Isaías 48:19 - Biblia Enxet19 apxámok axta nahan etnehek ma'a aptawán'ák neptámen, exhok axta apxámokma m'a ekweykenxal'a ekxámokma yagkamex ma'a neyáwa wátsam ekwányam; mamasséssemek axta nahan ko'o, matekkesek axta nahan ma'a sekhakxa nak.” အခန်းကိုကြည့်ပါ။ |
almésagkok sa' ko'o aqsok éltaqmalma agko' megkaxnawo nak ma'a kélketchek apkelennay'a nak tén han ma'a kelwán'ák nak; almések sa' ko'o yaqwayam kaxnagkok apkelwesey kélnaqtáxéséyak meyke néxa m'a kañe' tegma appagkanamap ahagkok nak, cham'a kañe' nak meteymog kélhaxta nepyáwa exagkok; almések sa' meyke néxa apkelwesey, yaqwayam sa' megkamassésaxcheyk xama enxoho.
Xama ekhem sa' exnágwakxohok makham apxámokma israelitas ma'a ektémakxa nak ekxámokma yagkamex ma'a neyáwa nak wátsam ekwányam, méko sa' kawának kay'asagkohok apwánxa, tén han kalyetsetek. Megkatnehek sa' kólának kaxwók se'e: “Háwe kéxegke kaxwók énxet'ák ahagkok.” Sa' etnehek elának Dios se'e: “Kéxegke kélteme apketchek ma'a Dios memassegwayam nak.”
Kélwetágkok nahan sekmákxo ko'o m'a Rut yaqwayam atnehek etáwa', kelán'a tampe' eñama axta Moab, yaqwayam enxoho keytek aqsa makham apwesey ektáha apagkok xapop ma'a Mahlón, cham'a atáwa' apketsapma axta. Keñe sa' megkamassésaxcheyk apwesey ektáha apagkok Mahlón nepyeseksa m'a apteme apnámakkok, megkalwagqamaxcheyk sa' nahan se'e apchókxa nak. Kéxegke kélteme kélweteykegkoho s'e sakhem nak.