Isaías 48:20 - Biblia Enxet

²⁰ Kólántép Babilonia, kólxegánem nepyeseksa m'a énxet'ák caldeos. Kóllegés yetlo kélpáxameykha kélátseykha s'e amya'a nak, kólya'assásegwók ekweykmoho m'a néxa xapop nak. Kólteme kólpaqmétek se'e: “¡Apwagkassek teyp Wesse' egegkok ma'a Jacob cham'a apkeláneykha nak!”

Isaías 48:20 ပူးပေါင်းရင်းမြစ်များ

2 Samuel 7:23

Keñe m'a Israel, énxet'ák apagkok nak xép, ¡méko pók énxet'ák aphawo keso náxop! Apkelwagkassegkek axta exchep teyp Dios, yaqwayam etnehek énxet'ák apagkok, payheykekxeyk axta exchep apwesey apkeláneya m'a aqsok magésso nak agè', tén han ma'a aqsok éltaqmalma nak. Apkelántekkessegkek axta chá'a exchep apmonye'e énxet'ák apagkok ma'a pók énxet'ák nak, tén han ma'a aqsok apkeláyókxa nak, cham'a apkelántekkesseykekxa axta m'a Egipto,

Esdras 2:1

Keso apkelwesey axta israelitas appalleyam axta m'a Judá, kélnaqleykekxa axta m'a Babilonia, wesse' apwányam Nabucodonosor axta apnaqleykekxa', tén axta apkeltaqhémo makham Jerusalén, tén han ma'a mók yókxexma nak Judá, cham'a apkeleñémekxa axta chá'a, apkeleñama m'a kélnaqleykekxexa axta, Zorobabel axta eyke apkemha apmonye', tén han Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm, tén han Baaná:

Salmos 126:1

Xama axta aptemessáseykekxo makham Wesse' egegkok Sión ma'a ektémakxa axta nano', máxa negwanmagko axta temék.

Isaías 12:1

Sa' kóltéhek kólpaqmétek kéxegke xa ekhem nak: “Wesse', ekméssek xép ekpayheykekxa ewáxok, hakte etaqnagkamchek axta eykhe ko'o exchep, massék eyke m'a aplo, egkeyásékxeyk makham meyke ektáhakxa ewáxok.

Isaías 12:4

keñe sa' kóltéhek se'e: “Kólmés ekxeyenma kélwáxok Wesse' egegkok, kóltennasha apyókxoho énxet'ák apheykha nak keso náxop aqsok apkelane nak, kólya'assásegwakxoho apteme néten ma'a ekyókxoho aqsok.

Isaías 24:14

Elwehesha sa' kalpayhekxak apkelwáxok ma'a meletsapma nak, elyennaqtések sa' apkelpeywa apkelwet'a enxoho Wesse' egegkok aptaqmalma m'a apheykegkaxa nak taxnegwánxa ekhem.

Isaías 26:1

Cháxa ekhem nak, sa' kalmeneykmasaxchek Judá s'e negmeneykmasso nak: “Yetneyk negko'o xama tegma apwányam apyennaqte egagkok; yaqwayam hẽlwagkasek teyp, aphaxtegkek Wesse' egegkok meteymog ma'a nepyáwa tén han ma'a ekyennaqtésso nak.

Isaías 42:10

Kólmeneykmásses Wesse' egegkok negmeneykmasso axnagkok; kólpeykesho kélheykha nak makhawók agko' keso náxop, cham'a kélxega nak chá'a neyseksa wátsam ekwányam tén han ma'a aqsok élleykha nak ma'a kañe', tén han ma'a apkelókxa ekhéyak nak neyáwa wátsam ekwányam yetlo m'a énxet'ák apheykha nak ma'a kañe'.

Isaías 43:1

Aptáhak kaxwók xép apcháneya Wesse' egegkok se'e, Israel, ektáha axta apkelane, Jacob ektáha axta aptekkesso: “Nágyé aqsa, ekwagkassek ko'o exchep teyp; ekwóneyha apwesey, xép apteme ahagkok.

Isaías 44:22

Máxa yaphope ekmassegwayam la'a aqsa ekteméssessók ko'o sekmassesseykmo m'a aqsok megyaqhémo nak tén han ma'a mey'assáxma. Hey'óta ko'o makham, hakte ko'o axta sekwagkasso teyp xép.”

Isaías 48:6

Aplegayak xép ekyókxoho xa; elano, keñe sa' ey'asagkohok ektáha naqso'. Añeksek sa' kaxwók xép axnagkok aqsok, cham'a aqsok ekyexamaxche méteya nak xép,

Isaías 49:13

¡Néten, kalpáxamha kapayhekxak awáxok! ¡Xapop, kayánchesho agko' ekpayheykekxa awáxok! ¡Meteymog élekhahéyak, kólpáxamha ekyennaqte kólessawasha! Hakte apkelpeykessásekxeyk makham apkelwáxok Wesse' egegkok ma'a énxet'ák apagkok, apkelásekhákxók makham ma'a apkellegeykegkoho nak ekyentaxno apkelwáxok.

Isaías 49:6

“Mopwanchek xép etnehek séláneykha wánxa apkelánekxésso apheykha m'a Jacob énxet'ák apagkok tén han yaqwayam enaqlanták makham ma'a énxet'ák Israel apkeleymomap nak meletsapma; atnéssesek sa' nahan ko'o exchep élseyéxma apagkok ma'a apyókxoho pók aptémakxa énxet'ák, yaqwayam sa' eswok nélwagkásamáxche teyp ahagkok ma'a makhawók agko' nak keso náxop.”

Isaías 51:14

Kaxwók sa' kólántekkesek ma'a énxet'ák apkelmomap nak; meletsepek sa' ma'a kañe' kélxátamakxa nak, yetneyk sa' nahan katnehek ma'a aptéyak.

Isaías 52:10

Apxekmóssek apmopwána Wesse' egegkok nápaqta'awók ma'a apyókxoho pók aptémakxa énxet'ák. Kólya'asagkohok sa' ekyókxoho keso náxop sẽlwagkasa teyp ma'a Dios egagkok.

Isaías 52:11

¡Kólántép kaxwók Babilonia, kólántép, nágkólpaknegwomho kaxwók xama aqsok ekmanyása, kólántép kaxwók Babilonia! ¡Kólmópesaxkoho kaxwo' kélseykha nak chá'a m'a aqsok kélmeykegkaxa apagkok nak ma'a Wesse' egegkok!

Isaías 52:9

¡Kólwehesha ekyennaqte agko' kólátsaha, kélheykha nak Jerusalén tegma apwányam kéltawáseykha nak, hakte apkelásekhákxók Wesse' egegkok ma'a énxet'ák apagkok, apwagkassek teyp ma'a Jerusalén!

Isaías 62:11

Aplegássek Wesse' egegkok ekweykmoho néxa xapop se'e amya'a nak: “Kóltennés énxet'ák apheykha nak tegma apwányam Sión apwa'a kaxwók apkelwagkasso teyp. Apnaqlánteyk Wesse' egegkok énxet'ák apagkok natámen apkelwagkasso teyp.”

Isaías 63:9

ekyókxoho apkellegeykegkoho ekyentaxnamo apkelwáxok ma'a. Háwe apkelwagkasso teyp xama m'a apkelápháseykha nak xép; Wesse' egegkok apagko' axta. Axta apkelwagkasso teyp ma'a eñama apkelásekhayo tén han apkelmopyóseka apkelányo, apkelchampásekxeyk axta néten keñe apkelqeynákxo. Cháxa apteméssessamakxa chá'a yókxoho ekhem xa ektáha nak.

Jeremías 31:10

“Énxet'ák, kélheykha nak ekyókxoho apkelókxa, kóleyxho Wesse' egegkok appeywa, kólteme sa' nahan kóllegaksek apheykha nak makhawók agko' neyáwa wátsam ekwányam se'e: ‘Apkexpánchessegkek axta Wesse' egegkok ma'a énxet'ák Israel, yánchásekxak sa' eyke makham, keñe sa' elanha, etnehek ma'a aptémól'a keláneykha nepkések elanha m'a apnaqtósso nepkések.’

Jeremías 31:11

Hakte apkelmeykekxeyk Wesse' egegkok ma'a Jacob énxet'ák apagkok, apkexakkáseykekxeyk ma'a énxet'ák apkelyennaqte apagko' axta.

Jeremías 31:21

“Énxet'ák Israel, kólqahasák sa' ámay yaqwayam sa' kólwetekxak chá'a ekmanyehe agko'; kóltaqmelchesho sa' kéllányo m'a ámay kélyetlamakxa axta. ¡Énxet'ák Israel, kólchexyem kólmeyenta makham ma'a tegma apkelyawe kélagkok axta!

Jeremías 50:2

“Kóllegés sa' se'e, kólya'assásegwom sa' nepyeseksa apyókxoho énxet'ák. Kóllegés sa' yaqwayam kólya'asagkoho'; nágkólpós xama enxoho. Kólteme sa' se'e: ‘¡Apteyekmek Babilonia! ¡Aqsok eyesmésamaxche tamhákxak ma'a dios Bel, megkay'ásegkok ektáhakxa élmenaye m'a dios Marduc! ¡Aqsok élasmésamaxche tamhákxak ma'a aqsok kéleykmássesso apagkok, tén han ma'a aqsok apkeláyókxa élmowancha'a amya'a nak, kelmenakawók agko'!’

Jeremías 50:28

(Apkelwákxeyk Sión ma'a énxet'ák apkelxegányam nak apkeleñama Babilonia, apkeltenneyncha'a ektáhakxa apyaqmagkáseykekxa Dios Wesse' egagkok apkeltémakxa m'a énxet'ák Babilonia, eñama apteméssessamakxa axta m'a tegma appagkanamap nak.)

Jeremías 50:8

“¡Kólántép Babilonia, caldeos apchókxa nak! ¡Kólántép, aptémól'a apnaqleykha nepkések exog apmonye' apnaqtósso!

Jeremías 51:45

Énxet'ák ahagkok, kólántép xa, ¡kólwagkasaxche teyp kólenyahagkok, amonye' seklómo ahagko'!

Jeremías 51:48

Kapayhekxak sa' awáxok apteyekmo sa' Babilonia m'a néten, tén han xapop, tén han ma'a ekyókxoho aqsok élánteyapma nak, apkelxegakmo sa' apkeleñama nexcheyha m'a apmassésseyam nak. Ko'o sekxeyenma xa, sektáha nak Wesse'.

Jeremías 51:6

“¡Kólántép Babilonia! ¡Kólwagkasaxche teyp kélewagko enxoho! ¡Nágkóltamho kóletsapok eñama apkeláneyak melya'assáxma m'a énxet'ák Babilonia! Wokmek kaxwók sekyaqmagkáseykekxexa mók apkeltémakxa, axnéshok sa' mók ma'a ektémakxa nak chá'a aqsok apkeláneyak.

Zacarías 10:8

“Alwónmakha sa' ko'o m'a, keñe sa' wánchásekxa', hakte élwagkassek teyp. Exámekxohok apagko' sa' makham, ektéma axta m'a nanók axta.

Zacarías 2:10

Aptáhak axta Wesse' egegkok se'e: “¡Kólmeneykmés yetlo ekpayheykekxa kélwáxok, kélheykha nak Jerusalén, hakte ekwa'akteyk ko'o yaqwayam axek kélnepyeseksa kéxegke!”

Deuteronomio 30:4

makhawók sa' eykhe katnehek kélya'assamakxa kéxegke kélexpáncháseykha m'a yókxexma makhawók agko' nak keso náxop, sa' kóleñék yának kólchexyók makham Dios Wesse' kélagkok ma'a, sa' emhagkok elchetmok ma'a.