Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaías 45:14 - Biblia Enxet

14 Aptáhak apcháneya Wesse' egegkok Israel se'e: “Elyelqakpok sa' aqsa nápaqtók xép ma'a énxet'ák Egipto apkeltamheykha nak chá'a yókxexma, tén han ma'a énxet'ák ekha nak chá'a aqsok apkexeykekxa m'a Etiopía, tén han ma'a énxet'ák Sabá, cham'a énxet'ák apkelwenaqte nak, apkelásenneykha naqsa sa' etnehek; elxog sa' neptámen xép yetlo kélpextete cadenas, eltekxeyagkok sa' aptapnák xóp apmonye' exchep tén sa' etnehek yának se'e: ‘Naqsók apha kélnepyeseksa kéxegke Dios, méko pók, méko pók kéláyókxa.’”

အခန်းကိုကြည့်ပါ။ ကော်ပီ




Isaías 45:14
41 ပူးပေါင်းရင်းမြစ်များ  

Apxámok sa' nahan etnehek énxet apkeláneykha, eltekxeyagkok sa' chá'a aptapnák nápaqtók xép pók aptémakxa énxet'ák. Etne sa' apkemha apmonye' nepyeseksa m'a apkelyáxeg'a, ¡eltekxeyagkok sa' han aptapnák apmonye' exchep! Eltaqnaweykpok sa' chá'a m'a apyemneykha nak chá'a exchep. Apkeleñémo sa' chá'a kólteméssesek ma'a ektaqmeleykha nak chá'a appeywa exének xép.”


Tepékxeyk axta makham mók kempakhakma m'a Gat. Aphegkek axta han xama énxet apwenaqte apagko' ma'a, veinticuatro axta apophék: seis axta apophék apmék, tén han seis ma'a apmagkok nak. Axta han aptawán'ák neptámen ma'a énxet'ák apkelwenaqte axta,


Kelpayhekxeyk axta apkelwáxok judíos ekyókxoho apchókxa tén han tegma apkelyawe, tén han yókxexma ekweykenxa axta chá'a m'a wesse' apwányam appeywa. Apkelánegkek axta ektámaxche ekyawe tén han apkelsawássessamo. Apxámok axta nahan apkeltemessásamakpekxa chá'a judíos nepyeseksa m'a énxet'ák apheykha axta m'a apkelókxa nak, hakte apkeláyak axta kaxwo'.


pelakkassek aqsa apkelwa'a sabeos apkelmenyexma, apkelmenyexágkek axta kélnaqtósso, sawo han chá'a apkelyetxeyk apkelnapa m'a énxet'ák. Ko'o aqsa exakkók seyewagko sekxeganakmo, yaqwayam enxoho ay'óták xép altennásseta'.


Méko sa' chá'a keygwakkasek apkellókasa enxoho chá'a apyampé. Apxámok sa' énxet ey'áwak xép yaqwayam eltamhok epasmok.


Nágkólésagkoho kólmeneykmássesek Dios, yetlo kélmeykha sókwenaqte ánet ahamtek,


yaqwayam enxoho kólpextétek ma'a kelwesse'e apkelwányam, keñe han kólpextétek cadena élyentaxno sawo m'a énxet'ák apkelyennaqte nak,


Tén sa' elxegmak hey'áwak ko'o apyókxoho apkeláneykha nak xép se'e, eltekxeyagkok sa' aptapnák etnehek heyának se'e: ‘Kólxeg, xép tén han ma'a apyókxoho énxet'ák ektáha nak chá'a exchep apkelyetleykha.’ Sa' agkok katnahak xa, maxñehek sa' makham. Aplókók apagko' axta Moisés aptepa m'a aphakxa faraón.


Kóllano, apkelyaqnenchásegkek yenta'a élyawe yetlo apyennaqtésso apyempehek ma'a Wesse' ekha nak apyennaqte; apkelyaqtennákxók ma'a élwenaqte agko' nak, hagwa'akteyk náxop ma'a élweykmoho nak netnók agko' ma'a naw'ék.


¡Apchókxa laye, élpáweykegkaxa nak axempenák askok, apchókxa ekyetnama nak ma'a teyp agko' nak wátsam Etiopía,


Cháxa ekhem nak, kólsantagkasek sa' aqsok kélmésso naqsa m'a Wesse' ekha nak apyennaqte, apagkok ma'a énxet'ák apkelwenaqte nak, éláxñeyo nak apyempe'ék, énxet'ák apkeleymáp nak chá'a ekyókxoho yókxexma, énxet'ák apkelyennaqte nak tén han apkeleymákpoho, apheykha nak ma'a xapop ekyetnamakxa nak wátsam yegmen. Kólsantagkasek sa' ma'a egkexe Sión, kélwóneykegkaxa nak chá'a apwesey m'a Wesse' ekha nak apyennaqte.


Eltennasakpok sa' Wesse' egegkok ma'a egipcios, keñe sa' elya'asagkohok Wesse' egegkok ma'a, elpeykeshok sa', elmések sa' nahan aqsok apkelnapma tén han ma'a aqsok apkelmésso naqsa. Eltennaksek sa' nahan aqsok apmáheyo elanagkok ma'a Wesse' egegkok, elanagkok sa' nahan.


Ellegássesagkohok sa' Wesse' egegkok ma'a énxet'ák Egipto, keñe sa' natámen eltaqmelchásekxak makham. Elyo'ókxak sa' makham Wesse' egegkok ma'a, keñe sa' elásekhekxohok makham, eltaqmelchessók sa' nahan.


Keñe sa' ma'a ekwete nak ekyánmaga élyánmagkásamáxche kólpagkanchesek ma'a Wesse' egegkok; megkólaqxegkesek sa' kañe', megkóltaqmelchesek sa' nahan. Sa' kólmésagkok chá'a m'a apkeltemessáseykha nak chá'a Wesse' egegkok, yaqwayam sa' etegyagkok chá'a ekxámokma m'a aptéyak tén han ma'a apkelántaxno apkeltaqmalma nak.


Hakte ko'o sekteme Wesse' apagkok, apwagkasso teyp, Dios Sektaqmalma nak ma'a Israel. Ekmomchek axta ko'o exchep; ekyánmagkassegkek axta ekyaqmageykekxa exchep ma'a Egipto, Etiopía tén han Sabá,


¡Kólwasqápekxoho, nágkóle'! Axta ektemék ko'o sélanagkama kéxegke xa ektáha nak, eklegassegkek axta m'a nanók agko' axta, kéxegke kélteme kélya'áseykegkoho. ¿Yetneyk enxeykel'a pók dios mók nekha? Méko pók apkelmasma énxet; mateyk xama enxoho.”


Sa' etnehek elpaqmétek se'e: ‘Wesse' egegkok aqsa yetnók ma'a negmallane nak tén han negyennaqte.’ Elmegqágwakxohok sa' apyókxoho m'a setaqnagko nak chá'a ko'o.


Sa' katnehek ekteme yapmeyk ma'a kelwesse'e apkelwányam nak keñe sa' ektaqmelchesso chá'a m'a kelwesse'e kelwán'ák nak. Eltekxeyagkok sa' chá'a aptapnák xóp amonye' exche', ekwokmoho apkeltekxeya nápaqta'a xóp ekweykekxoho m'a kelwesse'e kelwán'ák nak, awanhók agko' sa' katnehek apcháyo. Keñe sa' kay'asagkohok ko'o sekteme Wesse', kay'asagkohok sa' nahan memegqáyhek chá'a m'a ektáha nak ko'o mehey'ásseyam.”


hakte kasawhekxohok sa' xeye' m'a ekyókxoho yókxexma; elmok sa' ekxámokma agko' apkelókxa m'a atawán'ák natámen nak xeye', exnakha sa' nahan ma'a tegma apkelyawe meykexa nak énxet se'e kaxwo' nak.


Elwónmakha sa' xép ma'a énxet'ák melya'ásegko nak; enaqtémegmak sa' elya'áwak xép ma'a énxet'ák melweteya nak, hakte ekteméssessegkek ko'o exchep ekha kéláyo ko'o sektáha nak Wesse' apagkok, Dios Aptaqmalma nak ma'a Israel.


Elya'áwak sa' apyókxoho énxet'ák ma'a élseyéxma kélagkok nak, elya'áwak sa' kelwesse'e apkelwányam ma'a élyenmakxa nak ekhem axnagkok kélagkok.


Kélya'áseykegkoho ekyókxoho yókxexma sa' nahan etnahagkok nepyeseksa pók aptémakxa énxet'ák ma'a aptawán'ák neptámen nak; elya'asagkohok sa' chá'a apyókxoho énxet apkelwet'a enxoho chá'a apteme énxet'ák appasmo nak chá'a m'a Wesse' egegkok.


Wesse', segkésso nak sekyennaqte, tén han setaqmelchesso, semasma nak chá'a ekwa'a enxoho ekmaso sekha; xeyep sa' elyo'ótak pók aptémakxa énxet'ák apkeleñama m'a makhawók agko' nak xapop. Sa' etnehek chá'a yának se'e: “Wánxa axta aqsa apkelxaweykekxo ẽlyapmeyk nano' negko'o m'a aqsok kéláyókxa ekteme nak mékoho, tén han meyke nak ekmowána.


Legáxcheyk axta apkelwehéseykha énxet apxámokma apkelánegko ekneywomáxche; axta m'a énxet'ák apkeleñama axta yókxexma meykexa nak énxet, cham'a apkelnáxegkáseyncha'a axta m'a kelán'ák apkelatchessásegko naxta'a amék ma'a eknegkenma nak chá'a amék tén han apqatkok ma'a élháxaqxo éltaqmalma agko' nak.


Aphawók xép ma'a yámet ciprés essenhan ma'a yámet cedro émha nak yókxexma Líbano, éltaqmalmal'a áwa', ekyentaxnól'a pessesse agkok katnamok ma'a naxma, élwenaqte agko' la'a, élweykekxohol'a naw'ék ma'a yaphope.


Akxakkasek sa' ekha ekyánmaga kélketchek apkelennay'a, tén han kelwán'ák nak almések ma'a judíos, yaqwayam sa' ekxeykxak ekha ekyánmaga elmések ma'a sabeos, énxet apheykha nak makhawók agko'. Ko'o sekxeyenma xa, sektáha nak Wesse'.”


Apkeltennáseyha axta han israelitas ektáha ekmaso m'a apchókxa apkelmahágkaxa axta apkelano. Aptáhak axta apkeláneya s'e: —Kalnáphok énxet apheykha nak kañe' m'a xapop nélmahágkaxa axta negko'o nenlano, apyapmók nahan apyókxoho énxet negwetágwokmo axta negko'o m'a.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ