Isaías 43:1 - Biblia Enxet

¹ Aptáhak kaxwók xép apcháneya Wesse' egegkok se'e, Israel, ektáha axta apkelane, Jacob ektáha axta aptekkesso: “Nágyé aqsa, ekwagkassek ko'o exchep teyp; ekwóneyha apwesey, xép apteme ahagkok.

Isaías 43:1 ပူးပေါင်းရင်းမြစ်များ

Génesis 32:28

Keñe axta énxet aptáha apcháneya s'e: —Kamaskok sa' kaxwók xép apteme apwesey Jacob. Israel sa' kaxwók xép etnehek apwesey, hakte apkelnápeykpek Dios, tén han ma'a énxet'ák, apyeykhássekmók han apyennaqte.

Salmos 100:3

Kólya'asagkoho Wesse' egegkok apteme Dios; cha'a senlane negko'o m'a, tén han apagkok; ¡negko'o nenteme énxet'ák apagkok, tén han nepkések apnaqtósso apkelleykha nak yókxexma apagkok!

Salmos 102:18

Kanaqtáxésaxchek sa' weykcha'áhak xa, yaqwayam sa' kaleyxek makham ma'a aptépeykekxa sa' makham egmonye', yaqwayam sa' elpeykeshok Wesse' egegkok ma'a mepallakmo nak makham.

Éxodo 15:13

Yetlo apkelásekhayo exchep apnaqleykha s'e énxet'ák apagkok apkelwagkasa nak teyp; yetlo apmopwána nahan apnaqleykekxak ma'a yókxexma ekpagkanamaxchexa apagkok nak.

Éxodo 15:16

“Wesse' egegkok, ¡elyegwakkas!, ¡yána' yeygkok! ¡tásek exmakha aqsa ektémól'a kaxnagkok ma'a meteymog eñama xa apmopwána ekyennaqte nak, ekwokmoho sa' apkelyeyk'a m'a énxet'ák apagkok, cham'a énxet'ák apteme nak xeyep apagkok!

Éxodo 33:17

—Alának sa' nahan ko'o xa aptáhakxa nak seyáneya, hakte leklamók chá'a ewáxok xeyep, ekweteyak nahan aptémakxa —axta aptáhak Wesse' egegkok.

Isaías 27:11

Kalekkexaxchek chá'a aktegák xama yámet ekyawe élyamaka enxoho; keñe chá'a kelán'a kalmok katnehek táxa agkok. Énxet meyke apkelya'áséyak aqsok xa. Ékeso éñamakxa peya sa' megkalepyósek elanok ma'a ektáha axta Apkelane.

Isaías 41:14

Aptáhak Wesse' egegkok se'e: “Énxet'ák Israel, kélketcheyetsék eykhe kéxegke, nágkóle'; Jacob énxet'ák apagkok, kélyelqáxkók eykhe kéxegke, apasmok sa'. Ko'o sekteme sélmallanchesso chá'a ekyentaxno kélheykha, ko'o sektáha nak Dios sektaqmalma m'a Israel.

Isaías 42:6

“Ekwóneykha axta ko'o exchep, ko'o sektáha nak Wesse', ekmeyk axta apmek, yaqwayam enxoho etnehek apkelwagkasso teyp énxet'ák; éláneyak axta ko'o exchep, hakte émenyeyk axta etnehek magkenatchesso ekhémo mók sélpaqhetchásamáxkoho ko'o m'a énxet'ák, tén han élseyéxma apagkok ma'a pók aptémakxa nak chá'a énxet'ák,

Isaías 43:21

cham'a énxet'ák sélane axta yaqwayam hélpeykeshok ko'o.

Isaías 43:5

Nágye' aqsa, ekheyk ko'o xamók xép. Wának sa' ko'o elchexyók énxet'ák apagkok yaqwayam ewakhegwata', sa' elenyenták ma'a teyapmakxa ekhem nak tén han ma'a taxnegwánxa ekhem.

Isaías 43:7

cham'a apyókxoho ekhémo nak chá'a sekwesey ektáha axta ko'o sélane tén han sélántekkesso, sélane axta ko'o yaqwayam kataxchek seyeymáxkoho.’

Isaías 44:2

Ko'o sekteme Wesse' apagkok, ektáha axta apkelane, séláneya axta m'a sekxók apyetnamakxa axta kañe' egken awáxok, tén han sekpasmoma nak chá'a. Jesurún, séláneykha Jacob apteme axta sélyéseykha, nágye aqsa,

Isaías 45:11

Aptáhak Wesse' egegkok se'e, cham'a Dios Aptaqmalma nak Israel, ektáha axta apkelane: “¿Hélmaxneyha enxoho sa' eykel'a ko'o kéxegke sekteméssessamakxa m'a étchek nak ko'o? ¿Hélxekmósagkoya sa' kéltamhókxa enxoho chá'a atnehek sélane aqsok?

Isaías 48:17

Aptáhak Wesse' egegkok se'e, apwagkasso nak chá'a teyp, Dios aptaqmalma nak ma'a Israel: “Ko'o sekteme Dios Wesse' apagkok; élxekmóssegkek axta ko'o exchep aqsok yaqwayam nak kapasmok, ekxekmóssegkek axta m'a ámay eyeyméxchexa nak étlók.

Isaías 48:20

Kólántép Babilonia, kólxegánem nepyeseksa m'a énxet'ák caldeos. Kóllegés yetlo kélpáxameykha kélátseykha s'e amya'a nak, kólya'assásegwók ekweykmoho m'a néxa xapop nak. Kólteme kólpaqmétek se'e: “¡Apwagkassek teyp Wesse' egegkok ma'a Jacob cham'a apkeláneykha nak!”

Isaías 49:1

Kóleyxho sekpeywa, kéxegke, kélheykha nak apkelókxa neyáwa wátsam ekwányam, kóltaqmelchesho kélháxenmo sekpeywa, kélheykha nak makhawók agko': Ewóneykha axta ko'o Wesse' egegkok matyeykemxa axta makham keso náxop; apxeyenmeyk axta sekwesey m'a sekyetnamakxa axta makham kañe' méme awáxok.

Isaías 49:26

Wának sa' ko'o etawagkokxak aphápetek apancha'awók ma'a apsawhéssamo axta aqsok kélagkok, wának sa' kalnápekxak ma'a éma apagkok apagko' nak ektémól'a énagkok ma'a vino. Keñe sa' elya'asagkohok apyókxoho énxet ektáha ko'o sekwagkasso teyp, ko'o sektáha nak Wesse'; elya'asagkohok sa' sektáha sekmallahanchesso aqsok ekyentaxno, ko'o sektáha nak Jacob Wesse' apagkok ekha sekyennaqte.”

Isaías 51:13

¿Péya kalwagqamagkok ma'a Wesse' kélagkok, ektáha axta apkelane, ektáha axta nahan appeykesso néten ma'a yaphope tén han apkelane m'a xapop? ¿Péya kólpexyennók aqsa chá'a kélaye yókxoho ekhem eñama apkeltaqnawéyak ma'a ektáha nak chá'a apnaqtawáseykegkoho, appencheséyak nak aptamhágkaxa yaqwayam emasséssók? ¿Háxko eyke ekyetnakxa xa apkello nak?

Isaías 52:9

¡Kólwehesha ekyennaqte agko' kólátsaha, kélheykha nak Jerusalén tegma apwányam kéltawáseykha nak, hakte apkelásekhákxók Wesse' egegkok ma'a énxet'ák apagkok, apwagkassek teyp ma'a Jerusalén!

Isaías 62:12

Eltamhakpok sa' israelitas “Énxet'ák apkelpagkanamap”, “Wesse' egegkok apkelwagkasso teyp”, keñe sa' Jerusalén eltamhakpok, “Tegma apwányam kélmámenyého”, “Tegma apwányam metaqmópéyak”.

Isaías 63:16

¡Xép apteme negko'o egyáp! Mehẽlya'ásegkok eykhe m'a Abraham, megkaxénwakxók nahan negko'o apwáxok ma'a Israel, Wesse', xép apteme negko'o egyáp; nanók xép apteme sẽlwagkasso teyp.

Isaías 63:9

ekyókxoho apkellegeykegkoho ekyentaxnamo apkelwáxok ma'a. Háwe apkelwagkasso teyp xama m'a apkelápháseykha nak xép; Wesse' egegkok apagko' axta. Axta apkelwagkasso teyp ma'a eñama apkelásekhayo tén han apkelmopyóseka apkelányo, apkelchampásekxeyk axta néten keñe apkelqeynákxo. Cháxa apteméssessamakxa chá'a yókxoho ekhem xa ektáha nak.

Jeremías 31:3

makhawók axta ko'o ekxekmowásamáxkoho. Megkamassegweykmok ko'o makham sélásekhayo; cháxa keñamak sélenxáneykmoho nak ko'o ektaqmeleykha ewáxok sélányo.

Jeremías 33:24

“¿Ya ékpelchak xép apxéna énxet'ák sélyetnakhasa ko'o ánet apheykegkaxa énxet'ák ektáha axta ko'o sélyéseykha ahagko', cham'a Israel tén han Judá? ¡Cháxa keñamak kéllano nak chá'a yetlo kélwanyeykha m'a énxet'ák ahagkok, massék kaxwók kélteméssesa xama apchókxa!

Jeremías 33:26

malyetnakhaksek sa' chá'a ko'o m'a Jacob aptawán'ák neptámen, tén han ma'a David séláneykha nak, megkatnehek sa' chá'a matnéssesso xama nepyeseksa yaqwayam etnehek wesse' apwányam nepyeseksa m'a Abraham aptawán'ák neptámen, Isaac tén han ma'a Jacob. Hakte apyósekak sa' chá'a ko'o alanok ma'a, ayaqmagkassesek sa' mók ma'a ektémakxa nak apheykha.”

Jeremías 50:34

Apmeyhek eyke m'a apkelántekkesso nak, apwesey nak Wesse' ekha apyennaqte. Sa' etaqmelchessásekxak apheykha m'a, esógmak sa' meyke ektáhakxa negha m'a apchókxa, keñe sa' ekmaso apheykha m'a apheykha nak Babilonia.”

Lamentaciones 3:57

Ey'awekteyk axta exchep ma'a sekwóneyncha'a axta, keñe aptáha seyáneya s'e: “Nágkatneykha aqsa apwáxok.”

Ezequiel 16:8

“Ekyeykhágweykxeyk axta makham xeye', élanawók axta; wokmek axta kaxwók ma'a ekweykenxal'a kelán'a étkok kawának ektegyeykha ekpagkanma. Eyaqlássek axta ko'o exche' m'a seyaqlamaxche, eyáhakkassek axta m'a meykexa nak apáwa ekyókxa, tén axta sektáha sekpagkanma; élanak axta ekhémo mók sélpaqhetchásamáxkoho exche', ahagkok axta nahan ektáhak. Ko'o sekxeyenma xa, sektáha nak Wesse'.

Daniel 10:19

aptáhak axta seyáneya s'e: ‘Nágye aqsa, nágkatneykha apwáxok. Apchásekhayók xép ma'a Dios; ¡ewasqápekxoho, énnaqteyásekxoho apwáxok!’ “Ekyekpelcheyk axta peya amekxak makham sekyennaqte neyseksa sepaqhetchesso, tén axta sektáha seyáneya s'e: ‘Wesse', héltennés kaxwók apmako exchek héltennaksek, hakte egkeyásekxeyk makham sekyennaqte.’

Malaquías 3:17

Aptáhak Wesse' egegkok ekha nak apyennaqte s'e: “Ekpagkanchek ko'o xama ekhem yaqwánxa sa' etnahagkokxak makham énxet'ák ahagkok ma'a. Sa' atnehek ko'óxa kalepyóshok alanok xa énxet'ák nak, apteméssessamakxal'a apketche énxet kapyóshok elanok ma'a apwéhenayo nak chá'a aptamheykha.

Deuteronomio 32:15

“Apmelayak axta m'a Jesurún, apkeltekpageykha axta apmagkok xapop (apmelayók apagko' axta, apkelyenmomchek axta apmele), tén axta apyamasma m'a Dios, ektáha axta apkelane; aptaqnawágweykmek axta m'a apmasma nak chá'a tén han apwagkasso teyp.

Deuteronomio 32:6

¿keyaxa kélyaqmagkásekxo mók apteméssessamakxa Wesse' egegkok kéltéma xa ektáha nak? Énxet'ák élyeyhaxma meyke nak kélya'áseyak aqsok, ¿háweya kélyáp kéxegke m'a? ¿Háweya apkelane? ¡Axta apkelane kéxegke m'a tén han apmésso kélyennaqte!

Deuteronomio 32:9

hakte Wesse' egegkok axta apkelyéseykha m'a, énxet'ák apagkok axta m'a Jacob énxet'ák apagkok nak.