Isaías 45:23 - Biblia Enxet

²³ Ekxénaxchekxók ko'o ahagko', ekxénchek ma'a amya'a ekmámnaqsoho nak, katnehek sa' nahan xa sektáhakxa nak sekxeyenma: apyókxoho énxet sa' eltekxeyagkok aptapnák emonye' ko'o, apyókxoho énxet sa' hexének ko'o hélpeykesho'.

Isaías 45:23 ပူးပေါင်းရင်းမြစ်များ

Génesis 31:53

Dios apagkok nak ma'a apyáta' Abraham tén han áta' nak ko'o Nahor, sa' etnehek segyekpelchémo negyeseksa negko'o. —Tén axta Jacob apmésa appeywa m'a Dios, apkelpeykessamo axta chá'a m'a apyáp Isaac.

Nehemías 10:29

apkelyepetchákxeyk axta apnámakkok tén han apkelámha apmonye'e apagkok, apxéna naqsók etnahagkok ma'a ektémakxa nak segánamakxa apmésso axta Dios ma'a Moisés, apteme axta apkeláneykha, tén han elanagkok meyke apkelyenseyam ekyókxoho m'a apkeltémókxa nak antéhek, tén han segánamakxa apagkok nak ma'a Wesse' egegkok,

Salmos 132:2

kaxénwakxoho apwáxok apkeltennassama axta elanaksek ma'a David, xép apteme nak Jacob Dios apagkok ekha Apyennaqte, aptéma axta apkenagkama s'e:

Salmos 63:11

Kapayhekxak sa' eyke apwáxok wesse' apwányam eñama apmallahanchesso m'a Dios; apyókxoho énxet'ák sa' elmeneykmaksek, cham'a apkeltennasso axta elanaksek aqsok ma'a Dios, keñe sa' ma'a apkelyexancháseykha nak chá'a, kóláhakkasagkok chá'a apatña'ák.

Salmos 98:2

Apkellegassegkek Wesse' egegkok ma'a ektémakxa apmallanma, apxekmóssegkek aptémakxa ekpéwomo nápaqta'awók apyókxoho énxet'ák nak keso náxop;

Isaías 21:17

Ántawók agko' sa' nahan kaleymaxchek yágke apagkok ma'a kempakhakma yapmeyk nak Quedar.” Israel Dios Wesse' apagkok apxeyenma xa.

Isaías 45:19

Meyxaxkók ko'o apaqmétek mapaqméswomek nahan ma'a kañe' ekyáqtéssamakxa nak exma keso náxop. Matnehek nahan alának Jacob aptawán'ák neptámen se'e: ‘Hélchetamsakxa m'a meykexa nak aqsok.’ Naqsók ko'o atnéssesek sekpeywa, ko'o sektáha nak Wesse', axének chá'a m'a aqsok ekpéwomo nak.

Isaías 48:1

“Kóleyxho s'e, Jacob apnámakkok, kélwesey nak Israel, kélteme nak Judá aptawán'ák neptámen; kélxeyenma nak naqsók ma'a Wesse' egegkok apwesey; kélwóneykha nak chá'a Israel Dios apagkok, meykexho kélyeheykekxoho, tén han kéltémakxa ekpéwomo;

Isaías 49:18

Kalyeheykha, kasawheykha exma neyáwa', kalano ektáhakxa apwakhegwa'akto apyókxoho énxet, tén han ektáhakxa apkelye'eykekta exche'. “Naqsók ko'o sekxéna, sektáha nak Wesse' peya elxohok aqsok étkók élmomnáwa xa apyókxoho nak yaqwayam sa' kawakhésaxchek xeye', ektémól'a kélnáxegkáseykha m'a xama kelán'a ekmáheyól'a kalyamhápok.

Isaías 55:11

cháxa ektémakxa nahan ko'óxa sekpeywa xa mehey'ótek aqsa makham meyke ektekkesso xama aqsok, kalának sekxók ma'a sekmámenyého nak ko'o, katnehek nahan ma'a séltamhókxa enxoho ko'o katnehek.

Isaías 60:14

Elya'áwak sa' kéxegke m'a apketchek nak énxet'ák apnaqtawáseykegkoho axta chá'a, eltekxeyagkok sa' aptapnák kélmonye'e, metwasha apagko' sa' elháxahagkok eltekxeyagkok aptapnák xóp kélchaqnágkaxa apyókxoho m'a ektáha axta chá'a apkelwanyeykha, eltéhek sa' nahan Jerusalén ‘Wesse' egegkok Tegma Apwányam apagkok’, ‘Dios Aptaqmalma nak Israel Sión apagkok’.

Isaías 61:11

Hakte sa' etnéssesek Wesse' egegkok etekkesek ekpéwomo nentémakxa apagkok ma'a ektémól'a kalántekkesek aqsok kélcheneykekxa m'a xapop, tén han ma'a ektémól'a kaltektepagkok aqsok kélcheneykekxa m'a namyep étkok, apyókxoho énxet sa' elmeneykmaksek negmeneykmasso nak nélpeykessamo.

Isaías 62:8

Naqsók kaxwók aptáha appeywa Wesse' egegkok apya'asa néten apaktog apkelya'assamakxa ekha nak ekyennaqte s'e: “Magwohók sa' chá'a kaxwók etawagkok hótáhap apaktek kélagkok ma'a kélenmexma nak. Magwohok sa' nahan kaxwók énagkok vino kélláneyák nak ma'a énxet'ák apkeleñama nak mók nekha;

Isaías 65:16

Apyókxoho énxet apkelmaxneyakxa enxoho chá'a ektaqmalma negha m'a apkelókxa, elmaxnak sa' chá'a m'a Dios apmámnaqsoho nak; apyókxoho apteméssesso nak chá'a naqsók appeywa m'a apkelókxa, egkések sa' chá'a ekmámnaqsoho appeywa m'a Dios apmámnaqsoho nak. Kelwagqámexcheyk kaxwók ma'a nanók ekyentaxnamo egwáxok axta, massegwokmek sekwete.

Jeremías 22:5

Keñe sa' megkólyahákxoho enxoho s'e séltennasso nak, nápakha'a apketkók sa' etnekxak se'e tegma apyawe nak. Ko'o sekxeyenma xa, sektáha nak Wesse'.’”

Jeremías 4:2

kélwanchek sa' hélmések kélpeywa yetlo kélxeyenma sekwesey, ekmámnaqsoho agko', tén han ektaqmalma tén han ekpéwomo. Sekwesey sa' chá'a elmaha elmaxnéssesek aqsok éltaqmalma apnámakkok ma'a pók aptémakxa énxet'ák, tén han ektaqmalma apkelxénamap.”

Jeremías 49:13

Naqsók ko'o sektáha sekpeywa s'e, sektáha nak Wesse': Yókxexma meykexa énxet sa' etnekxak ma'a tegma apwányam Bosrá, nápakha'a apketkók sa' etnehek, segestéhegkesso sẽltemessáseykekxa mékoho, tén han kéltémo hẽltemessessamhok exma ekmaso, nápakha'a apketkók sa' nahan etnekxak ma'a pók tegma apkelyawe nak megkatnégwayam néxa.”

Amós 6:8

Naqsók aptáha appeywa Wesse' egegkok, Dios ekha nak apyennaqte s'e: “Altaqnawhok ko'o m'a éleymáxkoho nak apkelwáxok Jacob énxet'ák apagkok; megkalchek agko' ewáxok ma'a kelwesse'e apxanák apkelyawe nak; agkések sa' ko'o tegma apwányam ma'a apkelenmexma nak, yetlo m'a ekyókxoho aqsok ekhéyak nak ma'a kañe'.”

Zacarías 14:9

Cháxa ekhem yaqwánxa sa' etnehek Wesse' apwányam Wesse' egegkok ekyókxoho keso náxop. Wánxa sa' nahan xama etnehek ma'a Wesse' egegkok, xama sa' nahan katnehek ma'a apwesey.

Números 23:19

Maghawok negko'o m'a Dios nentáha nak énxet néletsapmo nak chá'a, metnehek apmopwána amya'a, meyaqmagkassemek nahan mók ma'a aqsok apxeyenma. Apxénchek agkok xama aqsok, elának nahan. Apxénchek agkok nahan élanak xama aqsok, elának nahan.

Deuteronomio 6:13

Kólpeykesho chá'a Dios Wesse' kélagkok, kólteme chá'a wánxa kéláyo m'a, peyk sa' agkok chá'a kólteméssesek ekmámnaqsoho agko' kélpeywa, kóltemésses chá'a wánxa ekmámnaqsoho m'a Wesse' egegkok apwesey nak.