Isaías 47:9 - Biblia Enxet

⁹ Katlakkasek sa' eyke káhapwak xama ekhem agko' xeye' xa aqsok nak: Tampe' sa' katnehek, tén han meyke étchek, megkeyxek sa' ekxámokma m'a ekmowána, tén han ektémakxa nak ekxámokma agko' ma'a ekmowána katekkesek aqsok.

Isaías 47:9 ပူးပေါင်းရင်းမြစ်များ

Salmos 73:19

¡Ekmanyehe sa' kólmasséssók! ¡Apkelaye sa' kasáwa'!

Isaías 13:16

Nápaqta'awók sa' chá'a kólyenhaksek xapop ma'a apketchek apketcheyetse nak; kólmenyexchesek sa' aqsok ma'a apxanák, kólnaqtawássesagkohok sa' ma'a apnaqteyegka'a.

Isaías 21:9

Ekwet'ak ko'o ekxegakmo xama yátnáxeg apyenyawasso apqánet yátnáxeg kélnaqtehetchesso.” Tén axta aptáha xama énxet se'e: “¡Apteyekmek, Babilonia, apteyekme'! Nekha'a étkók kéltemessásekxak kélyaqnegkessásegko náxop ma'a ekyókxoho kéleykmássesso apagkok apcháyókxa nak chá'a.”

Isaías 47:11

Káhapwak sa' eyke exche' m'a eklegeykegkoho ekmaso, yawanchek sa' kaleyxchesek ma'a ekmowána nak; kaweywenták sa' takháxet xeye' aqsok ekmaso megkamowána nak kamagkok; cham'a xama aqsok ekmaso megkaxeyenma nak awáxok katlakkasek aqsa káhapwak xeye'.

Jeremías 15:9

Élyennákxoho axta chá'a keletsapak ma'a kelán'ák apxámokma nak étchek, kelántaxneykxeyk axta chá'a élennama; ekyáqtéssóxma axta chá'a tamhákxak élányo m'a ekhem, kelmegqakkek axta, keleyósek axta awáxok. Kéleyméxcheyk sa' agkok chá'a kélnápakha megkóletsapma, wának sa' chá'a elnápok ma'a kélenmexma nak. Ekméssek ko'o sekpeywa, sektáha nak Wesse' apagkok.”

Jeremías 51:29

Yawheyha xapop, pexyennegkek nahan, hakte apkelanak Wesse' egegkok ma'a ekxeyenma axta apwáxok elána', apmáheyo etnéssásekxak Babilonia meyke xama aqsok ekmaso agko'.

Daniel 2:2

Tén axta apkeltamho kólnaqlósawakxések ma'a apkelyohóxma, apkelya'áseykegkoho nak chá'a aqsok ekpowásamaxche', énxet ekha apmopwancha'a, yaqwayam enxoho elpékessásekxak xa ektémakxa nak apwanmagko. Apkelxegkek axta xa énxet'ák nak apchaqnágweykxo m'a nápaqtók wesse' apwányam,

Daniel 4:7

Apkelwa'ak axta m'a apyókxoho apkelyohóxma nak Babilonia, tén han apkelya'áseykegkoho nak chá'a aqsok ekpowásamáxche, ekha nak apkelmopwancha'a, tén han apwetayo nak chá'a aqsok yaqwánxa katnehek, éltennássek axta ko'o m'a sekwanmagko, axta eyke héltennásak ektémakxa, hakte axta elya'ásegkok.

Daniel 5:30

Cháxa axta'a nak, apmatñakxa axta m'a Belsasar, wesse' apwányam apagkok axta m'a caldeos,

Daniel 5:7

Tén axta apyennaqtésa appeywa apkelwónencha'a m'a apkelya'áseykegkoho nak chá'a aqsok ekpowásamáxche', tén han énxet ekha apmopwancha'a, tén han apwetayo nak chá'a aqsok yaqwánxa katnehek, apheykha nak Babilonia, aptáhak axta apkeláneya s'e: —Énxet ektáha enxoho apkelyetsete xa kéltáxésso nak, keñe han séltennasso enxoho ko'o ektémakxa ekpeywa, kóltaxneyásekxak sa' apáwa apmomnáwa hómáyok, kólnatmeyásekxak sa' han cadena sawo ekyátekto ekmomnáwa, exek sa' chá'a m'a ketók sekhamakxa nak ko'o, sektémakxa nak wesse' apwányam.

Nahúm 3:4

Nínive keñamak ektáha ekyókxoho xa, ekteme nak kelán'a ekyaqmagkáseyak pók énxet ektegye selyaqye, ektaqmalma, ekmámenyého egwáxok anlano', sẽlxekmósso nak nenteme yohóxma, élyexancháseykha nak chá'a énxet'ák tén han pók aptémakxa énxet'ák élane m'a nentémakxa mansexta, tén han ekha ekmowána.

Rut 1:20

Tén axta Noemí ektáha élátegmowágkokxo s'e: —Náhelteme ko'o kaxwók Noemí, hélteme kaxwók Mará, hakte egkéssegkek ko'o ekwányam agko' seklegeykegkoho ekmáske m'a Dios ekha nak apyennaqte.

Rut 1:5

apkeletsapa nahan xa étchek nak, cham'a Mahlón tén han ma'a Quilión, tén axta ektéma meyke agko' ekyepetchegwánxa m'a Noemí, méko axta aptemék ma'a étchek, tén han atáwa'.