Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaías 48:21 - Biblia Enxet

21 Apkelya'assegkek axta eykhe m'a yókxexma meykexa nak énxet, axta eyke kalnapmak ekhem; appáxqatmeyk axta meteymog aptekkessama ekyawe agko' ma'a yegmen.

အခန်းကိုကြည့်ပါ။ ကော်ပီ




Isaías 48:21
15 ပူးပေါင်းရင်းမြစ်များ  

Apkelméssegkek axta han aptéyak éleñama néten, yaqwayam enxoho emasséssesek élnapma meyk, tén han aptekkessessama yegmen ma'a meteymog, yaqwayam kamasseksek hem élnapma. Tén axta apkeltémo elántexek elhók ma'a apchókxa apkeltennassamakxa axta.


Apkelméssegkek axta han ma'a espíritu aptaqmalma apagkok yaqwayam enxoho elxekmósagkok; apkeleykegkek axta aqsa m'a maná apcháphássesso axta, apméssegkek axta han yegmen yaqwayam kamasseksek hem élnapma.


Appáxqatmeyk axta meteymog, keñe axta ekteyapma yegmen, máxa wátsam axta temék ényahama m'a yókxexma meykexa nak énxet.


Aptekkessegkek axta exchep ma'a élánteyapmakxa nak yegmen, tén han wátsam, apyamassegkek axta m'a yegmen wátsam megkeymáyeykxa nak.


Appáxqatmeyk axta han neyseksa meteymog meykexa nak énxet, tén axta apméssama ekyawe agko' yegmen yaqwayam énagkok, eñama m'a kañók agko' xapop.


¡Aptekkessegkek axta yegmen Dios ma'a meteymog, yegmen ényé ekyennaqte!


Naqsók axta appáxqatma Dios neyseksa meteymog, keñe han ekteyapma yegmen ma'a, ektémól'a wátsam, tén han ekpayheykekxo yegmen ma'a xapop; ¿apwancheya han hegmések nento m'a? ¿apwancheya han egkések ápetek ma'a énxet'ák apagkok?”


Axek sa' eyke ko'o aleyxek ma'a néten egkexe Horeb. Aptekpogkek sa' agkok ma'a meteymog, katyapok sa' yegmen eñama m'a kañe' nak, yaqwayam enxoho énagkok ma'a énxet'ák. Aptemék axta nahan Moisés xa ektáha nak, nápaqta'awók ma'a apkelámha apmonye'e Israel.


Wokmek sa' agkok ekhem yaqwánxa keytek nentekyawa ekyawe, appallakmo sa' ma'a tegma apkelyennaqte nak, kaxek sa' wátsam tén han yegmen ényé ekyókxoho m'a meteymog élekhahéyak netna'awo nak tén han ma'a egkexe élwenaqte nak.


“Megkalnáphek sa' chá'a meyk megkalnáphek sa' nahan chá'a ekhem, kamaskok sa' nahan élpekhésa m'a ekmexanmaxma mayáhat, hakte élásekhayók ko'o m'a, eknaqleykha nahan chá'a, anaqlakxak sa' nahan ma'a élánteyapmakxa nak yegmen.


Elmaxneyagkok sa' elchexyók yetlo apkellekxagweykenta'. Anaqlakxak sa' ko'o m'a ényahamakxa nak yegmen, cham'a ámay meykexa nak élyapwáteyak, yaqwayam sa' melpelapmehe'. Hakte ko'o apyáp ma'a Israel, keñe hatte átnaha apketkok ma'a Efraín.


Apya'ássek axta néten apmek Moisés, ánet aptekpaga axta aptáhak aptasqapeykha m'a meteymog, tekkek axta nahan ekyawe agkók yegmen. Apyenágkek axta m'a énxet'ák, tén han ma'a aqsok apnaqtósso.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ