Isaías 45:22 - Biblia Enxet

²² “Énxet'ák, kélheykha nak ekyókxoho apkelókxa keso náxop hélyo'óta ko'o, ko'o sa' alwagkasek teyp, hakte ko'o sekteme Dios, méko pók.

Isaías 45:22 ပူးပေါင်းရင်းမြစ်များ

2 Crónicas 20:12

Dios egagkok, ¡ellegássesagkoho sa' xa énxet'ák nak! Hakte méko negko'o nélyennaqte yaqwayam ólenmexek xa sẽlpextétamo apxámokma segketamakmo nak. ¡Magya'ásegkok yaqwánxa antéhek; la'a nélenmexákxoho nak aphakxa exchep!”

Salmos 22:17

¡Negwetayók exchakkok! Melwataksek chá'a hélanok ma'a sélenmexma;

Salmos 22:28

Hakte Wesse' egegkok apteme Wesse' Apwányam, cha'a apkeláneykha chá'a apyókxoho pók aptémakxa énxet'ák ma'a.

Salmos 65:5

Dios, Sẽlwagkasso nak teyp negko'o, egátegmowágkek negko'o exchep, yetlo ekyawe apkelane aqsok sentaqmelchessáseykekxo nak negheykha; megkólya'ásseykmok xép ekyókxoho keso náxop, ekweykmoho m'a énxet'ák apheykha nak makhawók agko', teyp wátsam ekwányam;

Salmos 65:6

apkeláncháseykegkek xép meteymog élwenaqte, yetlo apmopwána, tén han apyennaqte.

Isaías 30:15

Aptáhak Wesse' egegkok se'e, cham'a Dios Aptaqmalma nak Israel: “Kólchexyem, kóllánekxa kélheykha keñe sa' kólwagkasaxchek teyp. Sa' kañék kélyennaqte kéxegke m'a ektaqmalma nak kélheykha tén han megkólya'ásseyam.” Makke kólmakók kéxegke,

Isaías 41:22

Hẽltennáseta yaqwánxa katnehek egmonye', hẽltennásekxoho nahan ektémakxa axta m'a nentámen axta, ageyxhok sa' negko'o; henlegés aqsok peya nak kaxegma', yaqwayam sa' agya'asagkohok ekwánxa katnehek.

Isaías 43:6

Sa' atnehek wának nexcheyha s'e: ‘Hélmeyásekxa’ sa', keñe sa' nepyeyam atnehek wának se'e: ‘Ná elmeyow aqsa. Kólnaqlanta sa' étchek apkelennay'a tén han kelwán'ák apheykha nak ma'a makhawo', néxa xapop nak keso nélwanmeygkaxa,

Isaías 45:21

Kólpaqmet, kólxén aqsok kélwete, kólteme chá'a kólmaxneyha kélmók kélmako enxoho chá'a kólmaxneyha s'e: ¿Yaqsa axta éltenneykha sekxók eyeynamókxa axta xa aqsok nak? ¿Yaqsa axta eklegasso m'a nanók axta? ¿Háweya axta ko'o, sektáha nak Wesse'? Méko pók Dios. Ko'o sekwánxa ahagkok sekteme Dios sélmallahanchesso aqsok ekmaso énxet'ák ahagkok, tén han sélwagkasso teyp.

Isaías 45:5

Ko'o sekteme Wesse', méko pók; méko pók Dios mók nekha. Eltáméssegkek axta ko'o exchep yaqwayam elnapakpok neyseksa mehey'áseyak,

Isaías 49:12

¡Kólenmexho! Makhawók apkeleñamak ma'a: nápakha apkeleñamak ma'a nexcheyha, keñe nahan nápakha m'a taxnegwánxa ekhem nak, keñe nahan nápakha m'a yókxexma Asuán.

Isaías 49:6

“Mopwanchek xép etnehek séláneykha wánxa apkelánekxésso apheykha m'a Jacob énxet'ák apagkok tén han yaqwayam enaqlanták makham ma'a énxet'ák Israel apkeleymomap nak meletsapma; atnéssesek sa' nahan ko'o exchep élseyéxma apagkok ma'a apyókxoho pók aptémakxa énxet'ák, yaqwayam sa' eswok nélwagkásamáxche teyp ahagkok ma'a makhawók agko' nak keso náxop.”

Isaías 52:10

Apxekmóssek apmopwána Wesse' egegkok nápaqta'awók ma'a apyókxoho pók aptémakxa énxet'ák. Kólya'asagkohok sa' ekyókxoho keso náxop sẽlwagkasa teyp ma'a Dios egagkok.

Isaías 55:5

Elwónmakha sa' xép ma'a énxet'ák melya'ásegko nak; enaqtémegmak sa' elya'áwak xép ma'a énxet'ák melweteya nak, hakte ekteméssessegkek ko'o exchep ekha kéláyo ko'o sektáha nak Wesse' apagkok, Dios Aptaqmalma nak ma'a Israel.

Isaías 55:6

“Kólchetam Wesse' egegkok kélewagkexa nak makham kólwetekxa', kólwónmakha apha nak makham keto'.

Isaías 60:3

Elya'áwak sa' apyókxoho énxet'ák ma'a élseyéxma kélagkok nak, elya'áwak sa' kelwesse'e apkelwányam ma'a élyenmakxa nak ekhem axnagkok kélagkok.

Jeremías 33:16

Elwagkasakpok sa' teyp énxet'ák Judá xa ekhem nak, keñe sa' énxet'ák Jerusalén méko katnehek ektáhakxa apheykha. Keso yaqwánxa sa' kólteméssesek apwesey s'e: ‘Wesse' egegkok apteme sẽlmallahanchesso.’

Oseas 13:4

Aptáhak Wesse' egegkok se'e: “Ko'o Wesse', ko'o Dios apagkok eyeynamo m'a aphamakxa axta Egipto: Ná etne aqsa Dios apagkok mók aqsok enxoho, ko'o sa' aqsa, ko'o sekwánxa ahagkok sekwagkasso teyp xép.

Miqueas 5:4

Yempekxak sa' néten ma'a wesse' apwányam yaqwayam sa' eltaqmelchesek ma'a énxet'ák apagkok, yetlo apmopwána, tén han apcheymákpoho eñama nak apmésso m'a Dios Wesse' apagkok, exmakha sa' meyke élya'ásekhaxma m'a, hakte kólteméssesek sa' apcheymákpoho Wesse' egegkok, ekweykmoho m'a néxa xapop nak.

Miqueas 7:7

Aleyxek sa' eyke ko'o m'a Wesse' egegkok; malwataksek sa' sélhaxanma m'a Dios ahagkok sewagkasso nak teyp, hakte yeyxhok sa' ko'o sélmaxnagko m'a.

Zacarías 12:10

Ayánchesseshok sa' ko'o sekmésso apmopyóseka elanok apnámakkok tén han apkelmaxneyéyak ma'a David aptawán'ák neptámen nak tén han ma'a énxet'ák apheykha nak Jerusalén. Keñe sa' elanok chá'a m'a ektáha nak chá'a apkelyetxaqxo, tén sa' kallapwomagkok, ellekxagwaha sa' elano'. Máxa sa' etnéssesek ma'a aptémól'a yetsapok kélketche aptemél'a wánxa xama apagko' essenhan ma'a kélketche átnaha apketkok la'a.