Isaías 42:3 - Biblia Enxet

³ megyentaksek sa' ma'a yámámok ektaqhé nak mespanchesek sa' nahan ma'a pápa táxa ekmayósa eyápogwate nak. Naqsók sa' etaqmelchessásekxak apheykha énxet'ák ma'a.

Isaías 42:3 ပူးပေါင်းရင်းမြစ်များ

Salmos 147:3

Eltaqmelchessásekxak chá'a apkelwáxok ma'a élyentaxno nak apkelwáxok, elpextehetchesagkok han chá'a m'a apkelyense.

Salmos 54:5

Sa' yána kápekxak apkeltémakxa ekmaso apagkok apagko' nak sélenmexma. ¡Wesse', emasséssem, hakte xép apteme mehenyenyaweykha! Agkések sa' ko'o exchep aqsok seyaqhe ekxeyenma agko' nak ewáxok agkések, alteméssesek sa' eyeymáxkoho apwesey, hakte tásek xép apwáxok,

Salmos 94:15

Keytnekxak sa' makham ekpéwomo kéllánekxésso amya'a énxet'ák ma'a sẽlyekpelchémókxa nak, kalkohok sa' nahan apkelwáxok apyókxoho énxet meyke apkeltémakxa.

Salmos 96:13

nápaqtók Wesse' egegkok apxegakmo nak! ¡Naqso', apxegakmek yaqwayam etnehek wesse' apwányam keso náxop, elanha sa' énxet'ák keso nélwanmeygkaxa, yetlo ekpéwomo aptémakxa, tén han ekmámnaqsoho'.

Salmos 98:9

nápaqtók Wesse' egegkok, apxegakmo nak yaqwayam etnehek wesse' apwányam keso náxop. Elanha sa' apyókxoho énxet'ák keso nélwanmeygkaxa', yetlo ekpéwomo aptémakxa, meyke ekyeykhamaxche mók.

Isaías 2:4

Etnehek sa' apkelyekpelchémo Wesse' egegkok nepyeseksa m'a pók aptémakxa nak chá'a énxet'ák, elánekxések sa' nahan chá'a ektémakxa apkelenmexamap ma'a apxámokma énxet'ák. Xóp élpeyncheyam sa' etnéssásekxak ma'a sawo élwenaqte apagkok nak, keñe sa' sawhéwa apagkok etnessásekxak ma'a sawo élhaxe. Melnapakpekxék sa' nahan chá'a kaxwók pók ma'a énxet'ák, megkólxekmósek sa' nahan chá'a kaxwo' yaqwayam yempakha'.

Isaías 40:11

Máxa keláneykha nepkések aptáhak apkexyekmo apkeltaqmelchessól'a m'a nepkések apnaqtósso; apkelqeynánteyk ma'a nepkések apketkók, apkelpathetánteyk nahan, aptaqmelchásawók nahan chá'a apkeláneykha m'a kaxwe aptamhéyak nak apnaqláw'ák.

Isaías 42:2

Melpáxamha sa', mepaqmétek sa' ekyennaqte agko', meltamhók sa' kañexchek appeywa m'a ámay nak,

Isaías 50:10

Kéxegke kéláyo nak chá'a Wesse' egegkok tén han kélháxenmo nak chá'a appeywa m'a apkeláneykha: kélxegkek agkok ekyáqtésakxaxma, meyke éltátchessesso m'a élseyéxma, kólteme kéláyo m'a Wesse' egegkok kólyepetchegwakxa m'a Dios kélagkok.

Isaías 50:4

Élxekmóssek ko'o Wesse' egegkok sekmowána sekpeywa yaqwayam enxoho alpeykessásekxak apkelwáxok ma'a apkelyampayo nak. Yókxoho axto'ók chá'a apkeltémo aleyxmakha yaqwayam enxoho weyxhok aptémól'a m'a ekmátsal'a kólxekmósek.

Isaías 63:1

—¿Yaqsa xa ekxegakmo nak eñama Bosrá, apyawakxa nak tegma agkok ma'a Edom, apkelyexwase nak apkelnaqta, apxegakmo nak apkeltaqmalma apagko' apkelnaqta, apyennaqtésakmo apagko' nak apyempehek apxegakmo? Ko'o xa, sekxeyenmo nak chá'a negmallanma, émeyhek han ko'o yaqwayam alwagkasek teyp.

Isaías 66:2

¡Ko'o ahagko' sélane ekyókxoho xa aqsok nak, axta keñamak élánteyapma! Ko'o sekxeyenma xa, sektáha nak Wesse'. “Énxet sekpasmomo nak chá'a ko'o, cham'a énxet apmopyósa nak ekyentaxnamo nak chá'a apwáxok apcháyo nak chá'a m'a sekpeywa.

Isaías 9:7

Exek sa' ma'a néten nak David aptaháno ekyawe ektaqmalma; kasawhekxohok sa' apteme Wesse' apwányam ekyókxoho yókxexma, megkamassegwomek sa' ma'a meyke ektáhakxa nak negha; tásek sa' katnehek ekyetno m'a aptémakxa nak Wesse' apwányam, sa' katnehek ekyennaqtésso m'a aptaqmelchessáseykekxa nak chá'a apheykha énxet'ák tén han ma'a ekpayhawo nak chá'a elána', keso kaxwo' nak tén han megkatnégwayam néxa. Elának sa' Dios ekha nak apyennaqte xa, eñama ekyawe agko' segásekhayo.

Jeremías 31:25

Hakte alagkok sa' ko'o aptéyak tén han apyenéyak ekyawe agko' yegmen ma'a apkelyampayo nak, tén han meyke nak apkelyennaqte.”

Ezequiel 34:16

Alchetmok sa' ma'a nepkések apkelxegányam nak, anaqlanták sa' ma'a apkelyetnakhágwayam nak chá'a apkelxega, alpextehetchesagkok sa' nahan ma'a ekhakxa nak chá'a énté xama apyók, apasmok sa' nahan ma'a apkelyelqamákpoho nak, keñe sa' amasséssók chá'a m'a apnaqmele nak tén han ma'a apkelyennaqte nak. Alanha sa' chá'a ko'o m'a, yetlo sekteméssesso m'a ekpayhawo nak chá'a anteméssesek nenláneykha.

Miqueas 7:9

Éláneyak ko'o may'assáxma sénmexeykekxo Wesse' egegkok, cháxa keñamak peya nak alenmaxaxkohok ma'a aplo nak; ékpelkohok sa' ko'o sektémakxa m'a, hélánekxések sa' amya'a. Hey'aksek sa' ko'o Wesse' egegkok ma'a élsakókxa nak exma, yának sa' ótak ma'a segwagkasso teyp apagkok.