Isaías 49:2 - Biblia Enxet

² Sókwenaqte ekmahamta agko' axta aptemessáseykekxak ahaxkok, eyáhakkassegkek axta apmék setaqmelchessama, etnessáseykekxeyk axta yágke ahamtek ekmahamta agko' naw'a keñe seyaqxegkessama m'a kañe' apxata nak chá'a yágke aktek apagkok.

Isaías 49:2 ပူးပေါင်းရင်းမြစ်များ

Salmos 91:1

Énxet apchásenneykekxa nak Dios Meyke Ekhémo segmasma, cham'a Ekha nak Apyennaqte,

Éxodo 33:22

Yeyk'ak sa' agkok ma'a élseyéxma ahagkok nak, ataxnések sa' xama meteymog áxwa, wáhakkasek sa' émek ekwokmoho sekyeyk'a.

Isaías 11:4

Elyekpelkohok sa' chá'a yetlo ekpéwomo apkelánéseykekxa amya'a m'a énxet'ák apkelyelqamákpoho nak, emyókasek sa' nahan chá'a ektémakxa nak apheykha m'a énxet'ák meyke nak aqsok apagkok ma'a apchókxa. Máxa yámet sa' katnehek ma'a appeywa, yaqwayam sa' kallegássesagkohok ma'a énxet'ák apkelyennaqteyáseykha nak apyempe'ék, xama apwátekhapma sa' etnehek elnápok ma'a énxet'ák élmasagcha'a nak apkeltémakxa.

Isaías 42:1

“Keso seyásenneykha ko'o s'e, sekpasmoma nak chá'a, sélyéseykha axta, ekleklamo nak ewáxok aptémakxa'. Ekméssegkek ko'o espíritu ahagkok xa yaqwayam enxoho etaqmelchessásekxak apheykha m'a apyókxoho pók aptémakxa nak chá'a énxet'ák.

Isaías 50:10

Kéxegke kéláyo nak chá'a Wesse' egegkok tén han kélháxenmo nak chá'a appeywa m'a apkeláneykha: kélxegkek agkok ekyáqtésakxaxma, meyke éltátchessesso m'a élseyéxma, kólteme kéláyo m'a Wesse' egegkok kólyepetchegwakxa m'a Dios kélagkok.

Isaías 50:4

Élxekmóssek ko'o Wesse' egegkok sekmowána sekpeywa yaqwayam enxoho alpeykessásekxak apkelwáxok ma'a apkelyampayo nak. Yókxoho axto'ók chá'a apkeltémo aleyxmakha yaqwayam enxoho weyxhok aptémól'a m'a ekmátsal'a kólxekmósek.

Isaías 51:16

ekpeykessegkek axta ko'o m'a néten éláneyak axta nahan xapop. Ekméssegkek axta ko'o exchep nélxekmowásamáxche ahagkok, eyáhakkassegkek axta emék sekmasma. Axta ektemék ko'o sélanagkama énxet'ák apheykha nak Sión se'e: ‘Kéxegke kélteme énxet'ák ahagkok.’”

Jeremías 1:18

Sakhem ko'o sekteméssesa exchep apho tegma apwányam apyennaqte, apho sawo émhal'a, apho tegma kélhaxtegkesso nepyáwa sawo ekyexwase, yaqwayam sa' elenmexek ma'a apyókxoho énxet'ák apheykha nak yókxexma Judá: cham'a kelwesse'e apkelwányam apagkok nak, apkelámha apmonye'e tén han ma'a apkelmaxnéssesso nak énxet'ák ahagkok, tén han ma'a énxet'ák apheykha nak apkelókxa.

Oseas 6:5

Cháxa keñamak sekteméssesa nak kélnápakha'a kélketkók, eñama seyásenneykekxa m'a énxet'ák apkellegasso nak sekpeywa, sekpeywa keñamak sélnapma. Máxa élseyéxmal'a temék ekteyapma m'a ektémakxa nak ekpéwomo sektémakxa.

Habacuc 3:11

Megkatyapak ekhem, tén han pelten ma'a élántaxnegweykekxexa nak chá'a ekwet'a m'a yágke aktek élyenma apagkok nak, tén han élyenmasso exma nak ma'a sawhéwa apagkok.