Isaías 48:11 - Biblia Enxet

¹¹ Seyásekhamaxchekxoho agko' axta keñamak sekteméssessama xa ektáha nak, hakte megkólwanchek kóltawasha m'a sekwesey. Magwohok sa' ko'o kólmések xama enxoho seyeymáxkoho m'a mók aqsok.

Isaías 48:11 ပူးပေါင်းရင်းမြစ်များ

Salmos 106:8

Apkelwagkassegkek axta eyke teyp ma'a Dios, apxekmóssegkek axta apmopwána eñama apmasma m'a apwesey.

Salmos 115:1

Wesse', ná hentemésses negko'o néleymáxkoho, xép akke payhawók kólteméssesek apcheymákpoho, ¡eñama segásekhayo tén han apteme ekmámnaqsoho mehegyenyaweykha!

Salmos 25:11

Wesse', awanhek ko'o may'assáxma, eyke heyásekhekxoho sa', elána sa' eñama apmasma apwesey.

Salmos 25:7

nágkaxén apwáxok ma'a sektémakxa may'assáxma, tén han ma'a aqsok ekmaso sélane sektémakxa axta wokma'ák. Wesse', kaxén apwáxok ko'o, eñama m'a segásekhayo ekyawe nak, tén han ma'a ektaqmeleykha nak apwáxok henlano'.

Isaías 37:35

Amyók sa' ko'o s'e tegma apwányam nak, awagkasek sa' nahan teyp, eñama seyásekhayo m'a séláneykha David tén han seyásekhamaxchekxoho ahagko' ko'óxa.’”

Isaías 42:8

Ko'o sekteme Wesse', cháxa sekwesey ko'o xa, magwohók sa' ko'o kólmések seyeymáxkoho xama enxoho m'a mók aqsok nak tén han kóltéhek kéláyo m'a aqsok kéleykmássesso, ko'o eyke aqsa payhawók chá'a hélpeykesho'.

Isaías 43:25

“Ekmasséssek eyke aqsa ko'o m'a aqsok ekmaso nak apkelane eñama sekteme Dios apagkok, megkaxénwakxók sa' chá'a ewáxok ma'a mey'assáxma nak.

Isaías 48:5

la'a seklegassama axta m'a nanók axta, éltennassegkek axta amonye' yaqwayam katnehek. Keñe mopwanchek etnehek exének se'e: ‘Aqsok seyáyókxa élane xa, cha'a élane m'a kéleykmássesso sélane axta.’

Isaías 48:9

“Axta eyke apekhésamaxchek alwok eñama seyásekhayo sekwesey, seyeymáxkoho axta keñamak sekmágweykekxo yaqweykenxa atnehek, tén axta mamassésseykmo.

Isaías 52:5

Keñe kaxwo', ¿Yaqsa sekwet'a? Meykexho aqsok ekmaso apkelánéyak kélnaqlákxak énxet'ák ahagkok ma'a Babilonia. Apkeleykpók apkelpaqméteyncha'a ekyennaqte m'a ektáha nak apkelma, megkeytyapweykmok selókáséyak.

Jeremías 14:7

Wesse', ẽlsexnenagkamchek eykhe negko'o m'a mólya'assáxma nak, eyke elána sa' aqsa aqsok, eñama apkelmeyeykha m'a apwesey! Xámokmeyk negko'o negyenseyam negyetleykha exchep, nenláneykegkek mólya'assáxma nenmexeykekxo.

Ezequiel 20:14

Sekmasma sekwesey axta eyke keñamak malana xa, yaqwayam enxoho mehexénmakha ekmaso m'a énxet'ák apweteykegkoho axta ektáhakxa sélántekkesa m'a Egipto.

Ezequiel 20:22

ekmágweykxeyk axta eyke sekmako atnehek eñama sekmasma m'a sekwesey, yaqwayam enxoho mehexénmakha ekmaso m'a énxet'ák ektáha axta apkelweteykegkoho sektáhakxa sélántekkesa m'a Egipto.

Ezequiel 20:39

“Énxet'ák Israel, keso aptáhakxa exchek appeywa Wesse' egegkok se'e: ¡Kólpeykessekxoho heykxa m'a aqsok kéleykmássesso kélagkok! Keñe sa' natámen hélyahakxohok ko'o kéxegke, kamaskok sa' nahan kóltawasha sekwesey ekpagkanamaxche kóllanagkok chá'a s'e ektéma nak aqsok kélmésso naqsa kélagkok tén han kélpeykessamo chá'a m'a aqsok kéleykmássesso kélagkok.

Ezequiel 20:44

Énxet'ák Israel, ekteméssessek sa' agkok ko'o kéxegke xa ektáha nak, háwe eñama m'a kéltémakxa élmasagcha'a nak tén han ma'a ektémakxa nak aqsok ekmaso agko' kélláneyak, sekwesey sekmasma eyke keñamak ko'o sélana xa, keñe sa' kólya'ásegwók ko'o sektáha Wesse'. Ko'o sekxeyenma sektáha nak Wesse'.’”

Ezequiel 20:9

Éláneyak axta ko'o xa, eñama sekmasma m'a sekwesey, yaqwayam enxoho maxénaxchék ekmaso nápaqta'awók ma'a énxet'ák, cham'a kañe' apheykegkaxa nak, hakte ekxekmowásamáxkók axta ko'o nápaqta'awók xa énxet'ák nak, éltennassegkek axta nahan alántekkesek ma'a Egipto.

Ezequiel 36:22

“Etne sa' elának énxet'ák Israel se'e: Keso aptáhakxa nak appeywa Wesse' egegkok se'e: Israelitas, háwe eñama kéxegke kéltémakxa aqsok sekmako nak ko'o alána', eyke m'a sekwesey ekpagkanamaxche, kéltawáseykencha'a nak chá'a kéxegke nepyeseksa m'a pók aptémakxa énxet'ák, kélmeheykegkaxa nak chá'a.

Daniel 9:17

Dios egagkok, yeyxho sélmaxnagko, tén han sekwóneykha, ko'o sektáha nak xép apkeláneykha; Wesse' egegkok, elano yetlo apchásekhayo ektémakxa nak ekmaso agko' ma'a tegma appagkanamap apagkok, eñama apchásekhayo apwesey.

1 Samuel 12:22

Mekxáyhek sa' chá'a m'a Wesse' egegkok, eñama apkelmeyeykha apwesey; hakte apmenyeyk kéxegke etnehek énxet'ák apagkok.