Isaías 47:6 - Biblia Enxet

⁶ Ekméssegkek axta ko'o yaqwayam elmegqék énxet'ák ahagkok ahagko' ma'a séltaqnaweykegko axta énxet'ák ahagkok, tén axta séltémo kalmok xeye'. Axta kalmopyósak élányo exche' m'a, kelhayak axta aqsok ekyentaxno agko' ma'a apkelwányamo nak.

Isaías 47:6 ပူးပေါင်းရင်းမြစ်များ

2 Samuel 24:14

Keñe axta David aptáha apcháneya m'a Gad: —Asagkók agko' ko'o setnahakxa'. Wesse' egegkok akke tásek negko'o hẽllegássesagkoho', hakte awanhek ektémakxa apmopyósa henlanok ma'a, kaxnók hẽllegássesagkohok ma'a énxetók xamo' nak.

2 Crónicas 10:11

yentexek axta apteméssessamakxa m'a táta, ko'o sa' eyke ayánchessamhok ekyentaxno sekteméssesakxa'; táma axta apkelyekpexcheteykegkok chá'a m'a, keñe sa' ko'o alyekpexchetagkok ma'a kelyekpexchetma hópenyámet naw'ék.’

2 Crónicas 28:9

Aphegkek axta han xama Wesse' egegkok appeywa aplegasso m'a, apwesey axta Obed, apkelanyexeykmo axta sẽlpextétamo apmáheyo elántexek ma'a Samaria. Aptáhak axta apkeláneya s'e: —Apkeltaqnaweygkek énxet'ák Judá m'a Wesse' egegkok, Dios apagkok axta m'a kélyapmeyk nano' nak kéxegke, cháxa keñamak apkelmésa nak kéxegke yaqwayam kólmok. Kélnapchek eyke kéxegke yetlo kélnaqtawáseykegkoho, wákxók apkelwehéseykha m'a néten.

2 Crónicas 36:17

Tén axta Wesse' egegkok apkeltamho ektamagkok ma'a wesse' apwányam apagkok nak caldeos apkelnapchek axta apketkók ma'a kañe' tegma appagkanamap nak, axta elepyósak apkelano m'a wokma'ák tén han kelán'a étkók, keñe han ma'a apkelwányam, tén han ma'a meyke aptapnák nak. Apméssek axta Wesse' egegkok yaqwayam elmok ma'a apyókxoho nak.

2 Crónicas 36:20

Tén axta kélnaqlákxo Babilonia m'a metekyawa axta, aptemegweykenxa axta apkelásenneykha naqsa m'a wesse' apwányam, tén han apkelásenneykha naqsa m'a apketchek, ekwokmoho ekxatakha'a m'a Persia,

Esdras 5:12

Apkelxénchek axta han aplókassama Dios apha nak néten nanók axta m'a apyapmeyk nano', apméssama yaqwayam elmok ma'a Nabucodonosor, wesse' apwányam axta m'a Babilonia, apteme axta Caldeos, apteme axta han apmassésseyam xa tegma appagkanamap, keñe han apnaqleykekxa axta Babilonia.

Salmos 69:26

hakte apkelenmexeykha chá'a m'a apkellegassáseykegkoho nak xép apkelwáxok, apkelasméssegkek han chá'a apkelweteya m'a apkellegeykegkoho nak ekmáske, apkelyensáséyak nak xép.

Isaías 10:6

Eyáphássek ko'o ektamagkok ma'a apheykegkaxa nak énxet'ák megyáyo nak Dios, xama apheykegkaxa selókassamo nak chá'a ko'o, yaqwayam sa' elmenyexchesagkok tén han elyementamagkok ma'a aqsok apagkok ekxámokma élmomnáwa nak, yaqwayam sa' elteyammaha etnéssesek ma'a ektémól'a ólteyammaha yelpa' m'a ámay.

Isaías 13:16

Nápaqta'awók sa' chá'a kólyenhaksek xapop ma'a apketchek apketcheyetse nak; kólmenyexchesek sa' aqsok ma'a apxanák, kólnaqtawássesagkohok sa' ma'a apnaqteyegka'a.

Isaías 14:17

aptemessáseykekxo nak meyke xama aqsok keso nélwanmégkaxa, apmassesseykmo nak ma'a tegma apkelyawe, mekxeykekxo axta m'a énxet'ák apkelmomap axta?’

Isaías 14:6

apkellegassáseykegkoho nak chá'a énxet'ák yetlo aplo apkeltekpageykencha'a nak chá'a meyke néxa, apkelteyammeykencha'a nak chá'a énxet'ák yetlo aplo, apmenxeneykencha'a nak chá'a meyke apkelmopyósa apkelányo.

Isaías 43:28

aptawáseykha axta tegma appagkanamap ahagkok ma'a kelwesse'e apagkok axta exchep; axta keñamak seyhayo ko'o kélmassésseykmo m'a Israel, cham'a Jacob, eyhayók axta kélxéneykencha'a ekmaso.

Jeremías 50:42

Yágke apkelmeykha tén han sawhéwa; Apkellamchek apagkók nahan ma'a, megkayóshek elanok aqsok, máxa wátsam ekwányam éxtegyawà m'a apkelwónchesso nak, yátnáxeg apkap'ák apkelxegakmok. Appenchásegkek aptamhágkaxa yaqwayam yempakhak ma'a Babilonia.

Lamentaciones 1:14

Apweteyak ko'o may'assáxma m'a Wesse' egegkok; etéteykekxeyk han ma'a, máxa yámet ekyentaxno temék sekpatmeykencha'a: ¡masséssegkek sekyennaqte! Egkéssegkek ko'o Wesse' egegkok ma'a énxet'ák mamowána nak alenmexekxa'.

Lamentaciones 1:21

Apkellegayak eykhe énxet'ák se'e ektémakxa nak sélekxagweykha, méko eyke xama enxoho yaqwayam epeykásekxak ewáxok. Apkelya'ásegkók ektémakxa ekmaso sekha m'a apyókxoho nak sélenmexma, kelpayheykekxók han apkelwáxok setnéssessama ko'o exchep xa. ¡Yána kawak heykxa m'a ekhem apxeyenma axta, keñe sa' kay'ammok han ma'a ektéma nak ko'o sey'áya!

Lamentaciones 2:2

Megyeykmok xama enxoho Wesse' egegkok ma'a tegma nak Jacob; apmasséssekmek axta aplawa m'a tegma apkelyennaqte aphéyak nak Judá aptaqmalma; apyaqnegkessek axta náxop ma'a apchókxa', apkelmegqássek axta apkelwesse'e agkok.

Lamentaciones 4:16

Apkexpánchessegkek Wesse' egegkok ma'a aphakxa nak, massegkek apkeláneykha. Massegkek kéláyo m'a apkelmaxnéssesso nak Dios énxet'ák apagkok, massegkek nahan apkelmopyósa kéllányo m'a apkelámha apmonye'e nak.

Lamentaciones 5:12

Kélnaqtehetchessegkek apmék kélmakheyáseykencha'a néten ma'a apkelámha apmonye'e egagkok, massegkek kéláyo m'a apkelwányam nak.

Ezequiel 24:21

‘Etne sa' elának énxet'ák Israel se'e: Keso aptáhakxa exchek appeywa Wesse' egegkok se'e: Atwasha sa' ko'o tegma appagkanamap ahagkok, cham'a kélmámenyého kélagko' nak chá'a kéxegke kóllano' tén han kélásekhayo kélagko' nak chá'a, tén han éleymáxkoho nak chá'a kélpaqméteykha kólxénmakha, tén han apmésso nak chá'a kélyennaqte; katekyók sa' ma'a kélketchek kélnegkeneykekxa axta m'a Jerusalén, cham'a apkelennay'a nak tén ma'a kelwán'ák nak.

Ezequiel 28:16

Ekxámokma aqsok apkexeykekxa axta keñamak ekyánchessesseykmoho m'a apyennaqteyáseykha apyempehek tén han mey'assáxma. Tén axta sektekkesa m'a sekhakxa nak; ektekkessek axta m'a néten egkexe ahagkok ko'o sektáha nak Dios, aptekkessek axta nahan apho nak énxet ekha apxempenák ektáha axta chá'a aptaqmelchesso m'a nepyeseksa nak yaw'a.

Abdías 1:10

“Emegqáwhok apagko' sa', kólmasséssók sa' nahan megkatnégwayam néxa, eñama aptawáseykegkoho m'a apyáxeg Jacob tén han apchaqhe.

Abdías 1:16

Askohok agko' axta kélya kéxegke sekyeta axta egheykok kélyeneykegko axta m'a egkexe ahagkok ekpagkanamaxche nak, sa' kaxhok han ekmáske sekyeta egheykok peya sa' énagkok énxet'ák ekwokmoho apyamásegko, emassegwók sa' apyókxoho.

Zacarías 1:12

Aptáhak axta Dios apchásenneykha s'e: “Wesse' ekha apyennaqte, wokmek kaxwók setenta apyeyam aptaqnagko m'a Jerusalén tén han ma'a tegma apkelyawe nak Judá. ¿Háxko sa' ekwánxa elásekhekxoho?”

Zacarías 1:15

Cháxa keñamak séltaqnaweygko ahagko' nak ko'o m'a pók aptémakxa nak chá'a énxet'ák, meyke nak élyetnakhayo apkelwáxok, hakte cham'a ekmasextexa axta ko'o seklo, apyáncheseykegkok axta aqsa apkellegassáseykegkoho m'a énxet'ák ahagkok.

Deuteronomio 28:50

énxet'ák éllo nak nápaqta'a, megkalepyósek sa' elanok ma'a énxet'ák apkelwányamo nak megkaleyósek sa' nahan elanok ma'a sakcha'álétkók nak.