Isaías 5:8 - Biblia Enxet

⁸ ¡Kéxegke laye, kélxámáséyak nak kélmà kélxanák, kélxámáséyak nak yókxexma kélagkok, ekweykmoho megkóleygkesa ketsék ma'a kélnámakkok, tén han kélheykha nak ma'a kañe', kélanagko nak kóltáhak wánxa kélxakcha'awók kélagkok ma'a apchókxa!

Isaías 5:8 ပူးပေါင်းရင်းမြစ်များ

Job 15:28

Nápakha'a apketkók sa' etnekxak ma'a tegma apkelyawe aphamakxa axta chá'a; eltaqmopagkok sa' ma'a tegma nak, meteymog ektaháneykekxa mók sa' etnekxa'.

Job 20:21

ekyókxoho aqsok axta chá'a elmok. Cháxa keñamak peya sa' megkawegqók ekpayheykekxa apwáxok.

Proverbios 15:27

Énxet ekyeykhágweykmoho nak apmopmenyého exámasagkok aqsok apagkok, enaqtawásekxohok apagkok chá'a m'a ekheykha nak apxagkok, keñe m'a aptaqhessamo nak selyaqye apxawe yaqwayam mexének ektemegweykmoho exma', eweynchamha sa' makham.

Ezequiel 11:15

“Apkelxénchek énxet'ák apheykha nak Jerusalén ma'a énxet'ák israelitas, cham'a apchókxa xamo' nak xép, aptáhak se'e: ‘¡Tayépek aphamakxa Wesse' egegkok apheykegkaxa xa énxet'ák nak! Keñe negko'o segméssama apkelókxa yaqwayam antéhek egagkok.’

Ezequiel 33:24

“Aptáhak chá'a apkelpaqméteyncha'a énxet'ák apheykencha'a nak tegma apkelyawe Israel se'e, cham'a appalleykmo nak: ‘Apxakkók axta Abraham aptéma apagkok ma'a apchókxa; keñe negko'o nenxámok egagkók peya antéhek egagkok ma'a apchókxa nak.’

Amós 1:13

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Amón, megkatnehek sa' mallegassáseykegkoho; hakte apkelpáxqatcháseykegkek axta awokma'ák kelán'ák lós'awo', ekheykha nak Galaad, apmáheyo eyánchesagkok ma'a xapop apagkok.

Miqueas 2:1

¡Énxet'ák la'aye, élxéneykha nak apkelwáxok elanagkok aqsok ekmaso neyseksa aphéyak apkelyetnamakxa néten, kelsakak agkok, elanagkok chá'a m'a élxeyenma nak apkelwáxok elanagkok, hakte yetneyk apmopwancha'a elanagkok!

Miqueas 2:2

Katsapok chá'a apnegya'ák elanok xapop, keñe elmok chá'a; katsapok chá'a apnegya'ák elanok tegma, keñe elmenyexek chá'a. Enaqtawasagkohok chá'a énxet yetlo apnámakkok, cham'a ektáha nak chá'a apagkok xapop, tén han ma'a aqsok apkelxaweykekxa nak.

Habacuc 2:6

Elesmaksek sa' eyke apyókxoho pók aptémakxa énxet'ák apkelmomap nak ma'a ektáha nak apkelma, sa' etnehek elmeneykmaksek se'e: “¡Kéxegke la'aye, ekhésso nak aqsok kélagkok ma'a megkatnaha nak aqsok kélagkok! ¿Háxko sa' ekwánxa katnehek apcháncheseykekxa aqsok ekxámokma, apkelma nak kélmassáseykha?”