Isaías 5:13 - Biblia Enxet

¹³ Kólnaqlakxak sa' megkatnahakxa nak apkelókxa m'a énxet'ák ahagkok, eñama megkalyaqwáméyak elya'asagkoho'. Eletsapok sa' meyk tén han hem át'ák ma'a apyókxoho énxet, ekweykekxoho m'a apkelámha apmonye'e apagkok.

Isaías 5:13 ပူးပေါင်းရင်းမြစ်များ

2 Reyes 17:6

Keñe ekweykmo axta nueve apyeyam apteme wesse' apwányam Oseas, apmomchek axta wesse' apwányam Asiria m'a Samaria, keñe axta apkelmoma israelitas apnaqleykekxo Asiria, apkelhésseykmek axta m'a Halah, yókxexma nak Habor, wátsam nak Gozán, keñe han ma'a tegma apkelyawe apagkok nak medos.

Proverbios 10:21

Apxámok etnehek énxet ekpasmo appeywa m'a énxet appéwomo nak, keñe m'a énxet ekyeyháxma nak, yetsapok aqsa chá'a eñama apteme ekyeyháxma.

Isaías 1:3

Keykpelkohok ótep ma'a weyke, kay'asagkohok nahan aphaxta apagkok ótep ma'a yámelyeheykok, keñe m'a Israel, énxet'ák ahagkok ahagko' nak melyekpelchehe', méko nahan apkelya'áseyak.”

Isaías 1:7

Yókxexma ekmaso kéltemessáseykekxak ma'a kélókxa, kelwatnegkek táxa eyáléwe m'a tegma apkelyawe nak. Kélnápaqta'awók nahan apteykegkok kéxegke kélenmexma m'a aqsok kélcheneykekxa nak. Meyke xama aqsok tamhákxak ma'a ekyókxoho nak, máxa m'a ektéma axta kélmassesseykmo m'a Sodoma.

Isaías 23:9

Wesse' egegkok ekha nak apyennaqte apkeltémo katnehek xa, yaqwayam enxoho etnessásekxak mékoho apyókxoho m'a apkeleymákpoho nak, tén han yaqwayam etnessásekxak kónegók agko' ma'a kelwesse'e apagko' nak keso náxop.

Isaías 27:11

Kalekkexaxchek chá'a aktegák xama yámet ekyawe élyamaka enxoho; keñe chá'a kelán'a kalmok katnehek táxa agkok. Énxet meyke apkelya'áséyak aqsok xa. Ékeso éñamakxa peya sa' megkalepyósek elanok ma'a ektáha axta Apkelane.

Isaías 3:1

¡Kóltaqmelchesho kóllano'! Elántekkesek sa' Wesse' ekha nak apyennaqte Jerusalén tén han Judá m'a apyókxoho pók aptémakxa nak chá'a énxet'ák apkelseykentegkesso aqsok ma'a énxet'ák, tén han apyókxoho m'a apkelmeyáséyak nak chá'a aptéyak tén han ma'a yegmen.

Isaías 3:3

tén han ma'a sẽlpextétamo apkelámha apmonye'e nak, tén han ma'a kelwesse'e ekha nak kéláyo, tén han ma'a appékessáseyak nak chá'a apnámakkok, tén han ma'a ekha apmopwancha'a nak, tén han ma'a apkelyohóxma nak,

Isaías 44:19

Megkalchetamha nahan apkelwáxok, méko apkelya'áseyak yaqwayam enxoho elyekpelkoho' keñe etnehek apkelpeywa s'e: “Ekwatneyk xama nekha yántéseksek, keñe m'a átex nak sekmakhetchesa kelpasmaga, ekyaqxakkak ápetek tén sektawa; keñe eyeymomáxche sélana s'e aqsok ekmaso agko' nak, ¡yámet nekha m'a sélpeykessamo nak chá'a!”

Isaías 49:21

Keñe sa' xeye' katnehek awáxok se'e: ‘¿Yaqsa axta setasso ko'o xa étchek nak? Méko axta ko'o étchek, mowanchek nahan óta'; élyentameykekxeyk axta ko'o megkatnahakxa seyókxa, ektaqmópeykegkek axta, ¿Yaqsa séktegkessesso ko'o xa? Exakkók axta ko'o ektaqmópeykegkok, ¿háxko eyke apkeleñamakxa xa?’”

Isaías 65:13

Cháxa keñamak aptáha nak appeywa Wesse' egegkok se'e: “Yetneyk sa' chá'a katnehek aptéyak ma'a séláneykha; keñe sa' kéxegke kóllegagkohok meyk élnapma; yetneyk sa' katnehek ma'a apyenéyak, keñe sa' kéxegke kóllegagkohok hem élnapma; kalpayhekxak sa' apkelwáxok ma'a, keñe sa' kéxegke kólmegqe';

Jeremías 14:18

Ektekkek agkok yókxexma, ótak kaxnagkok kélhapák aptekyawa neyseksa kempakhakma; ektaxneyk agkok tegma apwányam, ótak apkeletsapma énxet'ák eñama meyk élnapma. Weykmok apkellegasso Dios appeywa, tén han apkelmaxnéssesso Dios énxet'ák apagkok apkelmaheykegko m'a apchókxa melya'ásegkaxa nak.’”

Jeremías 14:3

Apkelápháseyha etegyagkok yegmen apkeláneykha m'a kelwesse'e; apkelmeyákxeyk chá'a m'a yámelchet, makke elwetágweykxak chá'a yegmen, apkelchexyekmek aqsa chá'a meyke yegmen ma'a yátegwáxwa apagkok; melya'ásegkok aptamhágkaxa, apkelaqlássek apqatkok yetlo ekyawe agko' apkelmegqakto.

Jeremías 8:7

Weykmók seyána' ekya'áseykegkoho ekhem yaqwánxa keyxyók makham. Apya'ásegkók nahan ekhem yaqwánxa emyekxak chá'a mók nekha m'a sapop, tén han yeptameygmen, tén han ma'a yáho. Keñe kéxegke énxet'ák ahagkok, megkólya'ásegkok ma'a segánamakxa ahagkok.

Lamentaciones 4:9

Tásek axta ektémakxa apkeletsapma axta neyseksa kempakhakma, megkaxnawok ma'a apkeletsapma nak meyk élnapma, hakte taqmelcháseykegkók axta aqsa apkeletsapma eñama meyke aptéyak eñama nak keso náxop.

Ezequiel 7:12

Wokmek kaxwo', xegakmek ekhem. Megkalpayhekxeyk sa' chá'a kaxwók apkelwáxok ma'a apkexakha nak chá'a aqsok, megkatnehek sa' nahan chá'a megkalyaqhápeykha apkelwáxok ma'a apkelma nak chá'a aqsok. Allegássesagkohok sa' ko'o yetlo seklo m'a énxet'ák apkeleymákpoho nak Israel.

Oseas 4:6

Méko apkelya'áseyak ma'a énxet'ák ahagkok, la'a kélmasséssekmo nak. Keñe exchep apkelmaxnéssesso nak énxet'ák ahagkok, aptaqnagko nak ma'a negya'áseykegkoho, matnéssesek sa' ko'o kaxwók aptamheykha apkelmaxnéssesso énxet'ák ahagkok. Megkaxének sa' ko'o kaxwók ewáxok ma'a aptawán'ák neptámen nak, hakte kelwagqeykmek ma'a nélxekmowásamáxche' ahagkok, ko'o sektáha nak Dios apagkok.

Amós 8:13

Kaletsapok sa' élyennákxoho hem élnapma kelán'ák étkók éltaqmalma nak xa ekhem nak, tén han ma'a wokma'ák apkelyennaqte nak.