Isaías 45:8 - Biblia Enxet

⁸ “Néten sa' kañék ko'o wáphaksek ma'a élmallahanchesso nak énxet'ák, ektémól'a katyamok ma'a yálye tén han ekmámeye, kamok sa' takha' m'a xapop; máxa ekyexna sa' katnehek katekkesek ma'a nélwagkásamáxche teyp keytek sa' nahan xamók ma'a ekpéwomo nak nentémakxa.”

Isaías 45:8 ပူးပေါင်းရင်းမြစ်များ

2 Reyes 19:25

¿Ya ey'ásegkok xép ektáha ko'o séltémo katnehek ekyókxoho xa aqsok nak, ko'o sektáha nak Wesse'? Nanók agko' axta ko'o ekxeyenma ewáxok alának xa, élanak kaxwo'; ékeso éñamakxa apmasséssekmo nak xép ma'a tegma apkelyennaqte nak tén han aptemessásekxo nak apxámokma m'a tegma aphopák.

Salmos 68:8

yawheykha axta xapop, máméyak axta han ekyawe agko', kelpexyennamomchek axta apmonye' m'a Dios nak Sinaí, cham'a Dios nak Israel.

Salmos 72:3

Kagkések sa' meyke ektáhakxa apheykha énxet'ák ma'a egkexe élwenaqte nak, keñe ekpéwomo apkeltémakxa m'a xóp élekhahéyak nak.

Salmos 72:6

¡Máxa ekmámeye sa' etnehek, tén han yálye, ekyássessamól'a xapop, tén han pa'at!

Isaías 11:1

Etyapok sa' xama Jesé aptáwen neptámen; máxa sa' etnehek ma'a ektémól'a yámet awhak éltektépeykekxal'a, éltekteyapwayam la'a m'a kepmenák nak.

Isaías 32:15

Hegáhapwaták sa' eyke makham negko'o apmopwána m'a Wesse' egegkok, apmopwána nak elának aqsok, keñe sa' katnekxak namyep ma'a yókxexma ekyamáyekxa nak exma, kayeykhágwomhok agko' sa' nahan ektaqmalma m'a namyep.

Isaías 4:2

Tásek sa' katnehek aqsok apkeltémo nak kaltektépekxak Wesse' egegkok xa ekhem nak, kalyenmok sa' nahan; sa' etnehek apagkok ma'a énxet'ák Israel apkeleymomap nak meletsapma; sa' katnéssesek eyaqheykha chá'a kélwáxok ma'a aqsok ekyexna eknakxamáxche ektekkesso nak xapop tén han katnéssesek ekha kéláyo.

Isaías 44:24

Keso aptáhakxa nak appeywa Wesse' egegkok se'e, apwagkasso nak teyp, apkelane axta apyetnamakxa m'a kañe' egken awáxok: “Ko'o sekteme Wesse', sélane ekyókxoho aqsok, ko'o axta sekpeykesso m'a néten, tén han sekpekkenma m'a xapop meyke sepasmo.

Isaías 44:3

hakte wának sa' ko'o kanyehek yegmen ma'a yókxexma meykexa nak énxet, keñe sa' yegmen ényé m'a ekyamáyekxa nak xapop. Agkések sa' ko'o axnagkok apkelyennaqte m'a aptawán'ák neptámen nak, wáphássesek sa' ektaqmalma apheykha.

Isaías 46:13

Eyágketchessa'ak ko'o m'a sektamheykha segwagkassamo nak teyp; yahamók agko' ko'o kawak ma'a nélwagkásamáxche teyp ahagkok nak, megkeytnók makhawo'. Awagkasek sa' ko'o teyp ma'a Sión agkések sa' Israel ma'a ektémakxa nak seyeymáxkoho.

Isaías 48:18

¡Kaxtemék axta apkelyeheykekxoho m'a séltémókxa nak chá'a etnehek! Kayágkok axta ektaqmalma apha kaxhok axta m'a ektémól'a kayágkok yegmen ma'a wátsam, kaxhok axta ektaqmeleykekxa apha m'a ekweykenxal'a élyaqyahayam élyawe m'a wátsam ekwányam,

Isaías 53:2

Apkeltémok axta exhok Wesse' egegkok ewanák apkeláneykha m'a ektémól'a pánaqte exnók kaxwe ekteyapmal'a, élatchesseyam la'a kepmenák ma'a ekyamakakxa xapop. Apsagkók axta m'a háwe axta apcheymákpoho méko axta m'a ektémakxal'a kélmámenyéhol'a kóllano';

Isaías 60:21

“Énxet meyke apkeltémakxa sa' etnahagkok apyókxoho m'a énxet'ák kélagkok, etnahagkok sa' chá'a apagkok apchókxa meyke néxa, éltekteyapmakxa m'a xama yámet ektáha axta ko'o séneykekxa ahagko', sélane axta ko'o yaqwayam axekmósek ektémakxa seyeymáxkoho.

Isaías 61:11

Hakte sa' etnéssesek Wesse' egegkok etekkesek ekpéwomo nentémakxa apagkok ma'a ektémól'a kalántekkesek aqsok kélcheneykekxa m'a xapop, tén han ma'a ektémól'a kaltektepagkok aqsok kélcheneykekxa m'a namyep étkok, apyókxoho énxet sa' elmeneykmaksek negmeneykmasso nak nélpeykessamo.

Isaías 61:3

tén han yaqwayam almések apkelháxaqxo éltaqmalma megkatnaha nak táhap ma'a énxet'ák apkellegeykegkoho nak ekyentaxno apkelwáxok ma'a Sión, tén han sokmátsa ekpeykeseykekxoho nak egwáxok megkatnaha nak ma'a nenlekxagweykha, tén han negmeneykmasso nélpeykessamo, megkatnaha nak ma'a magya'áseyak nak nentáhakxa. Kólteméssesek sa' apkelwesey “Yenta'a élyennaqte élpéwomo éltémakxa” apkeneykekxa m'a Wesse' egegkok yaqwayam exekmósek apcheymákpoho.

Isaías 66:22

Aptáhak axta nahan Wesse' egegkok se'e: “Sa' kaxhok nahan ekwenaqte apheykha kéltawán'ák kélnentámen nak kéxegke tén han kélwesey m'a ekwánxa nak ekwenaqte ekyetno m'a néten axnagkok tén han xapop axnagkok sekmako nak ko'o alána'.

Jeremías 31:22

¿Háxko sa' ekwánxa katnégwók néxa kélweynchámeykha aqsa ektémól'a kélketche kelwána ekxegányam la'a? Élanak ko'o axnagkok aqsok keso náxop, ko'o sektáha nak Wesse': xama kelán'a ektaqmeleykha ekpeywa kalának xama énxet.”

Ezequiel 34:26

“Alyáqkasek sa' ko'o nepkések seknaqtósso m'a neyáwa' egkexe ekpagkanamaxchexa ahagkok nak, ataqmelchessesek sa' apkelleykha; wáphássesek sa' ekmámeye ekweyktámhol'a chá'a kammok ekhem agkok ma'a ekmámeyeykxa.

Oseas 10:12

Axta ektáhak ko'o séláneya s'e: Kólchenekxa sa' kéxegke ekpéwomo nentémakxa', tén sa' kólnakxek kólmekxak ma'a negásekhayo nak. Kólpeynchámekxa sa' makham xapop, yaqwayam sa' kólchenekxak makham aqsok, hakte wokmek kaxwók ekhem yaqwayam kólchetmok Wesse' egegkok, ekwokmoho sa' apwa'akto, apsánto sa' ekxámokma agko' nélwagkásamáxche teyp kélnepyeseksa kéxegke.

Joel 3:18

Máxa yegmen ényé sa' katnehek kalpexyewenták vino m'a egkexe nak, tén han weyke nagkeygmenek, awanhek sa' katnehek yegmen ma'a alwáta étkók nak Judá. Katyapok sa' yegmen ma'a tegma appagkanamap ahagkok, kayássesek sa' ma'a yókxexma Sitim.