Isaías 5:17 - Biblia Enxet

¹⁷ Kólmasséssók sa' ma'a tegma apkelyawe, etawagkok sa' pa'at nepkések tén han yát'ay ma'a nepyeseksa nak tegma aphopák appalleyam.

Isaías 5:17 ပူးပေါင်းရင်းမြစ်များ

Nehemías 9:37

Ekyókxoho aqsok ekxámokma ektekkesso nak chá'a, apkelwesse'e apkelwányam chá'a apkelmeykegkok, apnegkenma axta exchep negyeseksa eñama mólya'assáxma. Henteméssesek chá'a negko'o apmakókxa enxoho chá'a henteméssesek, ekhawo han ma'a nennaqtósso nak. Cháxa keñamak néllegeykegkoho egagko' nak.”

Salmos 119:70

Mopwanchek elya'asagkohok aqsok, peykáseykekxeyk eyke ko'o ewáxok ma'a nélxekmowásamáxche apagkok nak.

Salmos 17:10

Kalyeyha'ak apkelwáxok ma'a, kaleyxkohok han chá'a apkelpeywa;

Salmos 17:14

hewagkas ko'o teyp yetlo apmopwána nepyeseksa s'e énxet'ák; ¡elántekkes énxet'ák keso náxop, ekyetna nak ekyókxoho aqsok! Yáphásses apyókxoho kéllegassáseykegkoho kéltaqmelchessessama nak, ellegássesagkoho han ma'a apketchek nak, tén han ma'a aptawán'ák.

Salmos 73:7

apnaqmelayak apagko', máheyók kalnextog apaqta'ák, xámok agko' élxéneykha apkelwáxok elanagkok aqsok ekmaso.

Isaías 1:7

Yókxexma ekmaso kéltemessáseykekxak ma'a kélókxa, kelwatnegkek táxa eyáléwe m'a tegma apkelyawe nak. Kélnápaqta'awók nahan apteykegkok kéxegke kélenmexma m'a aqsok kélcheneykekxa nak. Meyke xama aqsok tamhákxak ma'a ekyókxoho nak, máxa m'a ektéma axta kélmassesseykmo m'a Sodoma.

Isaías 10:16

Cháxa keñamak peya nak etnessásekxak meyke apkelwasqapma Wesse' ekha nak apyennaqte xa énxet'ák élyenneykha agko' nak apyempe'ék, elméxenchessesek sa' apyempe'ék máxa táxa élwatno sa' etnéssesek.

Isaías 17:2

Etaqmopagkohok apagko' sa', pa'at émhakxa sa' katnekxa'; katawagkok sa' pa'at kélnaqtósso meyke kélmenxeneykha m'a.

Isaías 32:14

Etaqmopagkok sa' ma'a tegma apyawe aptaqmalma nak; meyke xama aqsok sa' katnekxak ma'a tegma apwányam, apheykegkaxa nak apxámokma énxet; kataqmopagkohok agko' sa' ma'a kélhaxtegkesso ekyennaqte nak nepyáwa; kalkohok sa' awáxok kallawha yámelyeheykok nawha'ák ma'a, katawagkok sa' nahan pa'at kélnaqtósso m'a.

Isaías 40:11

Máxa keláneykha nepkések aptáhak apkexyekmo apkeltaqmelchessól'a m'a nepkések apnaqtósso; apkelqeynánteyk ma'a nepkések apketkók, apkelpathetánteyk nahan, aptaqmelchásawók nahan chá'a apkeláneykha m'a kaxwe aptamhéyak nak apnaqláw'ák.

Isaías 65:10

Esawhekxohok sa' nepkések ma'a ekyapwátegweykenxa nak xapop Sarón, keñe sa' ma'a ekyapwátegweykenxa nak xapop Acor katawagkok pa'at ma'a weyke yaqwayam sa' etnehek apnaqtósso m'a énxet'ák ektáha nak chá'a ko'o sektamso.

Isaías 7:25

Xámók sa' katnehek yámet ekha nak am'ák ma'a egkexe kélcheneykekxexa axta chá'a aqsok yetlo kélmeykha m'a sówaxpehek. Kampagqeykxak sa', méko sa' kamhagkok ma'a. Weyke ekteykegkaxa pa'at sa' aqsa katnehek ma'a tén han nepkések.

Jeremías 5:28

tén han apnaqmelaya tén han ektaqmalma aptéyak. Méko néxa m'a apkeltémakxa ekmaso: melánekxések chá'a amya'a yaqwayam etaqmelchessásekxak ekheykha m'a élyéheykha nak, melanók han chá'a ektémakxa nak apheykha m'a meyke nak aqsok apagkok.

Lamentaciones 5:2

Mók nekha apkeleñama kaxwók apkelmák ma'a ekyókxoho aqsok egagkok; pók énxet'ák kaxwók aptáhak apagkok ma'a enxanák nak.

Oseas 4:16

Hénmexekxohok ma'a Israel, máxa weyke étkok ekmeymente; ¿Apwancheya enaqlók kéxegke Wesse' egegkok ma'a ektaqmelakxa nak pa'at, ektémól'a m'a nepkések apketkók la'a?

Oseas 8:7

Apkeneykekxeyk éxchahayam ma'a, éxchahayam ekyennaqte agko' sa' han enakxagkok; méko sa' aqsok elyaqtennagkok ma'a namyep apagkok nak, méko sa' nahan yaqwayam elanagkok hótáhap ma'a apyexna nak; apkelánegkek sa' agkok ma'a hótáhap nak, pók énxet'ák sa' etawagkok.

Miqueas 2:12

Wánchásekxak sa' ko'o apyókxoho Jacob énxet'ák apagkok; ayekhámekxak sa' apqántawók apkeleymomap nak ma'a énxet'ák Israel. Wánchásekxak sa' aptémól'a nepkések yaqnekxak ma'a apxagkok aptémól'a nepkések yaqnekxak ma'a yókxexma ektaqmelakxa nak pa'at, énnegkesek sa' exma eñama apxámokma.

Sofonías 2:14

Kólhexyawássesagkok sa' ma'a yántéseksek apxanák nak, sa' elyagqak nahan chá'a nepkések ma'a keñe han ma'a mók ektémakxa nak chá'a aqsok nawha'ák. Sawe apkelyawe sa' enaqtének ma'a néten étseksa'ák nak yámet élámha apagkok tén han leklek, keñe sa' náta élpésyam kalpáwha m'a átog étkók nak tén han ma'a átog nentaxnamakxa nak tegma.

Sofonías 2:6

Émhakxa pa'at sa' katnekxak ma'a apchókxa ekyetno nak neyáwa wátsam ekwányam, yaqwánxa sa' chá'a yaqnekxak ma'a keláneykha nepkések, tén han yaqwánxa sa' chá'a kóllánésagkok aphaxta apagkok ma'a nepkések.”

Deuteronomio 28:33

Keñe sa' ma'a kélnakxo nak aqsok kélcheneykekxa m'a xapop kélagkok tén han ma'a ekyókxoho ekyexna eñama nak kéltamheykha, etókasek sa' ma'a énxet'ák megkólweteya axta kéxegke, megkamassegwomek sa' chá'a kéllegeykegkoho kélnaqtawáseykegkoho tén han ekmaso kélteméssesakxa.

Deuteronomio 32:15

“Apmelayak axta m'a Jesurún, apkeltekpageykha axta apmagkok xapop (apmelayók apagko' axta, apkelyenmomchek axta apmele), tén axta apyamasma m'a Dios, ektáha axta apkelane; aptaqnawágweykmek axta m'a apmasma nak chá'a tén han apwagkasso teyp.