Isaías 49:8 - Biblia Enxet

⁸ Aptáhak Wesse' egegkok se'e: “Wokmek yaqwánxa axekmósek seyásekhayo, eyátegmowágkokxeyk nahan; wokmek ekhem nélwagkásamáxchexa teyp, ekpasmeyk nahan. Ektaqmelchessegkek ko'o exchep yaqwayam sa' elánekxak makham ekhémo mók sélpaqhetchásamáxkoho m'a énxet'ák, yaqwayam sa' elánekxak makham ma'a apchókxa, tén han etnehek apagkok ma'a xapop kélsawhomo axta aqsok ekhéyak ma'a kañe',

Isaías 49:8 ပူးပေါင်းရင်းမြစ်များ

2 Samuel 7:13

Sa' etnehek sélánésso ko'o xama tegma appagkanamap ma'a, keñe sa' ko'o atnéssesek megkatnégwayam néxa apteme wesse' apwányam.

Salmos 2:8

Hélmaxna ko'o ekyókxoho apkelókxa, almések sa', apagkok sa' etnehek ekweykmoho m'a ektemegwánxa nak néxa xapop.

Salmos 69:13

Wesse', ekwóneyha eyke ko'o exchep. ¡Dios ahagkok, hepásem kaxwo'! ¡Heyátegmowák, eñama ekyawe segásekhayo! ¡Hewagkas teyp, eñama melwátésseyam sempasmo!

Salmos 75:3

Yawheyha sa' agkok xapop, yetlo m'a apyókxoho énxet apheykha nak kañe', eynnaqtések sa' eyke ko'o m'a awhak nak.”

Isaías 26:3

Wesse', eltaqmelcheshok chá'a exchep yetlo meyke ektáhakxa apwáxok ma'a melyenseyam nak chá'a apteme melya'ásseyam, hakte apcháyók chá'a exchep ma'a.

Isaías 27:3

Ko'o chá'a séláneykha xa, sektáha nak Wesse', yókxoho ekhem chá'a sekyásseséyak. Yókxoho ekhem chá'a sektaqmelchesso tén han yókxoho axta'a, yaqwayam enxoho megkóltawasha.

Isaías 41:10

Nágyé aqsa, ekheyk ko'o xamók xép; nágkatneykha aqsa apwáxok, ko'o sekteme Dios apagkok. Agkések sa' ko'o exchep apyennaqte, apasmok sa' nahan, amagkok sa' ko'o exchep apmek ma'a émek ekmallahanmo nak chá'a kempakhakma.

Isaías 42:1

“Keso seyásenneykha ko'o s'e, sekpasmoma nak chá'a, sélyéseykha axta, ekleklamo nak ewáxok aptémakxa'. Ekméssegkek ko'o espíritu ahagkok xa yaqwayam enxoho etaqmelchessásekxak apheykha m'a apyókxoho pók aptémakxa nak chá'a énxet'ák.

Isaías 42:6

“Ekwóneykha axta ko'o exchep, ko'o sektáha nak Wesse', ekmeyk axta apmek, yaqwayam enxoho etnehek apkelwagkasso teyp énxet'ák; éláneyak axta ko'o exchep, hakte émenyeyk axta etnehek magkenatchesso ekhémo mók sélpaqhetchásamáxkoho ko'o m'a énxet'ák, tén han élseyéxma apagkok ma'a pók aptémakxa nak chá'a énxet'ák,

Isaías 44:26

Wánhok eyke chá'a ko'o katyapok aptáhakxa enxoho apkelpeywa m'a séláneykha nak, wánhok nahan kataqmelek chá'a ekteyapma aqsok apmáheyo elanagkok ma'a sélápháseykha nak chá'a. Ekxénchek ko'o peya exnekxak makham énxet ma'a Jerusalén tén han peya kóllánekxak makham ma'a tegma apkelyawe nak Judá. Wának sa' ko'o kólnaqxétekhasagkokxak makham ma'a appalleyam nak.

Isaías 49:19

Apchókxa ekmaso axta exche' kéltemessáseykekxa, kélmassésseykmek axta, kélsawhomók axta aqsok ekhéyak ma'a kañe'; ketsék sa' eyke kaxwók katnehek ma'a xapop agkok yaqwayam sa' exmakha m'a énxet'ák agkok. Makhawók eyke kaxwók apkelmahágkok ma'a ektáha axta apketsagkasso.

Isaías 51:16

ekpeykessegkek axta ko'o m'a néten éláneyak axta nahan xapop. Ekméssegkek axta ko'o exchep nélxekmowásamáxche ahagkok, eyáhakkassegkek axta emék sekmasma. Axta ektemék ko'o sélanagkama énxet'ák apheykha nak Sión se'e: ‘Kéxegke kélteme énxet'ák ahagkok.’”

Isaías 51:3

Kapyóshok sa' ko'o alanok ma'a Sión, tegma apwányam apmopsagko nak apyókxoho. Namyep éltaqmalma sa' atnessásekxak ma'a ekyamáyekxa nak exma xapop yókxexma meykexa nak énxet, ektéma axta m'a Edén apkeneykekxexa axta aqsok ma'a Wesse' egegkok. Keytek sa' ekpayheykekxa egwáxok ma'a tén han negátseykha, tén han negmeneykmasso tén han negháxenmo m'a kélpáwasso ekmátsa.

Isaías 54:3

hakte kasawhekxohok sa' xeye' m'a ekyókxoho yókxexma; elmok sa' ekxámokma agko' apkelókxa m'a atawán'ák natámen nak xeye', exnakha sa' nahan ma'a tegma apkelyawe meykexa nak énxet se'e kaxwo' nak.

Isaías 55:6

“Kólchetam Wesse' egegkok kélewagkexa nak makham kólwetekxa', kólwónmakha apha nak makham keto'.

Isaías 57:13

Kélpáxamáha sa' agkok kóltegyaha ekpasmo, megkapasmehek sa' ma'a kéleykmássesso kélagkok nak, megkalwagkasek sa' teyp. Éxchahayam sa' kalsók ekyókxoho xa; xama ekwátekhapma sa' kamasséssók. Keñe sa' ma'a ektáha nak chá'a ko'o seyáyo exek sa' chá'a m'a apchókxa, exek sa' chá'a m'a egkexe ekpagkanamaxchexa ahagkok nak.”

Isaías 58:12

Énxet'ák apagkok sa' elánekxak makham ma'a tegma aphopák appalleyam nak, exegkásekxak sa' makham ma'a tegma apowhók nanók kéllane axta. Eltamhakpok sa' énxet'ák apagkok: ‘apkeláneykegkokxa meteymog kélhaxta nepyáwa tegma élyaqnenéyak’, ‘apkeláneykegkokxa tegma appalleyam’.

Isaías 58:5

¿Kélanagkamcheya kaleklamók ko'o ewáxok manto nak nento keypetchak ma'a néllegassásamaxche nak, tén han neghaxe nak ektémól'a kalháxahagkok ma'a ekho', tén han negyetno nak néten apáwa sẽlwáxaqxamól'a tén han ma'a néten táhap? ¿Keyaxa kéltéma nak chá'a kéxegke ‘mantamakxa nento xa, tén han ‘ekhem ekleklamókxa apwáxok ma'a Wesse' egegkok’?

Isaías 61:2

eyáphássek axta nahan altennaksek énxet'ák ekwa'a m'a ekhem yaqwánxa nak elwagkasek teyp Wesse' egegkok ma'a énxet'ák, ekhem yaqwánxa nak heghésseshok mók Dios egagkok senteméssessamakxa m'a sẽlenmexma nak. Eyáphássek axta yaqwayam alpeykessásekxak apkelwáxok apyókxoho m'a élyaqhápeykha nak apkelwáxok,

Isaías 61:4

Kóllánekxak sa' makham ma'a tegma aphopák nanók apkeletsagkásamap axta, tén han ma'a tegma kélpalchesso axta m'a nanók agko' axta, kóllánekxak sa' makham ma'a tegma apkelyawe kélnaqtawáseykha axta.

Isaías 65:9

Wának sa' exek aptawán'ák neptámen ma'a Jacob, wának sa' nahan exek énxet ma'a Judá yaqwayam sa' exnakha m'a néten meteymog élekhahéyak ahagkok nak. Sa' etnehek apagkok xapop ma'a sélyéseykha nak chá'a ko'o, sa' exnakha séláneykha nak ko'o m'a.