Isaías 5:30 - Biblia Enxet

³⁰ Wokmek sa' agkok ekhem ekxénáxchexa yenmexek Israel xa énxet'ák nak kalpáwha sa' apwáxok, máxa sa' etnahagkok ma'a ektémól'a wátsam ekwányam kapáwak awáxok; apkelanawók sa' agkok xapop xama énxet, étak sa' katnekxak ekyaqtessóxma tén han ekhánaqte m'a ekhem eñama ekyentaxno agko' ma'a yaphope ekpésyam.

Isaías 5:30 ပူးပေါင်းရင်းမြစ်များ

Eclesiastés 12:2

Elána' sa' kaxwók xa, megkamassakxa nak makham éltátchesso ekhem, tén han pelten, tén han yaw'a, megkamassakxa nak makham yaphope natámen ekmámeye.

Isaías 13:10

Kamaskok sa' elápogwátek yaw'a tén han yaw'a apkelyawe apchaqneykekxa nak chá'a m'a néten; kapeysamok sa' nahan ektepa enxoho m'a ekhem, megyápogwátek sa' nahan ma'a pelten.

Isaías 13:4

Legáxcheyk élpayheykha kélatña'ák ma'a néten meteymog élekhahéyak nak, máxa m'a ektémól'a énxet apxámokma. Legáxcheyk apyennegkessóxma ekyennaqte m'a pók aptémakxa nak chá'a énxet'ák, cham'a énxet'ák apchaqneykekxa nak. Apteyánegwákxók sẽlpextétamo apagkok appencheséyák nak aptamhágkaxa yaqwayam yempakhak ma'a Wesse' ekha nak apyennaqte.

Isaías 17:12

¡Kóleyxho apkextegyawasso yókxexma m'a énxet apxámokma, máxa m'a ektémól'a wátsam ekwányam kapáwak awáxok! Pók aptémakxa énxet'ák apkelpáxameykha ekyennaqte m'a ektémól'a kapáwak awáxok ekyennaqte m'a yegmen.

Isaías 30:6

Aqsok kélnaqtósso élxénamaxche', élleykha nak ma'a Négueb: Apkelpeywomók chá'a apkelmeyeykekxo Egipto apkelpátegkessama yámelyeheykok tén han yányátnáxeg apkelseykekxo aqsok élmomnáwa apagkok tén han mók aqsok apagkok israelitas ma'a yókxexma, ekxámokmakxa nak aqsok élmasagcha'a, élleykegkaxa nak ma'a méwa élyexweyweykegkól'a, tén han ma'a yéwa, tén han ma'a yéwa ekwányam élchampayól'a, apheykegkaxa nak ma'a énxet'ák mékcha'awo,

Isaías 59:9

Ékeso éñamakxa ekmassa nak negko'o ekyetna negyeseksa m'a nélwagkásamáxche teyp, massék ekyetna ketók ma'a sẽlmallahanchesso nak aqsok ekmaso; nélhaxanmeyk eykhe chá'a élseyéxma, ekyaqtéssóxma aqsa chá'a negweteyk; nélhaxanmeyk eykhe chá'a eyáxñeyo éltátchesso ekhem, keñe nélweynchámeykencha'a aqsa chá'a ekyáqtésakxaxma agko'.

Isaías 8:22

keñe sa' elanok makham náxop, elwetak sa' katnehek ekmaso apheykha tén han ekyaqtéssóxma, ekyaqtéssóxma tén han élyaqhápeykha apkelwáxok. Kápok sa' ekyaqtéssóxma ekyókxoho aqsok.

Jeremías 13:16

Kólteme chá'a kéláyo Dios Wesse' kélagkok, amonye' apcháphasso m'a ekyáqtessóxma, tén han kélpelapmeykha kéxegke m'a egkexe ekyaqtéssamakxa nak exma; amonye' aptemessáseykekxa ekyaqtessóxma ekyentaxno agko' ma'a élseyéxma, kélhaxanma nak kéxegke.

Jeremías 30:5

Aptáhak Wesse' egegkok se'e: “¡Legáxcheyk élpayheykha kélatña'ák élyegweymáxche', tén han eyeymáxche', tén han magya'áseyak nentáhakxa!

Jeremías 50:42

Yágke apkelmeykha tén han sawhéwa; Apkellamchek apagkók nahan ma'a, megkayóshek elanok aqsok, máxa wátsam ekwányam éxtegyawà m'a apkelwónchesso nak, yátnáxeg apkap'ák apkelxegakmok. Appenchásegkek aptamhágkaxa yaqwayam yempakhak ma'a Babilonia.

Jeremías 6:23

Apkelmákxeyk ma'a yágke tén han sókwenaqte apagkok; apkellómók apagko' nahan ma'a, megkayóshek elanok ma'a aqsok; máxa wátsam ekwányam ekpáwà awáxok ma'a apkelwónchesso nak, apkelxegakmek yátnáxeg apkelchánte. Appenchásegkek aptamhágkaxa yaqwayam yempakhak ma'a Sión.”

Lamentaciones 3:2

Ey'assegkek axta m'a ekyáqtéssamakxa nak exma, éntameykekxeyk axta m'a meykexa nak élseyéxma;

Ezequiel 26:3

“Cháxa keñamak sektáha nak ko'o sekpeywa s'e sektáha nak Wesse': Énxet'ák Tiro, ekxénchek ko'o sektáha sélenmexma kéxegke. Wának sa' ko'o ektámegmak kéxegke apxámokma apagko' ma'a pók aptémakxa nak chá'a énxet'ák, sa' etnahagkok ma'a ektémól'a kalxegmak élyaqyahayam élyawe m'a wátsam ekwányam.

Joel 2:10

Kayawheykha chá'a xapop apmonye'e, kapexyennamok han chá'a m'a néten, kapeysemekxak chá'a ekhem, tén han pelten, kamaskok chá'a elápogwátek yaw'a.

Amós 5:18

¡Énxet'ák sa' laye, élpekhésso nak kawak Wesse' egegkok ekhem apagkok! ¿Kélya'ásegkóya kéxegke yaqwánxa katnehek xa ekhem nak? Ekyáqtéssóxma sa' katnehek, háwe sa' élseyéxma.

Amós 8:9

“Wának sa' ko'o katxek ekhem ektáhakxoho yetseksók ekhem xa ekhem nak —axta aptáhak Wesse' egegkok—, ektáhakxoho ekhem sa' wáhakkasek ekyaqtéssóxma xapop.