Isaías 43:10 - Biblia Enxet

¹⁰ Aptáhak Wesse' egegkok se'e: “Kéxegke kélteme kélweteykegkoho chá'a aqsok sélane, kéltáha nak séláneykha, sélyéseykha axta yaqwayam hélyekpelkohok chá'a tén han héláwho', tén han hélya'asagkohok chá'a yaqsa ko'o. Méko axta xama aqsok kéláyókxa maweykxa axta ko'o, méko sa' nahan katnehek xama enxoho m'a netámen sa'.

Isaías 43:10 ပူးပေါင်းရင်းမြစ်များ

Salmos 102:27

Meyaqmagkassemek eyke chá'a aptémakxa exchep, megkatnégwomek néxa apha.

Éxodo 8:6

Apya'ássek axta néten aptasqapeykha Aarón ekpayhókxa axta chá'a ekheykegkaxa yegmen ma'a kañe' Egipto, apsawhekxók axta nahan paha' apkelántaxnegwokmo m'a ekyókxoho nak kañe' Egipto apkeleñama axta apkelánteyapma m'a neygmen nak.

Isaías 41:20

yaqwayam sa' elwetak apyókxoho énxet tén han elya'asagkoho', tén han etaqmelcheshok apkelányo, tén han elyekpelkoho' ektáha ko'o sélane yetlo sekmowána xa, ko'o sektáha nak Wesse', tén han ektáha sélántekkesso ko'o sektáha nak Dios Sektaqmalma m'a Israel.”

Isaías 41:4

¿Yaqsa axta élane xa aqsok nak? ¿Yaqsa axta éltémo chá'a katnehek ekyókxoho aqsok ektéma axta chá'a m'a sekxók eyeynamókxa axta keso nélwanmégkaxa? Ko'o sekwánxa ahagkok sekteme exakko' Wesse' Dios, eyeynókxa tén han ektemegwánxa néxa.

Isaías 41:8

“Israel, apteme nak séláneykha, yeyxho sa' sekpeywa. Jacob, apteme axta sélyéseykha, aptáwen neptámen axta m'a sekteme émók Abraham:

Isaías 42:1

“Keso seyásenneykha ko'o s'e, sekpasmoma nak chá'a, sélyéseykha axta, ekleklamo nak ewáxok aptémakxa'. Ekméssegkek ko'o espíritu ahagkok xa yaqwayam enxoho etaqmelchessásekxak apheykha m'a apyókxoho pók aptémakxa nak chá'a énxet'ák.

Isaías 43:12

Aptáhak Wesse' egegkok se'e: “Ko'o séltennáseykha tén han seklegasso: ko'o sélwagkasso teyp; háwe m'a mók aqsok kéláyókxa eñama nak mók nekha, kéxegke kélteme kélweteykegkoho.

Isaías 45:5

Ko'o sekteme Wesse', méko pók; méko pók Dios mók nekha. Eltáméssegkek axta ko'o exchep yaqwayam elnapakpok neyseksa mehey'áseyak,

Isaías 45:6

yaqwayam enxoho kólya'asagkohok méko xama enxoho sekhawo ko'o m'a ekyókxoho teyapmakxa ekhem nak tén han ma'a taxnegwánxa ekhem nak. Ko'o sekteme Wesse', méko pók.

Isaías 48:12

“Israel, yeyxho sekpeywa, Jacob, sekwóneykha axta: Ko'o sekteme wánxa xama Dios, ko'o sekteme eyeynókxa tén han ektemegwánxa néxa.

Isaías 49:23

Sa' katnehek ekteme yapmeyk ma'a kelwesse'e apkelwányam nak keñe sa' ektaqmelchesso chá'a m'a kelwesse'e kelwán'ák nak. Eltekxeyagkok sa' chá'a aptapnák xóp amonye' exche', ekwokmoho apkeltekxeya nápaqta'a xóp ekweykekxoho m'a kelwesse'e kelwán'ák nak, awanhók agko' sa' katnehek apcháyo. Keñe sa' kay'asagkohok ko'o sekteme Wesse', kay'asagkohok sa' nahan memegqáyhek chá'a m'a ektáha nak ko'o mehey'ásseyam.”

Isaías 55:4

Ekteméssessegkek axta ko'o apkemha apmonye' tén han apkelxekmowáséyak chá'a énxet'ák ma'a, yaqwayam enxoho kañék chá'a ekwetamaxche m'a sekmowána.

Hageo 2:23

Ataqmelchesek sa' ko'o exchep xa ekhem nak Zorobabel, apteme nak séláneykha, sa' atnéssesek ma'a ektémól'a sétchesso ephék sélqahassól'a, hakte élyéseykha ko'o exchep. Ko'o sekxeyenma xa, sektáha nak Wesse' ekha sekyennaqte.”

Deuteronomio 32:39

Ko'o sekwánxa ahagkok xama Dios; méko mók aqsok kéláyókxa, Ko'o sekmésso chá'a ekyennaqte apnények énxet, tén han apketsapma chá'a; ko'o nahan sekyensasso chá'a, tén han sektaqmelchessesseyam chá'a. ¡Méko xama énxet hégketek ko'o!

Deuteronomio 4:35

Cháxa apxekmóssama axta kéxegke Wesse' egegkok xa yaqwayam enxoho kólya'asagkohok apteme apmámnaqsoho Dios, méko pók aphawo enxoho.

Deuteronomio 4:39

“Nágkólwatéssem ekxéneykha kélwáxok Wesse' egegkok apteme Dios ma'a néten tén han keso náxop, méko pók aphawo enxoho m'a.