Isaías 46:2 - Biblia Enxet

² Kelháxahágkek ma'a aqsok kéláyókxa nak, kelyaqnenágkek nahan meyke ekmowána kalwagkasaxchek teyp, kélnaqlákxeyk ma'a megkatnahakxa nak éleñamakxa.

Isaías 46:2 ပူးပေါင်းရင်းမြစ်များ

2 Samuel 5:21

Apkexakkek axta aqsa han aqsok kéleykmássesso apagkok ma'a filisteos, tén axta David apyeykhámeykxo yetlo apkelxegexma'a.

Isaías 30:6

Aqsok kélnaqtósso élxénamaxche', élleykha nak ma'a Négueb: Apkelpeywomók chá'a apkelmeyeykekxo Egipto apkelpátegkessama yámelyeheykok tén han yányátnáxeg apkelseykekxo aqsok élmomnáwa apagkok tén han mók aqsok apagkok israelitas ma'a yókxexma, ekxámokmakxa nak aqsok élmasagcha'a, élleykegkaxa nak ma'a méwa élyexweyweykegkól'a, tén han ma'a yéwa, tén han ma'a yéwa ekwányam élchampayól'a, apheykegkaxa nak ma'a énxet'ák mékcha'awo,

Isaías 37:12

¿Kelwagkassegkeya axta chá'a teyp aqsok kéláyókxa m'a mók apheykegkaxa nak chá'a énxet apmassésseykmo axta m'a elyapmék nano nak ko'o: cham'a Gozán, Harán, Résef tén han ma'a énxet'ák Bet-edén apheykencha'a axta m'a Telasar?

Isaías 37:19

tén han apkexakkassama nátex ma'a aqsok apcháyókxa nak, hakte naqsók háwe dios ma'a, énxet apkelane, eñama nak ma'a yámet tén han meteymog. Cháxa keñamak apmassésseykmo nak.

Isaías 44:17

Keñe m'a yántéseksek eyeymomáxche nak elának xama kéleykmássesso aqsok apcháyókxa, eltekxók nahan chá'a aptapnák amonye' elpeykesho', etnehek chá'a yának epaqhetchesek se'e: “¡Hewagkas teyp, xeye' ekteme dios ahagkok!”

Isaías 45:20

“Kólaqnekxa', kólchexyem, kólchaqnágwatámho kélyókxoho s'e énxet'ák kéleymomáxche nak megkóletsapma. Melya'áseyak aqsok ma'a apkelseykha nak chá'a aqsok kéleykmássesso apagkok yántéseksek tén han apkelpaqhetchesso nak chá'a m'a aqsok kéláyókxa megkamowána nak hegwagkasek teyp.

Jeremías 48:7

“Moab, apcháyók axta chá'a exchep ektémakxa ekha apyennaqte, tén han ekxákma aqsok apagkok, emakpok sa' eyke exchep xa. Kólya'aksek sa' megkatnahakxa apchókxa m'a Quemós apcháyókxa nak xép, yetlo m'a apkelmaxnéssesso nak chá'a énxet'ák apagkok, tén han ma'a énxet'ák ekha nak kéláyo.

Jeremías 51:47

Kammok sa' ekhem yaqwánxa allegássesagkohok ko'o m'a kéleykmássesso nak Babilonia. Mékoho sa' katnekxak ekyókxoho apchókxa, eksawheykekxoho kélhapák.

Daniel 11:8

Elsakxak sa' nahan Egipto m'a aqsok apkeláyókxa nak, tén han kéleykmássesso élánamáxche nak sawo égmenek kélpeykáseykekxa', tén han mók aqsok élmomnáwa sawo ekyátekto élmomnáwa, tén han sawo ekmope élmomnáwa. Yeyk'ak sa' agkok pók xama apyeyam meyke kempakhakma xa ánet apkelókxa nak,

Nahúm 1:14

Wesse' apwányam Nínive, aptáhak xép apxéna Wesse' egegkok se'e: “Mexek sa' aptawán'ák neptámen, yaqwayam enxoho katepagkok apwesey; amasséssessók sa' ma'a axanák nak aqsok apcháyókxa, cham'a kéleykmássesso nak, tén han ma'a kéleykmássesso kélheyáseykegkoho nak chá'a aqsok, sa' wátawanyek xép ma'a, hakte asagkók agko' xép aptémakxa.”

Jueces 18:24

Apchátegmowágkek axta Micaías: —Kélmeyk kéxegke aqsok séláyókxa sélane axta ko'o, kélyentegkek han apkelmaxnéssesso énxet'ák ahagkok, meyke aqsok ahagkok éltemessásak, ¡megkalnawék sélmaxneyáncha'a setnahakxa!

1 Samuel 5:3

Keñe axta mók ekhem, apkelwákxo axta m'a apkeleñama nak Asdod, apkelwetágweykxeyk axta ekyaqnena náxop ma'a Dagón, ekpayhókxa axta ekyetnamakxa m'a Wesse' egegkok yántéseksek apagkok. Tén axta apkempásekxo makham néten ma'a Dagón, apkenegkásekxeyk axta makham ma'a énmeykegkaxa axta.