Isaías 48:12 - Biblia Enxet

¹² “Israel, yeyxho sekpeywa, Jacob, sekwóneykha axta: Ko'o sekteme wánxa xama Dios, ko'o sekteme eyeynókxa tén han ektemegwánxa néxa.

Isaías 48:12 ပူးပေါင်းရင်းမြစ်များ

Proverbios 7:24

Hatte, yeyxho kaxwók sekpeywa; etaqmelchesho sa' apháxenmo yaqwánxa atnehek sekpeywa.

Proverbios 8:32

“Étchek, kóleyxho kaxwo' sekpeywa; kólyetlow sektémakxa nak keñe sa' kalpayhekxak chá'a kélwáxok.

Isaías 34:1

Énxet'ák, kólyepetchegwatámho yaqwayam kóleyxho'; kóltaqmelchesho sa' kélháxenmo kélheykha nak ekyókxoho keso náxop. Xapop, keyxho tén han ekyókxoho aqsok ekhéyak nak ma'a awáxok, tén han nélwanmégkaxa ekyókxoho m'a aqsok élántekkesso nak.

Isaías 40:26

Kólsekhekxoho néten, kóllano: ¿Yaqsa axta élane xa ekyókxoho nak? Cham'a apkexpánchesso axta chá'a xama xama m'a yaw'a tén han apnegkenchesso axta chá'a apkelwesey m'a apyókxoho nak. Awanhók agko' ma'a apmopwána tén han apyennaqte, méko xama enxoho apkeymomap.

Isaías 41:4

¿Yaqsa axta élane xa aqsok nak? ¿Yaqsa axta éltémo chá'a katnehek ekyókxoho aqsok ektéma axta chá'a m'a sekxók eyeynamókxa axta keso nélwanmégkaxa? Ko'o sekwánxa ahagkok sekteme exakko' Wesse' Dios, eyeynókxa tén han ektemegwánxa néxa.

Isaías 43:10

Aptáhak Wesse' egegkok se'e: “Kéxegke kélteme kélweteykegkoho chá'a aqsok sélane, kéltáha nak séláneykha, sélyéseykha axta yaqwayam hélyekpelkohok chá'a tén han héláwho', tén han hélya'asagkohok chá'a yaqsa ko'o. Méko axta xama aqsok kéláyókxa maweykxa axta ko'o, méko sa' nahan katnehek xama enxoho m'a netámen sa'.

Isaías 43:11

Ko'o aqsa exakkók sekteme Wesse'; méko pók apmopwána enxoho elwagkasek teyp énxet.”

Isaías 44:1

“Yeyxho sa' kaxwók sekpeywa, Israel, séláneykha Jacob ektáha axta sélyéseykha.

Isaías 44:6

Aptáhak Wesse' egegkok se'e, Wesse' apwányam apwagkasso nak teyp ma'a Israel, Wesse' ekha nak Apyennaqte: “Ko'o sekteme eyeynókxa tén han ektemegwánxa néxa; méko pók kéláyókxa, ko'o sekwánxa ahagkok.

Isaías 46:3

“Jacob aptawán'ák neptámen, kóleyxho sekpeywa, kélyókxoho kéleymomáxche nak Israel énxet'ák apagkok: Élpatmeykha axta ko'o kéxegke kélheykegkaxa axta kélchána awáxok; élqeyneykha axta,

Isaías 46:4

atnéssesek sa' nahan chá'a ekwokmoho kéltáha kélwányamo' xa ektáha nak; kamópak sa' eyke kélpátek, apasmok sa' eyke aqsa chá'a. Éláneyak axta ko'o kéxegke, malwátéssemek sa' sélqeyneykha; apasmok sa', alwagkasek sa' teyp.

Isaías 49:1

Kóleyxho sekpeywa, kéxegke, kélheykha nak apkelókxa neyáwa wátsam ekwányam, kóltaqmelchesho kélháxenmo sekpeywa, kélheykha nak makhawók agko': Ewóneykha axta ko'o Wesse' egegkok matyeykemxa axta makham keso náxop; apxeyenmeyk axta sekwesey m'a sekyetnamakxa axta makham kañe' méme awáxok.

Isaías 51:1

Kóleyxho sekpeywa, kélyókxoho kélmámenyého nak chá'a kóltéhek ekpéwomo kéltémakxa tén han sélchetamso nak chá'a ko'o —axta aptáhak Wesse' egegkok. Kóllano meteymog kélyaqténneykegkaxa axta chá'a kéxegke, ekheykegkaxa nak meteymog kélweykekxexa axta chá'a;

Isaías 51:4

“Énxet'ák ahagkok, kóltaqmelchesho kélháxenmo sekpeywa, kóleyxho sekpeywa kélyókxoho kélheykha nak chá'a ekyókxoho apheykegkaxa énxet'ák: alya'assásegwók sa' ko'o kaxwók nélxekmowasamáxche ahagkok tén han segánamakxa ahagkok, kalsássesek sa' exma m'a énxet'ák.

Isaías 51:7

“Kóleyxho sekpeywa, kéxegke kélya'áseykegkoho nak aqsok ekpéwomo, kélpekkenma nak chá'a kélwáxok ma'a nélxekmowásamáxche ahagkok. Nágkóle apkelxéneykha ekmaso nak chá'a m'a énxet'ák, nágkólho kalyélaqtések ma'a apkelya'ásseyam ekmaso nak,

Isaías 55:3

Hélyo'óta ko'o, kóleyxwatámho sekpeywa, kóleyxho sektáhakxa keñe sa' megkóletsepek chá'a. Alának sa' ko'o ekhémo mók sélpaqhetchásamáxkoho kéxegke meyke néxa, yaqwayam sa' alának ma'a séltennassama axta alának ma'a David eñama seyásekhayo.

Deuteronomio 32:39

Ko'o sekwánxa ahagkok xama Dios; méko mók aqsok kéláyókxa, Ko'o sekmésso chá'a ekyennaqte apnények énxet, tén han apketsapma chá'a; ko'o nahan sekyensasso chá'a, tén han sektaqmelchessesseyam chá'a. ¡Méko xama énxet hégketek ko'o!