Isaías 48:22 - Biblia Enxet

²² Méko ektaqmalma apheykha m'a élmasagcha'a nak apkeltémakxa. Wesse' egegkok apxeyenma xa.

Isaías 48:22 ပူးပေါင်းရင်းမြစ်များ

2 Reyes 9:18

Apkelanyexágkek axta yátnáxeg apchánte m'a Jehú, keñe aptáha apcháneya s'e: —Eyáphássek ko'o wesse' apwányam apkeltamho almaxneyha exchep, ya exnek eláwak apxegakmo, aplókek enxeykel'a. Apchátegmowágkek axta Jehú: —Háwe exchep yaqwayam ey'asagkoho'. ¡Etnegwom netámen! Tén axta apkelhaxneykha apkeltennásekxoho makham ektáhakxa: —Apwokmek xeyk apseykha amya'a m'a apchaqnágwa'akxa exchek, makke agwet'ak éxyamok makham.

2 Reyes 9:19

Yetlókók axta makham apchápháseykekxa pók énxet yátnáxeg apkapok ma'a wesse' apwányam, apwokmek axta makham ma'a apchaqnágwa'akxa axta, keñe aptáha s'e: —Eyáphássek ko'o wesse' apwányam apkeltamho almaxneyha exchep, ya exnek eláwak apxegakmo, aplókek enxeykel'a. Apchátegmowágkek axta Jehú: —Háwe exchep yaqwayam ey'asagkoho'. ¡Etnegwom netámen!

Isaías 49:1

Kóleyxho sekpeywa, kéxegke, kélheykha nak apkelókxa neyáwa wátsam ekwányam, kóltaqmelchesho kélháxenmo sekpeywa, kélheykha nak makhawók agko': Ewóneykha axta ko'o Wesse' egegkok matyeykemxa axta makham keso náxop; apxeyenmeyk axta sekwesey m'a sekyetnamakxa axta makham kañe' méme awáxok.

Isaías 57:20

Máxa eyke wátsam ekwányam ekyéhál'a yegmen ma'a énxet'ák élmasagcha'a nak apkeltémakxa megkamowánal'a kalánekxak ekyetno, élnextegkessamól'a yelpa' m'a élyaqyahayam agkok tén han ekmanyása.

Isaías 57:21

Méko ektaqmalma apheykha m'a énxet'ák élmasagcha'a nak apkeltémakxa.” Dios apxeyenma xa.

Isaías 66:24

“Elchexyók sa', elwetágwaták sa' énxet aphopák ektáha axta ko'o sénmexeykekxa. Meletsepek sa' ma'a yápa apketkók ektáha nak apto, megkaspónhek sa' nahan ma'a táxa ektáha nak élwatno. ¡Yetsek sa' elanok ma'a apyókxoho énxet'ák!”