aptáhak Wesse' egegkok se'e: “¡Nagkólána aqsa atneyk ko'o sekyamasma Israel ma'a, aptémól'a xama énxet eyenyók ma'a aptáwa', cham'a egken nak kéxegke! ¡Nagkólána aqsa akxakhák ko'o kéxegke ekha ekyánmaga yaqwayam kóltéhek kélásenneykha naqsa eñama ekha sekméyak aqsok ma'a xama énxet! Kélchexakhamchek kéxegke hakte kélláneykegkek megkólya'assáxma; kélyamasmeyk ma'a Israel, egken nak kéxegke, hakte asagkek kéltémakxa kéxegke.

Isaías 50:1 ပူးပေါင်းရင်းမြစ်များ

1 Reyes 21:25

(Méko axta énxet enxoho aphémo Ahab ekyáteyeykegkoho axta aptáwa' Jezabel elának aqsok ekmaso nápaqtók Wesse' egegkok.

2 Reyes 17:17

Apkelwatnegkek axta han chá'a m'a apketchek apkelennay'a, tén han kelwán'ák, aptamheykegkek axta han chá'a apkelya'áseykegkoho m'a aqsok ekpowásamáxche', tén han aptamheykegko apkelyohóxma, apkeláneykegkek axta aqsok ekmaso nápaqtók Wesse' egegkok aplókassama chá'a.

2 Reyes 4:1

Yo'ókmek axta ekpaqhetchessekmo Eliseo xama kelán'a, aptáwa' axta xama Dios appeywa aplegasso, axta táhak eyáneya s'e: —Apketsepmeyk ko'o etáwa', apya'ásegkok xeyep ma'a apteme axta chá'a apcháyo Wesse' egegkok. Apwa'ak kaxwók ma'a ektáha axta apmassáseykha selyaqye apagkok, apmakók enaqlakxak ma'a apqánet étchek peya etnehek apkelásenneykha naqsa.

Nehemías 5:5

“Nempeywomo xamo' egmók negko'o, nélókxa xamo' han, hawók han mók egketchek. Kélásenneykha naqsa eyke chá'a negko'o agának kólteméssesek ma'a egketchek apkelennay'a tén han kelwán'ák nak. Tamheykegkek eyke chá'a kélásenneykha naqsa nekha m'a egketchek, mogwanchek agmágwakxa', hakte pók énxet kaxwók aptamheykegkok apagkok ma'a anmen yámet negkeneykekxexa', tén han ma'a xapop egagkok nak.”

Ester 7:4

hakte ẽlchexakkek axta negko'o ekha ekyánmaga néláneyáxko hẽlmasséssók negyókxoho, ko'o tén han ma'a sekpeywomo xamo' nak. Kaxtemék axta sẽlchexakha aqsa negko'o yaqwayam antéhek sẽlásenneykha naqsa, mapaqmésmakha axta ko'o, keñe axta exchep wesse', kasextohok etwássesha apha m'a sẽlenmexma nak negko'o.

Salmos 44:12

meyke ekmomnáwa agko' apkexakhák énxet'ák apagkok, méko han aqsok ekwetassama eñama apkexakha.

Éxodo 21:7

“Yetneyk agkok xama énxet apyamasma apketche kelwána yaqwayam katnehek kélásenneykha naqsa, megkólyenyekxék sa', megkatnehek sa' ma'a ektémól'a m'a kélásenneykha naqsa apkelennay'a nak.

Isaías 1:28

alyaqtennagkok sa' eyke m'a élyennaqte nak apkelwáxok tén han ma'a melya'assáxma nak, eletsapok sa' ma'a seyamasma nak.

Isaías 27:8

Apkellegassáseykegkók axta énxet'ák apagkok Dios apkeltémo kólnaqlakxak ma'a megkatnahakxa nak apkelókxa, apwátekhapmeyk axta ekyennaqte agko' apkelántekkessama, ektémól'a kaxchahák ma'a éxchahayam eñama nak teyapmakxa ekhem.

Isaías 43:27

Apkeláneykegkek axta melya'assáxma m'a apmonye'e axta apyapmeyk nano', énmexeykekxeyk axta m'a apkelxekmósso axta exchep,

Isaías 46:8

“Énxet'ák megkólya'assáxma, kaxénwakxoho kélwáxok se'e, nágkólteme eyaqhémo kaxénmakha kélwáxok aqsok, kóltaqmelchesho élchetámeykha kélwáxok;

Isaías 52:3

Aptáhak Wesse' egegkok se'e: “Méko axta ketse' enxoho ekyánmaga sekxawe ko'o kélnaqleykekxoho axta kéxegke yaqwayam kólteméssesek kélásenneykha naqsa; méko sa' nahan ketse' enxoho ko'o ayenyók ekyánmaga sélwagkasso teyp se'e kaxwo nak.

Isaías 54:6

Hémók axta exche' m'a xama kéltáwa' étkok agko' la'a ektaqmópeyak apyamasma atáwa', ekyentaxnamól'a awáxok, apwóneykha axta eyke makham ma'a Dios agkok nak, axta aptáhak apcháneya s'e:

Isaías 54:7

“Yaqwatakxoho axta ekyamasmak xeye', yetlo ekyawe seyásekhayo sa' eyke eypetchekxak makham.

Isaías 58:1

Aptáhak ko'o seyáneya Wesse' egegkok se'e: Elpáxamha ekyennaqte agko', meyke apkeye, nágyés epaqmétek ektémól'a kapáwak ma'a xama kélaqkahasso; elxénchásekxoho apkeltémakxa ekmaso m'a énxet'ák ahagkok, apkeltémakxa melya'assáxma m'a Jacob énxet'ák apagkok.

Isaías 64:6

Neghémók negko'o negyókxoho m'a énxet ekmanyásal'a apyempe'ék, máxa apáwa aphápak apmanyásal'a m'a ekyókxoho aqsok éltaqmalma nak chá'a nenlánéyak; nempalleykmek negko'o negyókxoho, ektémól'a m'a yámet áwa' élyamayél'a, máxa éxchahayam entemék sẽlchampassama m'a nentémakxa élmasagcha'a agko' nak.

Jeremías 3:1

Aptáhak Wesse' egegkok se'e: “Yenyókek agkok aptáwa' xama énxet, keñe ektepa enxoho aphakxa xa kelán'a nak, kamekxak pók énxet, yawanchek kay'ókxak makham ma'a apmonye' atáwa' axta. ¡Ekmanyása agko' sa' katnéssesek apchókxa ektáha enxoho xa ektáha nak! Keñe exche' Israel, kelánéseykegkek nentémakxa ekmaso mansexta apxámokma apagko' ma'a élásekhayókxa nak. ¡Keñe kaxwo' ekmako makham ko'o hey'óta'! Ko'o sekxeyenma xa, sektáha nak Wesse'.

Jeremías 3:8

wetayak axta han ko'o ektémakxa sektaqnagkama m'a Israel, cham'a sénmexeykekxo nak ko'o, tén han sekyamasma eñama setwáseykegkoho élánegwayam chá'a pók énxet megkatnaha atáwa'. Keñe m'a Judá, yáxeg nak ma'a Israel, seyenseykmo nak ko'o sétleykha, axta kayeyk, xegamchek axta nahan ma'a, tén axta éláneya nahan ma'a ektémakxa megkamasexta.

Jeremías 4:18

“Aptémakxa tén han aqsok ekmaso apkelane keñamak ektáha exchep xa; aptémakxa ekmaso meyásak xa ekmáske nak, tén han eklegassásegkoho apwáxok.”

Oseas 4:5

Ekhakxoho ekhem sa' xép etlapmok, keñe sa' axta'a etlapmok nahan xamo' ma'a aplegasso nak ko'o sekpeywa, amasséssessók sa' ma'a egken.

Levítico 25:39

“Yetneyk sa' agkok apchókxa xamo' ektamhéyak meyke aqsok apagkok apha xamo' xép, apmeyásekpek sa' agkok xép ekha ekyánmaga, ná etnésses aqsa yásennaha m'a kélteméssessamól'a kélásenneykha naqsa;

Deuteronomio 32:30

¿Háxko katnehek emenxenek énxet apxakko enxoho m'a mil énxet'ák nak? ¿Háxko katnehek exhok emenxenek diez mil énxet'ák ma'a apqánet enxoho? ¡Wánxa m'a apmésa enxoho yaqwayam emenxenek ma'a Wesse' egegkok, aptáha nak apkeltaqmelchesso!