Isaías 45:2 - Biblia Enxet

² “Axog sa' ko'o apmonye' exchep, alpeykásekxak sa' ma'a egkexe élekhahéyak nak alpáxqátek sa' ma'a átog sawo élyexwase élyenma nak nekha'a étkók sa' atnessásekxak ma'a sawo kélápeykekxexa nak chá'a átog.

Isaías 45:2 ပူးပေါင်းရင်းမြစ်များ

Salmos 107:16

¡Nekha'a étkók axta aptemessáseykekxak ma'a atña'ák élánamáxche nak sawo ekyexwase! ¡Apkelekkexeykekxeyk axta m'a sawo kélápeykekxa nak chá'a átog!

Isaías 13:2

“¡Kólchexen néten egkexe eyáxñeyo xama apáwa magkenatchesso peya kólempakha'! ¡Kólána' ektamagkok ma'a sẽlpextétamo! ¡Kólya'ásses néten kélmék yaqwayam sa' elántaxnegwók ma'a kelwesse'e nak atña'ák apagkok!

Isaías 14:31

¡Filisteos, kélheykha nak apyókxoho tegma apkelyawe, kallapwomák, kalpayheykha kélatña'ák kóllekxagwaha, kólpexyennem kélaye! Hakte apkelxegakmek énxet apxámokma yaqwayam yempakhak ma'a ekpayho nak nexcheyha, máxa éten ekpánmal'a aptáhak; méko nahan xama enxoho apteyapma neyseksa m'a apkeleyweykekxa nak apkelxega.

Isaías 24:12

Apmopso aptáhak ma'a tegma apwányam, nekha'a étkók entáhak ma'a átog apagkok nak.

Isaías 40:4

Kólapagkokxa ekyókxoho m'a xóp élyapwátéyak nak, kólpeykásekxa m'a egkexe nak tén han ma'a egkexe étkók nak, kóltemessásekxa éláxñeyo agko' xapop ma'a yókxexma élekhahéyak nak xapop tén han ma'a ekxámokmakxa nak meteymog élwenaqte.

Isaías 42:16

Sa' alya'ásekxak anaqlakxak énxet'ák meyke nak apaqta'ák ma'a ámay melya'ásegkaxa nak. Élseyéxma sa' atnessásekxak apmonye'e m'a ekyaqtéssóxma nak, keñe sa' xapop éláxñeyo m'a élyapwáteyak nak chá'a. Alának sa' ko'o ekyókxoho xa aqsok nak.

Isaías 45:13

Ko'o axta séltémo etyapok ma'a Ciro yaqwayam enxoho emallánek nepyeseksa m'a apkelenmexma, waxyawássesek sa' nahan apxega m'a ekyókxoho ámay; sa' elánekxak tegma apwányam ahagkok ma'a, sa' elántekkesek énxet'ák ahagkok kélnaqleykekxa axta megkatnahakxa apkelókxa m'a, meyke apkeltémo kólyánmagkasek tén han ekyaqmageykekxa apkelántekkesso.” Wesse' egegkok, ekha nak apyennaqte apxeyenma xa.

Isaías 48:15

Ko'o axta sekxeyenma xa, ko'o axta seyáneyeykha tén han séltémo exegma', tásek sa' chá'a katnehek apwayam ma'a apmahágkaxa enxoho chá'a.

Jeremías 28:13

“Ey'ókxa sa' Hananías, eltennaksek sa' sektáha ko'o sekpeywa s'e, sektáha nak Wesse': Apkelekkexákxeyk axta exchep yámet, élánéssek eyke ko'o exchep xama sawo ekyentaxno.

Jeremías 51:30

Apkelwáteságkek apkempakhe m'a sẽlpextétamo Babilonia, apkelhákxeyk ma'a tegma apkelyennaqte apagkok nak; massék apkelyennaqte, máxa kelán'ák aptamhágkokxa'. Apkelántaxneykpek ma'a tegma apkelyawe apagkok nak, kélwatneyásekxeyk ma'a apxanák.

Jeremías 51:58

Ektáhak ko'o sekpeywa s'e, sektáha nak Wesse' ekha sekyennaqte: Kólyaqnegkesek sa' ekyókxoho m'a kélhaxtegkesso ekyawe nak ekpayhakxa m'a Babilonia, kólwatnekxak sa' ma'a átog apagkok élyawe nak. Kaqhok sa' chá'a eltemeykha énxet'ák, hakte táxa sa' kalwatnések chá'a m'a apkelwasqápeykekxoho nak apkelánéyak.”

Daniel 5:28

keñe PARSÍN ekxeyenma: ekyeptamáxche neyseksa m'a aptémakxa nak wesse' apwányam, énxet'ák medos sa' kólmeyásekxa', tén han persas.”

Daniel 8:4

Ekwet'ak axta chá'a aptégwokmo nepkések apkennawók ma'a ekpayho nak ektaxnegwánxa ekhem, nexcheyha, tén han nepyeyam, méko axta han xama enxoho aqsok nawhak ekmowána kanmexekxa', tén han kagketaxchek aptégwokmo enxoho. Apkelanak axta chá'a m'a apmakókxa enxoho chá'a elána', yágwokmók axta aqsa han apyennaqte.

Nahúm 3:13

Máxa kelán'a m'a sẽlpextétamo agkok nak; kelmayhégkek atña'ák apchókxa yaqwayam elántexek ma'a kélenmexma; kelwatneyk táxa m'a kélápeykekxexa nak chá'a atña'ák kélagkok.