Isaías 48:17 - Biblia Enxet

¹⁷ Aptáhak Wesse' egegkok se'e, apwagkasso nak chá'a teyp, Dios aptaqmalma nak ma'a Israel: “Ko'o sekteme Dios Wesse' apagkok; élxekmóssegkek axta ko'o exchep aqsok yaqwayam nak kapasmok, ekxekmóssegkek axta m'a ámay eyeyméxchexa nak étlók.

Isaías 48:17 ပူးပေါင်းရင်းမြစ်များ

Génesis 24:48

Éltekxekkek axta ko'o etapnák, élpeykásawók axta Wesse' egegkok; Dios apagkok nak ma'a wesse' ahagkok Abraham, eñama sepeykessamo ekpayhókxa nak amyógma', yaqwayam ataksek aptáwa' m'a wesse' ahagkok apketche, ektáha nak apnámakkok ma'a.

1 Reyes 8:36

yeyxho sa' xeyep ma'a aphakxa nak néten, ná eyaqmagkásekxa apkeltémakxa melya'assáxma m'a apkeláneykha, énxet'ák apagkok nak Israel, elxekmós ma'a ámay ektaqmalma eyeyméxko nak elyetlók. Yáphés sa' ekmámeye s'e xapop nak, apmeyáseykekxa axta m'a énxet'ák apagkok.

Job 36:22

Elano ektémakxa nak ekyawe apmopwána Dios. Méko xama enxoho sẽlxekmósso aghésho';

Salmos 25:12

Énxet apcháyo nak chá'a Wesse' egegkok, exekmósek chá'a ámay eyeyméxko nak chá'a étlók;

Salmos 32:8

Aptáhak Wesse' egegkok se'e: “Éláneykha chá'a ko'o exchep. Alxekmósek sa', apaqhetchesha sa', axekmósek sa' ámay eyeyméxko nak étlók.

Salmos 71:17

Dios ahagkok, xép axta sélxekmósso eyeynamo m'a sektémakxa axta étkok, makhemek eyke makham ko'o sekxeyenma m'a aqsok élyawe apkelane nak.

Salmos 73:24

epékessáseykegkek axta eyke chá'a sepaqhetchessama, hemok sa' eyke takha', yetlo ektaqmalma sélteméssesakxa'.

Isaías 2:3

énxet apxámokma apagko' sa' elwa', sa' etnehek apkelpeywa s'e: “Kólchempoho, ólchántek Wesse' egegkok egkexe apagkok, tegma appagkanamap apagkok nak ma'a Jacob Dios apagkok, yaqwayam sa' hẽlxekmósek ma'a ámay apagkok, keñe sa' agkegwának ólyetlók ma'a apkeltamhókxa enxoho chá'a ólyetlók.” Hakte Sión sa' katyapok ma'a nélxekmowásamáxche apagkok nak Wesse' egegkok, Jerusalén sa' kañék ma'a appeywa nak.

Isaías 28:9

Etnehek chá'a ko'o hexének se'e: “¡Apxegeykmek yaqwayam hẽlxekmósek negko'o xa, tén han hẽltámesagkok ma'a aqsok apxekmósso nak chá'a Dios! ¡Máxa sakcha'a apketcheyetsék la'a enteméssessók negko'o,

Isaías 30:20

Egkések sa' eykhe kéxegke Wesse' egegkok kéllegeykegkoho tén han ekyentaxnamo kélheykha, akke apteme apkelxekmósso m'a, méxánegkesek sa' chá'a kaxwo'; kélaqta'ák kélagko' sa' chá'a kólweta'.

Isaías 30:21

Kélyetnakhágwokmek sa' agkok chá'a kélxega, kóllegak sa' chá'a xama kélpeywa kélnentámen katnehek se'e: “Payhók ámay se'e, kólmeyenta s'e.”

Isaías 41:14

Aptáhak Wesse' egegkok se'e: “Énxet'ák Israel, kélketcheyetsék eykhe kéxegke, nágkóle'; Jacob énxet'ák apagkok, kélyelqáxkók eykhe kéxegke, apasmok sa'. Ko'o sekteme sélmallanchesso chá'a ekyentaxno kélheykha, ko'o sektáha nak Dios sektaqmalma m'a Israel.

Isaías 43:14

Aptáhak Wesse' egegkok se'e, cham'a Dios Aptaqmalma nak Israel, apkelwagkasso axta teyp: “Aláphaksek sa' ko'o énxet'ák ma'a Babilonia yaqwayam alwagkasek teyp kéxegke, wának sa' elmeykesagkok ekyókxoho atña'ák, apkellegeykegkoho ekmáske sa' katnekxak élpayheykekxa nak chá'a apkelwáxok ma'a caldeos.

Isaías 43:16

Apmeykessek axta xama ámay Wesse' egegkok ma'a neyseksa wátsam ekwányam, xama ámay neyseksa m'a yegmen ekyennaqte nak élyaqyahayam;

Isaías 45:11

Aptáhak Wesse' egegkok se'e, cham'a Dios Aptaqmalma nak Israel, ektáha axta apkelane: “¿Hélmaxneyha enxoho sa' eykel'a ko'o kéxegke sekteméssessamakxa m'a étchek nak ko'o? ¿Hélxekmósagkoya sa' kéltamhókxa enxoho chá'a atnehek sélane aqsok?

Isaías 48:20

Kólántép Babilonia, kólxegánem nepyeseksa m'a énxet'ák caldeos. Kóllegés yetlo kélpáxameykha kélátseykha s'e amya'a nak, kólya'assásegwók ekweykmoho m'a néxa xapop nak. Kólteme kólpaqmétek se'e: “¡Apwagkassek teyp Wesse' egegkok ma'a Jacob cham'a apkeláneykha nak!”

Isaías 49:26

Wának sa' ko'o etawagkokxak aphápetek apancha'awók ma'a apsawhéssamo axta aqsok kélagkok, wának sa' kalnápekxak ma'a éma apagkok apagko' nak ektémól'a énagkok ma'a vino. Keñe sa' elya'asagkohok apyókxoho énxet ektáha ko'o sekwagkasso teyp, ko'o sektáha nak Wesse'; elya'asagkohok sa' sektáha sekmallahanchesso aqsok ekyentaxno, ko'o sektáha nak Jacob Wesse' apagkok ekha sekyennaqte.”

Isaías 49:7

Aptáhak Wesse' egegkok apcháneya énxet kélwanyémo kélagko' axta chá'a s'e, cham'a Dios Aptaqmalma nak Israel, segwagkassamo nak teyp, aptaqnagkamo apagko' axta chá'a m'a pók énxet'ák nak, aptéma axta chá'a apchásenneykha naqsa m'a kelwesse'e apkello nak: “Apwet'ak sa' agkok chá'a exchep ma'a kelwesse'e apkelwányam nak tén han ma'a pók kelwesse'e nak, elchempekxak sa' chá'a néten eltekxeyagkok aptapnák xóp apmonye' exchep hakte ko'o axta sélyéseykha exchep sektáha nak Wesse' Dios Sektaqmalma m'a Israel, alánhok chá'a ko'o m'a sekxeyenma nak alána'.”

Isaías 54:13

Alxekmósek sa' ko'o apyókxoho m'a énxet'ák apagkok; awanhók agko' sa' katnehek ektaqmalma apheykha m'a apyókxoho nak.

Isaías 54:5

hakte sa' emok etnehek aptáwa' m'a ektáha axta apkelane. Wesse' ekha apyennaqte apwesey m'a; cha'a apwagkasso teyp xeye' m'a Dios Aptaqmalma nak Israel, apteme nak Dios ekyókxoho keso náxop.

Isaías 54:8

Yaqwatakxoho seklo axta ko'o ektemék sekxeganegkessama exche', megkamassegwayam seyásekhayo eyke keñamak eyósegwokmo makham sélano exche'.” Axta aptáhak ma'a Wesse' agkok, ektáha axta apwagkasso teyp.

Jeremías 6:16

Aptáhak Wesse' egegkok apkeláneya énxet'ák apagkok se'e: “Kólchaqnágwom hana ámay, kóllano sa', kóltegyaha sa' amya'a m'a nanók ámay axta, háxko ekyetnamakxa m'a ámay ektaqmalma nak; kólyetlakxa sa' ma'a, keñe sa' kólwetekxak kéllókasso kélyampe.” “Axta eyke aptáhak apkelpaqmeta s'e: Ma', magmakók negko'o ólyetlakxak ma'a.”

Miqueas 4:2

énxet apxámokma apagko' sa' elwa', sa' etnehek apkelpeywa s'e: “Kólchempoho, ólchántek Wesse' egegkok egkexe apagkok, tegma appagkanamap apagkok nak ma'a Jacob Dios apagkok, yaqwayam sa' hẽlxekmósek ma'a ámay apagkok, keñe sa' agkegwának ólyetlók ma'a apkeltamhókxa enxoho chá'a ólyetlók.” Hakte Sión sa' katyapok ma'a nélxekmowásamáxche apagkok nak Wesse' egegkok, Jerusalén sa' kañék ma'a appeywa nak.

Josué 3:4

Sa' kólya'ásegwomhok yaqwánxa kólmahagkok ma'a, hakte méko makham apmahéyak kélxama kéxegke m'a ámay nak. Nágkólyepetchegwomho aqsa xa yántéseksek nak, makhawók sa' aqsa chá'a kólxog natámen xa, ekhawo nak ma'a xama kilómetro eyátépexa'.”