Isaías 42:7 - Biblia Enxet

⁷ yaqwayam enxoho elwetásekxaxma m'a meyke nak apaqta'ák tén han elántekkesek kañe' m'a apkelmomap nak, cham'a kañe' apkelweynchámeykegkaxa nak ekyáqtésakxaxma.

Isaías 42:7 ပူးပေါင်းရင်းမြစ်များ

Salmos 97:7

Apkelmegqágwákxók ma'a apkelpeykessamo nak chá'a kéleykmássesso, eyaqheykencha'a nak chá'a apkelwáxok ma'a. ¡Kelháxahágkek apmonye' m'a ekyókxoho aqsok ekha nak élmowancha'a!

Isaías 29:18

Ellegak sa' meyke nak apeyk'ák apkelyetsetchesa sa' weykcha'áhak xama énxet xa ekhem nak, keñe sa' ma'a meyke nak apaqta'ák elwetekxaxma, kamaskok sa' elweynchamha ekyáqtésakxaxma.

Isaías 35:5

Keñe sa' ma'a meyke nak apaqta'ák elwetekxaxma tén sa' ma'a meyke nak apeyk'ák ellegekxaxma;

Isaías 42:16

Sa' alya'ásekxak anaqlakxak énxet'ák meyke nak apaqta'ák ma'a ámay melya'ásegkaxa nak. Élseyéxma sa' atnessásekxak apmonye'e m'a ekyaqtéssóxma nak, keñe sa' xapop éláxñeyo m'a élyapwáteyak nak chá'a. Alának sa' ko'o ekyókxoho xa aqsok nak.

Isaías 42:22

kélmenyexchessegkek eyke chá'a aqsok apagkok xa énxet'ák nak, kélyementamomchek nahan chá'a, apyókxoho nahan apkelmomakpok chá'a, kélxatamchek chá'a m'a kañe' magmowagkexa nak antépok; kélmomchek chá'a xa énxet'ák nak méko nahan xama énxet enxoho yaqwayam elántekkesek, kélpóssegkek chá'a, méko nahan chá'a xama énxet enxoho yaqwayam elwagkasek teyp.”

Isaías 49:9

yaqwayam sa' etnehek elának apkelmomap nak se'e: ‘Kólántép’, yaqwayam sa' etnehek elának apheykha nak ekyáqtésakxaxma s'e: ‘Kólántép élsakókxaxma.’ Kólwetak sa' chá'a pa'at ekyókxoho m'a nekhaw'ék ámay, kaxek sa' chá'a ektéyak kélnaqtósso ekyókxoho m'a egkexe meykexa nak chá'a xama aqsok.

Isaías 61:1

Wesse' egegkok espíritu apagkok ko'o sekxegexma, hakte epagkanchek axta ko'o m'a Wesse' egegkok; eyáphássek axta asókasek amya'a ektaqmela m'a énxet'ák meyke nak aqsok apagkok, eyáphássek axta amasséssesek élyaqhápeykha apkelwáxok ma'a énxet'ák élyaqhápeykha nak apkelwáxok, eyáphássek axta allegaksek peya kólchexeykxak ma'a apkelmomap nak, tén han peya kólántekkesek ma'a apheykha nak kañe' negmomaxchexa;

Isaías 9:2

Apkelwet'ak ekyawe agko' élseyéxma m'a énxet'ák apkelweynchámeykencha'a nak ekyáqtésakxaxma; xama élseyéxma élsássessóxma m'a énxet'ák apheykencha'a nak ekyaqtéssamakxa agko' exma.

Miqueas 7:9

Éláneyak ko'o may'assáxma sénmexeykekxo Wesse' egegkok, cháxa keñamak peya nak alenmaxaxkohok ma'a aplo nak; ékpelkohok sa' ko'o sektémakxa m'a, hélánekxések sa' amya'a. Hey'aksek sa' ko'o Wesse' egegkok ma'a élsakókxa nak exma, yának sa' ótak ma'a segwagkasso teyp apagkok.