Isaías 47:12 - Biblia Enxet

¹² Kalenxanmagkoho aqsa ektémakxa ekha ekmowána tén han ekxámokma ekmowána ekteme yohóxma eyeynamo axta élane m'a sekxók ektémakxa axta étkok, lapmaxcheyk sa' kapasmok, lapmaxcheyk sa' yeyk ma'a énxet'ák.

Isaías 47:12 ပူးပေါင်းရင်းမြစ်များ

Salmos 129:1

Kólteme sa' kólpaqmétek se'e Israel: Xámok axta ko'o sélyentaxnéssesso sekha eyeynmo m'a sektémakxa axta étkok,

Éxodo 7:11

Apkeltamhók axta nahan kólnaqlósawakxések faraón ma'a énxet'ák apagkok apkelya'áseyak axta chá'a aqsok tén han ma'a apmopwancha'a axta chá'a etekkesek aqsok. Apkelánegkek axta han ekhémo m'a aqsok apkelánéyak, eñama m'a apkeltámésamap aptegyéyak apmopwancha'a.

Éxodo 8:7

Keñe axta m'a énxet'ák apmopwancha'a axta nahan chá'a etekkesek aqsok eñama apkeltámésamap aptegyéyak apmopwancha'a, apkelánegkek axta nahan ekhémo m'a aqsok apkelánéyak, apkelántaxnéssek axta nahan paha' m'a kañe' Egipto.

Éxodo 9:11

Keñe m'a énxet'ák apmopwancha'a axta nahan chá'a etekkesek aqsok, mopwancha'ak axta apmako elanagkok nápaqtók ma'a Moisés, hakte hawók axta nahan ektáhakxa m'a apyókxoho nak egipcios, tamhágkek axta nahan tasqapma.

Isaías 19:3

Malya'ássesagkek sa' ko'o exma m'a, wának sa' kamassegwók ma'a aqsok apmáheyo nak elanagkok. Keñe sa' elpaqhetchesakpohok ma'a aqsok apkeláyókxa nak tén han ma'a apkelyohóxma, tén han ma'a énxet'ák apkeletsapma axta apkelhagák tén han ma'a apkelya'áseykegkoho nak chá'a aqsok ekpowásamáxche'.

Isaías 44:25

Magwohok ko'o katyapok aqsok apkelxeyenma m'a apkellegasso nak chá'a amya'a apkelmopwancha'a amya'a; malya'ássesagkek chá'a ko'o aqsok ma'a apkelya'áseykegkoho nak chá'a aqsok ekpowasamáxche'. Wánhok nahan chá'a ko'o kólátegmowagkokxak ma'a ekha nak chá'a apkelmopwancha'a, mékoho agko' nahan atnéssesek chá'a m'a ektémakxa nak apkelya'áseyak aqsok.

Isaías 8:19

Megkatnehek sa' metne elának kéxegke énxet'ák se'e: “Kólpaqhetchesaxkoho m'a apkelhagák axta énxet'ák apkeletsapma tén han apkelyohóxma apkelyexchásamákpoho nak chá'a elpaqmétek, melyennaqtésso nak chá'a apkelpeywa. ¡Apyókxoho énxet chá'a elpaqhetchesakpohok ma'a aqsok apcháyókxa tén han elmaxnéssesek chá'a eyeyméxchexa etnahagkok énxet'ák apkeletsapma m'a énxet'ák meletsapma nak

Jeremías 2:28

Énxet'ák Judá, ¿háxko ekheykegkaxa m'a aqsok kéláyókxa kélláneyak axta? ¡Xámok agko' kéxegke aqsok kéláyókxa, hawók ma'a tegma apkelyawe kélagkok nak! ¡Tásek sa' kalxegmak ma'a, awanchek sa' kexaha kalwagkasek teyp eyáhapwa'a sa' ekmaso kélheykha!

Ezequiel 21:26

Ektáhak ko'o sekpeywa s'e, sektáha nak Wesse': Kóllekkesek sa' apketchesso apqátek, kólyementók sa' apkelháxaqxo élyenma, kayaqmagkasek sa' mók ektémakxa ekyókxoho aqsok. ¡Kalmeyekxak sa' néten ma'a aqsok ekhéyak nak náxop, keñe sa' ma'a ekhéyak nak néten kaxnagwaták náxop!

Daniel 2:11

Askehek ampékásekxak ma'a aqsok apkeltémo nak xép ey'asagkoho wesse' apwányam, méko xama énxet apwanchek eltennaksek, wánxa m'a aqsok kéláyókxa nak; ¡makke kaxneykha nepyeseksa énxet'ák ma'a!

Daniel 2:2

Tén axta apkeltamho kólnaqlósawakxések ma'a apkelyohóxma, apkelya'áseykegkoho nak chá'a aqsok ekpowásamaxche', énxet ekha apmopwancha'a, yaqwayam enxoho elpékessásekxak xa ektémakxa nak apwanmagko. Apkelxegkek axta xa énxet'ák nak apchaqnágweykxo m'a nápaqtók wesse' apwányam,

Daniel 5:15

Kélnaqlánteyk eykhe ekha nak apkelmopwancha'a s'e apheykha nak seyókxa', yaqwayam elyetsetek se'e amya'a nak, tén han héltennaksek ektémakxa', makke elya'ásegkok ektémakxa'.

Miqueas 3:7

Elmegqáwhok apagko' sa' xa apkelwetayo nak chá'a aqsok ekpowásamáxkoho, melya'asagkek sa' aptamhágkaxa m'a apkelxeyenma nak chá'a yaqwánxa katnehek egmonye'. Elwanmeyagkok sa' aqsa xa apyókxoho nak, eñama megyátegmoweykegkokxa m'a Dios.

Nahúm 3:4

Nínive keñamak ektáha ekyókxoho xa, ekteme nak kelán'a ekyaqmagkáseyak pók énxet ektegye selyaqye, ektaqmalma, ekmámenyého egwáxok anlano', sẽlxekmósso nak nenteme yohóxma, élyexancháseykha nak chá'a énxet'ák tén han pók aptémakxa énxet'ák élane m'a nentémakxa mansexta, tén han ekha ekmowána.

Números 22:25

Xama axta ekwet'a Wesse' egegkok apchásenneykha m'a yámelyeheykok, tégwokmek axta nekha meteymog, yaqhakkassessek axta nahan apyók ma'a Balaam. Tén axta apkelyekpexcheteyncha'a makham.