Isaías 5:5 - Biblia Enxet

⁵ Altennaksek sa' ko'o kéxegke ekxénakxa nak ewáxok atnéssesek ma'a anmen yámet séneykekxa: alhexyawássesek sa' ko'o m'a kélhaxtegkesso nak neyáwa, yaqwayam sa' kólmasséssók; alpáxqatchesek sa' ma'a meteymog kélhaxta nak neyáwa, yaqwayam sa' kalteyammaxche';

Isaías 5:5 ပူးပေါင်းရင်းမြစ်များ

Génesis 11:4

Keñe axta aptáha apkelpaqmeta s'e: “Kólchempoho, anlának xama tegma apwányam, tén han xama tegma néten apwenaqte apweykmoho néten. Keñe sa' ólxénaxchek chá'a negko'o negmowána aqsok, móxpaqnehek sa' chá'a ekyókxoho keso náxop.”

Génesis 11:7

Tásek sa' ólweywenták ólxegánegkessesek mók apkelpeywa, yaqwayam sa' mey'asagkehek chá'a aptáhakxa apcháneya pók.”

Nehemías 2:3

ektáhak axta seyáneya wesse' apwányam se'e: —¡Megkamassegwomek sa' chá'a apha exchep wesse'! ¡Megkatnehek ko'o megkayaqhápeykha ewáxok, hakte cham'a tegma apwányam ekheykegkaxa nak takhaxpop apagkok ma'a ẽlyapmeyk nano', kéltawáseykha, kélwatneykekxeyk han ma'a atña'ák nak!

Salmos 89:40

Apkelyagqaxqatchásegkek ekyókxoho m'a nekhaw'ék nak aphaxtegkesso tegma; ¡nápakha'a apketkók aptemessásekxak ma'a tegma apkelyawe apagkok!

Salmos 89:41

Elyeykhágwak chá'a énxet'ák ma'a, elmenyexek chá'a m'a apmakókxa enxoho chá'a elmenyexek; elesmaksek chá'a m'a apheykha nak nepyáwa'.

Proverbios 24:31

keñe sekwet'a ekxámokma éktegeykekxa namyep apagkok ma'a aqsok ekha nak am'ák, kelyaqneneykegkek ma'a meteymog aphaxtegkesso nak.

Eclesiastés 3:3

Yetneyk ekhem nénnapmakxa', tén han nentaqmelchesseykenxa'. Yetneyk ekhem néletsagkassamakxa aqsok, tén han nenláneykekxexa aqsok.

Isaías 10:6

Eyáphássek ko'o ektamagkok ma'a apheykegkaxa nak énxet'ák megyáyo nak Dios, xama apheykegkaxa selókassamo nak chá'a ko'o, yaqwayam sa' elmenyexchesagkok tén han elyementamagkok ma'a aqsok apagkok ekxámokma élmomnáwa nak, yaqwayam sa' elteyammaha etnéssesek ma'a ektémól'a ólteyammaha yelpa' m'a ámay.

Isaías 25:10

Etaqmelchesek sa' Wesse' egegkok ma'a egkexe Sión, keñe sa' ma'a Moab elteyammaha, máxa sa' etnéssesek ma'a ektémól'a pa'at apák kélteyammeykhal'a m'a kélchexakhamakxa nak aqsok apák.

Isaías 28:18

Kólmasséssók sa' ma'a kélhéssamo axta mók kélpaqhetchásamáxkoho m'a nétsapma, keñe sa' ma'a kélpaqhetchásamáxkoho axta m'a apkelmaheykegkaxa nak chá'a apkeletsapma, meyke ekyennaqte sa' katnehek. Kawak sa' ma'a aqsok ekmaso agko' nak, keñe sa' kéxegke megkólenmaxaxche'.

Isaías 28:3

keñe sa' apmagkok elteyammaha m'a eyaqheykencha'a nak chá'a apkelwáxok tén han aptaqmelchessama nak chá'a m'a Efraín énxet'ák apagkok anmen át'ák nak.

Isaías 32:10

Tásek kélheykha kéxegke s'e kaxwo nak, sa' eyke m'a aptáha sa' xama apyeyam kólpexyennók sa' kélaye, hakte kasawhaxchek sa' eknakxamáxche ekyexna m'a aqsok kélcheneykekxa, megkólnakxekxók sa' chá'a kaxwók ma'a anmen yámet ekyexna.

Jeremías 18:11

“Eltennés sa' énxet'ák Judá, tén han ma'a apheykha nak Jerusalén, sektáha ko'o sélxéna, sektáha nak Wesse': ‘Éláneykxeyk ko'o sektáhakxa yaqwánxa atnéssesek kéxegke; xénchek ewáxok allegássesagkoho'. Kólwátésák kélláneyak aqsok ekmaso, kóltaqmelchásekxa kéltémakxa, tén han aqsok kéllánéyak nak chá'a.’

Jeremías 21:4

aptáha appeywa Wesse' egegkok, Dios apagkok nak Israel se'e: ‘Wának sa' ko'o elaqxegenták sẽlpextétamo kélagkok apkelnápeykpo nak wesse' apwányam Babilonia tén han caldeos ma'a teyp nak kélhaxtegkesso s'e tegma apwányam nak, wánchásekxak sa' ko'o apkelmeykha nak apkenchesso kempakhakma s'e nepyeseksa nak tegma apwányam.

Jeremías 28:8

Apkellegassegkek axta chá'a kawak kempakhakma, nenlegeykegkoho ekmaso, tén han negmasse ekxámokma agko' apkelókxa, tén han élyawakxa nak apkelókxa m'a Dios appeywa apkellegasso nano' axta, metyeykemxa axta makham xép tén han ko'o.

Jeremías 45:4

eyáphássek nahan apkeltamho atnehek wának xép se'e: ‘Alyaqnegkesagkok chá'a ko'o m'a ektáha axta sélane, alpátekkeshok nahan chá'a m'a ektáha axta séneykekxa. Sa' atnéssesek nahan ekyókxoho xapop.

Lamentaciones 1:15

Makhawók élya'ássessók ko'o Wesse' egegkok ma'a énxet'ák apkelyennaqte semasma axta chá'a. Eyhayak sẽlpextétamo yaqwayam hesawhaksek ma'a énxet'ák ahagkok apkelyennaqte. ¡Apteméssessók Wesse' egegkok énxet'ák ahagkok Judá m'a kéltémakxal'a kólyaqhápok anmen yámet ekyexna, yaqwayam kalanaxchek vino!

Lamentaciones 2:6

Máxa apmenyexma aptáhak megyessákxo aptawásencha'a m'a tegma appagkanamap apagkok; apmasséssekmek ma'a kélpeykessamókxa nak chá'a. Apmasséssekmek Wesse' egegkok élánamáxche nak chá'a kélessawássessamo m'a Sión, tén han ma'a sábado. Aplo keñamak aptaqnawaya m'a wesse' apwányam tén han ma'a apkelmaxnéssesso nak chá'a énxet'ák apagkok.

Lamentaciones 4:12

Apkenagkamchek axta kelwesse'e apkelwányam nak keso náxop, tén han apyókxoho apheykha nak keso nélwanmégkaxa, mopwanchek elántexek katnaha apnámakkok tén han apkelenmexma m'a atña'ák nak Jerusalén.

Daniel 8:13

“Keñe axta sekleg'a aptáha apkelmaxneyáncha'a pók Dios apchásenneykha s'e: ‘¿Háxko sa' ekwánxa katnégwók néxa kélmassésseyam élánamáxche m'a aqsok ektekyawa élánamáxche nak chá'a yókxoho ekhem? ¿Háxko sa' ekwánxa katnégwók néxa kélmésso kélnaqtawáseykegkoho m'a Wesse' egegkok énxet'ák apagkok, apheykha nak ma'a tegma appagkanamap apagkok, cham'a ekteme nak ekmaso agko' magya'assáxma?’

Oseas 2:12

Amasséssessók sa' ma'a éneykekxa nak anmen yámet, tén han ma'a éneykekxa nak higo, ektéma nak chá'a ekxeyenma s'e: ‘Keso ekyánmaga segkésso nak chá'a ko'o m'a sélpathetéyak nak chá'a.’ Ekmompánaqma sa' atnessásekxak, aqsok nawha'ák éllo sa' katókasek.

Oseas 2:14

“Wának sa' kamekxak makham awáxok ko'o: ay'aksek sa' yókxexma meykexa nak énxet, kataqmalmakha sa' sekpeywa alána'.