Isaías 45:1 - Biblia Enxet

¹ Apteméssessek axta Wesse' egegkok wesse' apwányam ma'a Ciro, apmeyk axta apmek apkelya'assamakxa yaqwayam enxoho etnehek apkeláneykha apyókxoho énxet'ák keso náxop tén han yaqwayam elyementók chá'a apkelmeykha apkenchesso kempakhakma m'a kelwesse'e apkelwányam nak. Apkeltamhók axta nahan kólmeykessesek chá'a átog tegma apkelyawe apmonye' Ciro m'a Wesse' egegkok meyke enxoho xama énxet apmopwána yápekxa'. Tén axta aptáha apcháneya s'e:

Isaías 45:1 ပူးပေါင်းရင်းမြစ်များ

1 Reyes 19:15

Keñe axta Wesse' egegkok aptáha apcháneya: “Exeg, emyekxa sa' makham ma'a appéwomókxa axta apxegeykmo meykexa énxet nak ma'a Damasco. Etnéssessekxa sa' Hazael wesse' apwányam ma'a Siria,

Esdras 1:1

Aptamháha axta apwáxok Wesse' egegkok ma'a Ciro, wesse' apwányam nak Persia, yaqwayam eñeksek ekyókxoho aptémakxa nak wesse' apwányam ma'a appeywa, tén han aptáxésso, keso segánamakxa apagkok nak, cham'a ekwokmo axta xama apyeyam apteme wesse' apwányam, yaqwayam enxoho katnehek ma'a Wesse' egegkok appeywa aplegassama axta m'a Jeremías:

Esdras 1:2

“Axta aptáhak Ciro, wesse' apwányam nak Persia s'e: Egkéssek ko'o Wesse' egegkok, Dios apha nak néten, ekyókxoho yókxexma nak keso náxop, apkeltamhók han alanaksek tegma appagkanamap ma'a Jerusalén, ekpayho nak ma'a yókxexma Judá.

Job 12:21

Meyke kéláyo chá'a etnessásekxak ma'a kelwesse'e nak, elyélaqtéshok han chá'a m'a ekha nak apkelyennaqte.

Salmos 73:23

Ekhegkek axta eyke aqsa chá'a ko'o xamo' xép, apmeykegkek axta émek apkelya'assamakxa,

Isaías 13:2

“¡Kólchexen néten egkexe eyáxñeyo xama apáwa magkenatchesso peya kólempakha'! ¡Kólána' ektamagkok ma'a sẽlpextétamo! ¡Kólya'ásses néten kélmék yaqwayam sa' elántaxnegwók ma'a kelwesse'e nak atña'ák apagkok!

Isaías 13:3

Élwóneyha ko'o m'a énxet'ák ahagkok apkelyennaqte nak, ekméssek nahan sekpeywa m'a kempakhakma yapmeyk ahagkok sélyéseykha nak, élpayheykekxoho nak chá'a apkelwáxok atnessásekxak kóneg ma'a sélenmexma, yaqwayam enxoho elanagkok chá'a m'a ektémakxa ko'o séllegassáseykegkoho.”

Isaías 41:13

Hakte amagkok sa' ko'o exchep ma'a apmék, ko'o sektáha nak Dios Wesse' apagkok, ektemék xeyk ko'o seyáneya exchep se'e: ‘Nágyé aqsa, apasmok sa'.’”

Isaías 41:2

¿Yaqsa axta éltémo éphagwak teyapmakxa ekhem xa wesse' apwányam apmallanmo nak chá'a kempakhakma? ¿Yaqsa axta éltémo elmok chá'a m'a pók aptémakxa nak chá'a énxet'ák? ¿Yaqsa axta éltémo etnéssásekxak chá'a mékoho m'a kelwesse'e apkelwányam nak, yaqwayam enxoho etnekxohok chá'a xamo' apnek ma'a sókwenaqte apagkok nak tén han ma'a yágke apagkok nak, keñe yexpánchesha chá'a ektémól'a m'a yámet áwa' apák?

Isaías 41:25

“Éltamhók axta ko'o éphagwak xama énxet ma'a ekpayho nak teyapmakxa ekhem; ekwóneyha axta apwesey, tén axta apyephagwa'a m'a ekpayho nak nexcheyha. Máxa axta yelpa' aptemessásak apkelteyammeyncha'a m'a kelwesse'e apkeláneykha nak chá'a apkelókxa; máxa axta aptáhak ma'a aptémól'a apkelane yátegwáxwa eyélaqtések yelpa' m'a apmagkok.

Isaías 42:6

“Ekwóneykha axta ko'o exchep, ko'o sektáha nak Wesse', ekmeyk axta apmek, yaqwayam enxoho etnehek apkelwagkasso teyp énxet'ák; éláneyak axta ko'o exchep, hakte émenyeyk axta etnehek magkenatchesso ekhémo mók sélpaqhetchásamáxkoho ko'o m'a énxet'ák, tén han élseyéxma apagkok ma'a pók aptémakxa nak chá'a énxet'ák,

Isaías 44:28

Ektáhak ko'o seyáneya Ciro s'e: ‘Xép apteme keláneykha nepkések ahagkok, xép sa' elának chá'a ekyókxoho m'a sekmámenyého nak chá'a ko'o’; ektáhak nahan seyáneya Jerusalén se'e: ‘Kóllánekxak sa' makham xép’; keñe tegma appagkanamap sektáha seyáneya s'e: ‘Kólnegkenchesek sa' kóneg xép yaqwayam keynnaqtések.’”

Isaías 45:5

Ko'o sekteme Wesse', méko pók; méko pók Dios mók nekha. Eltáméssegkek axta ko'o exchep yaqwayam elnapakpok neyseksa mehey'áseyak,

Isaías 48:15

Ko'o axta sekxeyenma xa, ko'o axta seyáneyeykha tén han séltémo exegma', tásek sa' chá'a katnehek apwayam ma'a apmahágkaxa enxoho chá'a.

Jeremías 27:6

Ekméssek ko'o séláneykha Nabucodonosor yaqwayam elanha s'e ekyókxoho xapop nak, wesse' apwányam nak Babilonia, ekwokmók nahan séltémo etnehek apkeláneykha m'a aqsok nawha'ák nak.

Jeremías 43:10

Etne sa' elának se'e: ‘Aptáhak Wesse' ekha apyennaqte, Dios apagkok nak Israel se'e: Wának sa' ko'o exegmak séláneykha Nabucodonosor, wesse' apwányam nak Babilonia, apekkenchessak sa' aptaháno, tén han appakxanma aptaqmalma s'e néten nak meteymog, sélátawanya exchek ko'o s'e.

Jeremías 50:3

Hakte nexcheyha apkeleñamak apkelxegakmo apketamakmo m'a yaqwayam sa' etnessásekxak yókxexma meykexa énxet ma'a apchókxa nak. Méko sa' xama énxet exnekxak ma'a tén han aqsok kélnaqtósso, hakte yenyahagkok sa' apyókxoho énxet.”

Jeremías 50:35

Aptáhak Wesse' egegkok se'e: “¡Kólaqha Babilonia, yetlo m'a apheykha nak kañe'! ¡Tén han ma'a apkelámha apmonye'e apagkok, yetlo m'a apkelmopwancha'a nak aqsok!

Jeremías 51:11

Peyk emasséssók Wesse' egegkok ma'a Babilonia, apnaqxétekhássásegkek han apkelwáxok ma'a kelwesse'e apkelwányam nak Media. Cháxa yaqwayam eyaqmagkásekxak Wesse' egegkok apteméssessamakxa axta m'a tegma appagkanamap apagkok. ¡Kóllánekxa yágke aktek kélagkok! ¡Kólmák sa' kéláhakkásamáxche!

Jeremías 51:30

Apkelwáteságkek apkempakhe m'a sẽlpextétamo Babilonia, apkelhákxeyk ma'a tegma apkelyennaqte apagkok nak; massék apkelyennaqte, máxa kelán'ák aptamhágkokxa'. Apkelántaxneykpek ma'a tegma apkelyawe apagkok nak, kélwatneyásekxeyk ma'a apxanák.

Jeremías 51:58

Ektáhak ko'o sekpeywa s'e, sektáha nak Wesse' ekha sekyennaqte: Kólyaqnegkesek sa' ekyókxoho m'a kélhaxtegkesso ekyawe nak ekpayhakxa m'a Babilonia, kólwatnekxak sa' ma'a átog apagkok élyawe nak. Kaqhok sa' chá'a eltemeykha énxet'ák, hakte táxa sa' kalwatnések chá'a m'a apkelwasqápeykekxoho nak apkelánéyak.”

Ezequiel 29:20

Wának sa' ko'o emok Nabucodonosor ma'a Egipto, ekyánmaga apwasqápeykekxoho apketámeyak ma'a tegma apwányam Tiro, hakte ko'o axta setnessáseykha m'a. Ko'o sekxeyenma xa, sektáha nak Wesse'.

Daniel 5:6

mopeykxók axta nápat, apkelpexyennegkek axta apkeye.

Daniel 7:5

“Keñe m'a ektétéyak nak, ekhawo m'a óso, yáma énmeykha axta táhak, ántánxo aqsok akhák axta han éltakxeykha; ekleg'ak axta han ektáha eyáneyáxko s'e: ‘¡Katnemekxa néten, kataw ápetek ekwánxa enxoho ekleklakmo!’

Daniel 8:3

Énmexawók axta makhawo', ekwet'ak axta xama nepkések apkennawók apyagqa m'a neyáwa nak wátsam. Ánet axta han apkepet'ák élwenaqte, axayók axta han tepeykxak xama ekwenaqte agko', kelyeykhágkek axta m'a amonye' élánteyapma.

Daniel 8:4

Ekwet'ak axta chá'a aptégwokmo nepkések apkennawók ma'a ekpayho nak ektaxnegwánxa ekhem, nexcheyha, tén han nepyeyam, méko axta han xama enxoho aqsok nawhak ekmowána kanmexekxa', tén han kagketaxchek aptégwokmo enxoho. Apkelanak axta chá'a m'a apmakókxa enxoho chá'a elána', yágwokmók axta aqsa han apyennaqte.

Nahúm 2:6

Apkelmeykáseykxeyk atña'ák ma'a wátsam, keñe apteyekmo m'a tegma aptaqmalma.

Nahúm 3:13

Máxa kelán'a m'a sẽlpextétamo agkok nak; kelmayhégkek atña'ák apchókxa yaqwayam elántexek ma'a kélenmexma; kelwatneyk táxa m'a kélápeykekxexa nak chá'a atña'ák kélagkok.