Isaías 45:20 - Biblia Enxet

²⁰ “Kólaqnekxa', kólchexyem, kólchaqnágwatámho kélyókxoho s'e énxet'ák kéleymomáxche nak megkóletsapma. Melya'áseyak aqsok ma'a apkelseykha nak chá'a aqsok kéleykmássesso apagkok yántéseksek tén han apkelpaqhetchesso nak chá'a m'a aqsok kéláyókxa megkamowána nak hegwagkasek teyp.

Isaías 45:20 ပူးပေါင်းရင်းမြစ်များ

2 Crónicas 25:15

Aptaqnókek axta Wesse' egegkok ma'a Amasías, apcháphássessek axta xama Dios appeywa aplegasso apkeltamho etnehek yának se'e: —¿Yaqsa ektáha apkelpeykásawo nak xép aqsok kéláyókxa apagkok nak ma'a énxet'ák megkalwagkasa nak teyp nápaqtók xép?

2 Crónicas 28:23

Apkelméssek axta kélnaqtósso ektekyawa m'a aqsok apcháyókxa axta m'a énxet'ák Damasco, élsexnáneya axta apmenxenákpo. Hakte apkenagkamchek axta kapasmok apkelmésa enxoho aqsok kélnaqtósso ektekyawa m'a aqsok kéláyókxa nak Siria, ektéma axta ekpasmoma chá'a m'a kelwesse'e apkelwányam nak ma'a apchókxa nak. Axta keñamak eknaqtawáseykha xa aqsok nak, tén han ma'a apyókxoho nak énxet'ák Israel.

Salmos 115:8

Elxohok sa' chá'a apyókxoho ektáha nak chá'a apkeláneyak xa kéleykmássesso nak, tén han apkeláyo nak chá'a.

Isaías 4:2

Tásek sa' katnehek aqsok apkeltémo nak kaltektépekxak Wesse' egegkok xa ekhem nak, kalyenmok sa' nahan; sa' etnehek apagkok ma'a énxet'ák Israel apkeleymomap nak meletsapma; sa' katnéssesek eyaqheykha chá'a kélwáxok ma'a aqsok ekyexna eknakxamáxche ektekkesso nak xapop tén han katnéssesek ekha kéláyo.

Isaías 41:21

Aptáhak Wesse' egegkok se'e, Jacob wesse' apwányam apagkok nak: “Kéleykmássesso, kólchempoho, kólyentementa apkelmasma nak chá'a, kólmeyágwata m'a ektémakxa nak chá'a kélsexnánémaxche'.

Isaías 43:9

Énxet'ák, kólaqnekxa kélyókxoho, kólyepetchekxa kélmók pók aptémakxa nak chá'a énxet'ák ¿Yaqsa axta xama nepyeseksa xa énxet'ák nak apkeltenneykencha'a chá'a s'e aqsok nak? ¿Yaqsa axta xama aplegassama chá'a m'a ektémakxa axta nentámen? Kólyentementa sa' ektáha apweteykegkoho yaqwayam sa' exének ektáha naqso', yaqwayam sa' kahaxnaxkoho' keñe sa' kaxénaxchek ektáha naqso'.”

Isaías 44:10

Énxet apkelane nak chá'a kéleykmássesso yaqwayam elpeykesho', apteméssesso nak chá'a máxa dios, kaqhok chá'a elána'.

Isaías 44:9

Mékoho apancha'awók ma'a apkelánéyak nak chá'a aqsok kéleykmássesso, momók ancha'awók nahan ma'a kéleykmássesso apkelánéyak nak chá'a, cham'a apkelmopmenyého apagko' nak chá'a. Meyke apaqta'ák nahan ma'a ektáha nak chá'a apkelpeykessamo, melya'ásegkok nahan aqsok, cháxa keñamak peya sa' elmegqágwakxohok ma'a.

Isaías 46:1

Haxeyk ma'a dios Bel, yaqnenchek náxop ma'a dios Nebo. Yámelyeheykok chá'a élpatmeykha m'a aqsok kéleykmássesso, ekyentaxno élpata chá'a m'a aqsok kélnaqtósso élyampayo nak.

Isaías 48:14

Kólaqnekxa sa' kélyókxoho kéxegke, kóleyxho sa' nahan: ¿Yaqsa axta kélxama kéxegke aplegassama ekmáheyo katnehek xa: apmáheyo etnéssesek ekxeyenmakxa nak ko'o ewáxok atnéssesek Babilonia m'a énxet ektáha axta ko'o sélyéseykha tén han ma'a énxet'ák caldeos?

Isaías 57:13

Kélpáxamáha sa' agkok kóltegyaha ekpasmo, megkapasmehek sa' ma'a kéleykmássesso kélagkok nak, megkalwagkasek sa' teyp. Éxchahayam sa' kalsók ekyókxoho xa; xama ekwátekhapma sa' kamasséssók. Keñe sa' ma'a ektáha nak chá'a ko'o seyáyo exek sa' chá'a m'a apchókxa, exek sa' chá'a m'a egkexe ekpagkanamaxchexa ahagkok nak.”

Jeremías 10:14

Élyeyháxma apyókxoho énxet tén han melya'áseyak aqsok. Kelyexancháseykha chá'a aqsok kéleykmássesso m'a ektáha nak chá'a apkelane: kéleykmássesso sẽlyexancháseykha m'a, tén han meyke élennama;

Jeremías 10:5

Hawók náta kéleyssól'a m'a aqsok kéleykmássesso, kélchenegkessól'a m'a namyep kélcheneykekxexa nak yánsamáne, yawanchek kalpaqmétek kólpatmekxohok nahan chá'a m'a, hakte yawanchek kalxog. Nágkóle chá'a kéxegke m'a, yawanchek katnéssessamhok exma ekmaso xama énxet, yawanchek nahan kataqmelchesek.”

Jeremías 10:8

Élyeyháxma m'a apyókxoho nak, méko xama enxoho apkelmopwancha'a aqsok. ¡Yawanchek kalxekmósek yántéseksek nekha!

Jeremías 48:13

Keñe sa' Moab katnehek eyaqhémo apcháyo m'a aqsok kéláyókxa Quemós, ektéma axta Israel eyaqhémo apcháyo m'a Betel, cham'a apchásenneykekxo axta chá'a.

Jeremías 48:47

Atnessásekxak sa' eyke ko'o makham apheykha énxet'ák Moab ma'a ektémakxa axta apheykha; ko'o sekxeyenma xa, sektáha nak Wesse'.” Cháxa apxeyenmakxa axta etnéssesek Wesse' egegkok ma'a Moab.

Jeremías 50:28

(Apkelwákxeyk Sión ma'a énxet'ák apkelxegányam nak apkeleñama Babilonia, apkeltenneyncha'a ektáhakxa apyaqmagkáseykekxa Dios Wesse' egagkok apkeltémakxa m'a énxet'ák Babilonia, eñama apteméssessamakxa axta m'a tegma appagkanamap nak.)