Isaías 45:6 - Biblia Enxet

⁶ yaqwayam enxoho kólya'asagkohok méko xama enxoho sekhawo ko'o m'a ekyókxoho teyapmakxa ekhem nak tén han ma'a taxnegwánxa ekhem nak. Ko'o sekteme Wesse', méko pók.

Isaías 45:6 ပူးပေါင်းရင်းမြစ်များ

Salmos 46:10

“¡Kólwatés kélnápomáxche'! Kólya'asagkoho sektáha ko'o Dios! ¡Ko'o sekteme néten agko' nepyeseksa m'a pók aptémakxa énxet'ák! ¡Ko'o sekteme néten agko' ekyókxoho keso náxop!”

Salmos 83:18

¡Elya'asagkohok sa' xép apteme wánxa Wesse' egegkok, tén han apteme wánxa Dios Meyke Ekhémo ekyókxoho keso náxop!

Isaías 11:9

Méko sa' xama enxoho kalának ekmaso ekyókxoho m'a egkexe ekpagkanamaxchexa ahagkok nak, hakte kasawhekxohok sa' apya'áséyak Wesse' egegkok ma'a ekyókxoho nak apchókxa, sa' katnehek ma'a ektémól'a ekláneyo yegmen ma'a wátsam ekwányam.

Isaías 37:20

Dios Wesse' egegkok, hẽlmallahanches negko'o neyseksa apmáheyo hẽlnápok ma'a asirios, yaqwayam sa' elya'asagkohok apyókxoho pók aptémakxa nak chá'a énxet'ák apheykha keso náxop, apteme exchep Wesse', wánxa xama Dios.”

Isaías 43:10

Aptáhak Wesse' egegkok se'e: “Kéxegke kélteme kélweteykegkoho chá'a aqsok sélane, kéltáha nak séláneykha, sélyéseykha axta yaqwayam hélyekpelkohok chá'a tén han héláwho', tén han hélya'asagkohok chá'a yaqsa ko'o. Méko axta xama aqsok kéláyókxa maweykxa axta ko'o, méko sa' nahan katnehek xama enxoho m'a netámen sa'.

Isaías 44:6

Aptáhak Wesse' egegkok se'e, Wesse' apwányam apwagkasso nak teyp ma'a Israel, Wesse' ekha nak Apyennaqte: “Ko'o sekteme eyeynókxa tén han ektemegwánxa néxa; méko pók kéláyókxa, ko'o sekwánxa ahagkok.

Isaías 45:5

Ko'o sekteme Wesse', méko pók; méko pók Dios mók nekha. Eltáméssegkek axta ko'o exchep yaqwayam elnapakpok neyseksa mehey'áseyak,

Isaías 47:8

Keyxho kaxwók se'e, kelán'a, ekmámenyého nak aqsok éltaqmalma, ekhama nak chá'a néten ektaháno ekyawe ektaqmalma yetlo meyke ektamheykha awáxok, ekteme nak chá'a awáxok se'e: ‘Ko'o aqsa, méko émók sekhawo; matnehek sa' chá'a ko'o tampe', matnehek sa' nahan chá'a meyke étchek.’

Isaías 49:26

Wának sa' ko'o etawagkokxak aphápetek apancha'awók ma'a apsawhéssamo axta aqsok kélagkok, wának sa' kalnápekxak ma'a éma apagkok apagko' nak ektémól'a énagkok ma'a vino. Keñe sa' elya'asagkohok apyókxoho énxet ektáha ko'o sekwagkasso teyp, ko'o sektáha nak Wesse'; elya'asagkohok sa' sektáha sekmallahanchesso aqsok ekyentaxno, ko'o sektáha nak Jacob Wesse' apagkok ekha sekyennaqte.”

Isaías 59:19

Apyókxoho énxet sa' yáwhok Wesse' egegkok apkelwet'a sa' apcheymákpoho, eyeynamo m'a teyapmakxa ekhem nak ekweykekxoho m'a taxnegwánxa ekhem, hakte máxa yégayam ekyawe sa' etnehek éxyamok ma'a, ekyawheyáseykhal'a éxchahayam ekyennaqte agko'.

Ezequiel 38:23

Keñe sa' axekmósek ko'o apxámokma apagko' énxet sekteme sekwányam tén han sektaqmalma. Altennasaxchek sa' nahan ko'o m'a, tén sa' elya'ásegwók sektáha ko'o Wesse'.

Ezequiel 39:21

“Axekmósek sa' ko'o seyeymáxkoho m'a énxet'ák apkeleñama nak mók apkelókxa. Elwetak sa' sektáhakxa ko'o sélyekpelchássessamo tén han séllegassáseykegkoho m'a apyókxoho pók aptémakxa nak chá'a énxet'ák.

Joel 2:27

keñe sa' kéxegke israelitas, kólya'asagkohok sekha ko'o kélnepyeseksa kéxegke, ko'o sektáha nak Wesse', sektáha ko'o Dios kélagkok, méko pók enxoho. ¡Kamaskok agko' sa' elmegqeyk ma'a énxet'ák ahagkok!

Malaquías 1:11

Apyókxoho pók aptémakxa énxet'ák chá'a ko'o etnehek seyáyo, ekyókxoho yókxexma chá'a hélwatnések ma'a aqsok ánek ekmátsa nak ekpaqneyam éten agkok, tén han hélmések chá'a aqsok sélmésso naqsa ekpayhawo nak chá'a hélmések.