Isaías 5:27 - Biblia Enxet

²⁷ méko nahan xama enxoho apyelqamákpoho nepyeseksa m'a, tén han ma'a apyampayo nak, méko nahan ma'a apyenmeykha enxoho, méko nahan xama enxoho ménnaqtéssamo aptete nepxet ma'a aptétamap nak, tén han élyetyapma enxoho chá'a axát'ák ma'a apkeltéto apmagkok.

Isaías 5:27 ပူးပေါင်းရင်းမြစ်များ

1 Reyes 2:5

“Apya'ásegkok xeyep setnéssessamakxa axta m'a Joab, Seruiá axta étche, cham'a apteméssessamakxa axta m'a apqánet sẽlpextétamo apkelwesse'e israelitas: apkelnapma axta m'a Abner, Ner axta apketche, tén han Amasá, Jéter axta apketche, cham'a ekmassegweykmo axta kempakhakma, aphéssessamo mók ma'a apkelnapma nak énxet'ák neyseksa kempakhakma, sesexnenagkama ko'o sephewaya ekyetno sekyógkexma.

Job 12:18

Meyke kéláyo chá'a etnessásekxak ma'a kelwesse'e apkelwányam, yának chá'a elmakpok kólnaqlakxak meyke apáwa.

Job 12:21

Meyke kéláyo chá'a etnessásekxak ma'a kelwesse'e nak, elyélaqtéshok han chá'a m'a ekha nak apkelyennaqte.

Salmos 18:32

Dios segkésso sekyennaqte; tén han setnéssesso ekpéwomo sektémakxa,

Salmos 93:1

¡Wesse' egegkok apteme Wesse' Apwányam! Apcháhakkásamákpek Wesse' egegkok ma'a apkelyenma, aptémól'a nentaxno, apwakhésamakpek ma'a apmopwána ektémól'a nentétamáxche'! Apyennaqtéssamók appekkenma nélwanmeygkaxa m'a, yaqwayam enxoho megkayawheykha.

Proverbios 3:23

Méko sa' chá'a katnehek ektáhakxa apweynchámeykha, metlápegwomek sa' han.

Isaías 11:5

Exog sa' chá'a yetlo apcháhakkásamap ma'a aptémakxa ekpéwomo tén han ma'a amya'a ekmámnaqsoho nak, ektémól'a m'a nentétamáxchel'a.

Isaías 45:1

Apteméssessek axta Wesse' egegkok wesse' apwányam ma'a Ciro, apmeyk axta apmek apkelya'assamakxa yaqwayam enxoho etnehek apkeláneykha apyókxoho énxet'ák keso náxop tén han yaqwayam elyementók chá'a apkelmeykha apkenchesso kempakhakma m'a kelwesse'e apkelwányam nak. Apkeltamhók axta nahan kólmeykessesek chá'a átog tegma apkelyawe apmonye' Ciro m'a Wesse' egegkok meyke enxoho xama énxet apmopwána yápekxa'. Tén axta aptáha apcháneya s'e:

Isaías 45:5

Ko'o sekteme Wesse', méko pók; méko pók Dios mók nekha. Eltáméssegkek axta ko'o exchep yaqwayam elnapakpok neyseksa mehey'áseyak,

Daniel 5:6

mopeykxók axta nápat, apkelpexyennegkek axta apkeye.

Deuteronomio 32:25

Etekyók sa' apketchek ma'a neyseksa ámay, keytek sa' nélmeneykha m'a kañe' apxanák; eletsapok sa' ma'a wokma'ák tén han kelán'a étkók, tén han apkelwányam tén han ma'a sakcha'a mekxakha nak makham neme.