Isaías 42:5 - Biblia Enxet

⁵ Aptáhak apcháneya apkeláneykha Dios se'e, Dios apkelane axta m'a néten tén han appeykesso axta, apkelane axta m'a xapop tén han apkelántekkesso axta aqsok ekhéyak nak ma'a awáxok, apmésso nak apkelyennaqte tén han apkelennama m'a énxet'ák apheykha ma'a kañe':

Isaías 42:5 ပူးပေါင်းရင်းမြစ်များ

Génesis 1:1

Apkelanak axta sekxók amonye' Dios néten tén han náxop.

Génesis 2:7

Keñe axta Dios Wesse' egegkok apkelana énxet ma'a xapop ánek, apwátekhakkassek axta apwéhek apmésa apyennaqte. Cháxa aptamhákxo axta énxet ekha apkennama.

Job 12:10

Dios apmeykha élyennaqte ekyókxoho aqsok ekha nak élennama.

Job 27:3

segkéssama nak makham sekyennaqte, tén han sénnama,

Job 33:4

Dios ekha Apyennaqte axta ko'o sélane, egkéssegkek axta sekyennaqte apkennama.

Job 34:14

Apkelyementamákxeyk agkok apkelennama m'a énxet'ák élméssama nak apkelyennaqte, eletsapok apyókxoho, xapop makham etnahagkokxa'.

Salmos 136:6

Appekkenma axta xapop néten yegmen, hakte megkamassegwomek chá'a segásekhayo.

Salmos 33:6

Appeywa axta keñamak Wesse' egegkok apkeláneya m'a néten, apwátekhapma axta keñamak élánteyapma m'a ekyókxoho aqsok élápogwáteyák nak néten.

Salmos 96:5

Mékoho m'a aqsok apcháyókxa nak chá'a pók énxet'ák, Wesse' egegkok axta eyke apkelane néten.

Isaías 37:16

“Wesse' ekha apyennaqte, Israel Dios apagkok, apteme nak Wesse' étseksa'ák ma'a apkelásenneykha ekha nak apxempenák apheykha néten, xép apwánxa apagkok apteme Dios ekyókxoho apkelókxa keso náxop; xép axta apkelane m'a néten tén han keso náxop.

Isaías 40:12

¿Yaqsa élyetsáteykegko awáxok ámek ekwánxa ekyawe m'a wátsam ekwányam nak? ¿Yaqsa élyetsáteykegko aphék ekwánxa ekpayhe m'a néten? ¿Yaqsa ekxátama xama kelyetsáteyak ekyókxoho yagkamex nak keso náxop? ¿Yaqsa nahan élyetsáteykegko xama kelyetsáteyak ma'a egkexe tén han ma'a meteymog élekhahéyak nak?

Isaías 40:22

Aphegkek Dios ma'a teyp yaphope eyapma nak keso náxop, máxa séta nahan aptemék apkeláneykencha'a m'a énxet'ák. Máxa kélpakxanma aptemék appeykessama yaphope m'a néten, máxa kélpakxanma aptemék appeykessama, negmowánal'a anxek ma'a kóneg.

Isaías 40:26

Kólsekhekxoho néten, kóllano: ¿Yaqsa axta élane xa ekyókxoho nak? Cham'a apkexpánchesso axta chá'a xama xama m'a yaw'a tén han apnegkenchesso axta chá'a apkelwesey m'a apyókxoho nak. Awanhók agko' ma'a apmopwána tén han apyennaqte, méko xama enxoho apkeymomap.

Isaías 40:28

¿Yagkólya'ásegkok? ¿Yagkóllegeyk nahan? Wesse' egegkok apteme Dios memassegwayam, apkelane ekyókxoho keso nélwanmeygkaxa, meyelqamap tén han meyampé, méko néxa m'a ektémakxa nak apmopwána aqsok.

Isaías 44:24

Keso aptáhakxa nak appeywa Wesse' egegkok se'e, apwagkasso nak teyp, apkelane axta apyetnamakxa m'a kañe' egken awáxok: “Ko'o sekteme Wesse', sélane ekyókxoho aqsok, ko'o axta sekpeykesso m'a néten, tén han sekpekkenma m'a xapop meyke sepasmo.

Isaías 45:12

Éláneyak axta ko'o m'a xapop tén han énxet yaqwayam exmakha m'a kañe', émek axta ektemék sekpeykessama m'a néten tén axta séltémo kalántépok ekyókxoho m'a élápogwátéyak nak.

Isaías 45:18

Aptáhak appeywa ektáha axta apkelane néten se'e, cham'a apteme nak Dios, tén han Wesse' egegkok, apkelane axta xapop tén han aptekkesso axta, ektáha axta appekkenma, apkeláneya axta háwe yaqwayam keytek aqsa meyke aqsok ma'a kañe' yaqwayam exek nahan énxet ma'a: “Ko'o sekteme Wesse', méko pók.

Isaías 48:13

Sekmowána axta ko'o keñamak séláneya m'a xapop, sekmowána axta nahan keñamak sekpeykessama m'a néten; xama axta sekxéna élwesey, yetlómók axta nahan élánteyapma.

Isaías 57:16

Malxénchásekxók sa' chá'a ko'o kaxwók apkeltémakxa m'a énxet'ák ahagkok maltaqnaweygkek sa' nahan chá'a yókxoho ekhem; hakte elyelqakpok katnehek nahaqtók ko'o m'a énxet'ák ektáha axta sélane.

Jeremías 10:12

Yetlo apmopwána axta apkelaneyk Wesse' egegkok xapop; yetlo apya'áseykegkoho axta appekkenmak nélwanmégkaxa; yetlo apmopwána aqsok axta appeykessók ma'a néten.

Jeremías 27:5

Yetlo ekyawe sekmowána axta ko'o élaneyk nélwanmégkaxa, tén han énxet'ák, tén han aqsok nawha'ák élleykha nak awáxok, ewanchek han ko'o agkések sekmakókxa enxoho agkések.

Jeremías 32:17

Wesse', yetlo ekyawe apmopwána axta exchep apkelanék néten tén han keso náxop. Méko xama aqsok megkapwagkexa elának xép.

Jeremías 38:16

Apyexákpók axta eyke wesse' apwányam Sedequías aptáha apmésa ekmámnaqsoho appeywa Jeremías se'e: —Naqsók ko'o ekteméssásak nápaqtók Wesse' egegkok, segmésso nak negyennaqte magwánhek ematñekxa', magkéshek sa' nahan ma'a énxet'ák apmáheyo nak yaqhek.

Ezequiel 18:4

Ko'o sekteme ahagkok ma'a apyókxoho énxet, cham'a apyapmeyk nak tén han ma'a apketchek nak. Apkelanak agkok mey'assáxma xa, yetsapok sa'.

Daniel 5:23

Apkenmexeykekxeyk xép Wesse' egegkok, apkeltémo kólsantagkasek egheykok tén han egheykok élyawe ekhéyak axta m'a tegma appagkanamap, apkelmáha axta apyena vino xa, yetlo m'a ektáha axta apkeláneyeykha, apkelpeykásawók han ma'a aqsok kéláyókxa élánamáxche nak sawo ekyátekto ekmomnáwa, tén han sawo ekmope ekmomnáwa, sawo ekyexwase, sawo ekyentaxno, yántéseksek tén han meteymog; aqsok kéláyókxa megkate nak exma, megkañe nak ektemegweykmoho exma, megkay'áseyak nak aqsok. Melpeykessamók ma'a Dios apmésso nak apyennaqte wesse', tén han apmésso nak chá'a ekyókxoho m'a apkelanakxa enxoho chá'a.

Amós 9:6

Appekkenmeyk aphamakxa Wesse' egegkok ma'a néten, keñe xapop appekkena kóneg ma'a yaphope ekyápaqmate; elwónmakha chá'a yegmen ma'a wátsam ekwányam, keñe eyegkenek chá'a keso náxop. Wesse' egegkok, cháxa apwesey xa.

Zacarías 12:1

Keso appeywa axta Wesse' egegkok se'e, apxéna m'a Israel. Aptáhak Wesse' egegkok se'e, appeykesso nak ma'a néten, appekkenma nak awhak ma'a xapop, apmésso nak apyennaqte m'a énxet: