Isaías 42:23 - Biblia Enxet

²³ ¿Yaqsa sa' kélxama kéxegke kólyahakxohok se'e? ¿Yaqsa ekmako keyxhok yaqwánxa sa' katnehek?

Isaías 42:23 ပူးပေါင်းရင်းမြစ်များ

Isaías 42:22

kélmenyexchessegkek eyke chá'a aqsok apagkok xa énxet'ák nak, kélyementamomchek nahan chá'a, apyókxoho nahan apkelmomakpok chá'a, kélxatamchek chá'a m'a kañe' magmowagkexa nak antépok; kélmomchek chá'a xa énxet'ák nak méko nahan xama énxet enxoho yaqwayam elántekkesek, kélpóssegkek chá'a, méko nahan chá'a xama énxet enxoho yaqwayam elwagkasek teyp.”

Isaías 42:24

¿Yaqsa axta éltémo elmenyexakpok ma'a énxet'ák Israel tén han elmakpok ma'a Jacob énxet'ák apagkok nak? ¿Háweya axta Wesse' egegkok? Apkeláneykegkek melya'assáxma apkenmexma m'a, megkalyaqwámeykegkok elyetlók ma'a ámay apxekmóssamakxa axta, melyeheykekxohok nahan ma'a segánamakxa apagkok nak.

Isaías 48:18

¡Kaxtemék axta apkelyeheykekxoho m'a séltémókxa nak chá'a etnehek! Kayágkok axta ektaqmalma apha kaxhok axta m'a ektémól'a kayágkok yegmen ma'a wátsam, kaxhok axta ektaqmeleykekxa apha m'a ekweykenxal'a élyaqyahayam élyawe m'a wátsam ekwányam,

Jeremías 3:13

Eyke kay'ásegwakxoho aqsa m'a ektémakxa ekmaso, tén han énmexeykekxo m'a Dios Wesse' agkok; ekweynchámeykencha'a chá'a ektegyeykencha'a énxet apkeleñama mók nekha yaqwayam kagkések ekyókxa, m'a kóneg nak yenta'a élyentaxno pessesse agkok, tén han megkalyeheykekxo m'a séltémókxa nak katnehek. Ko'o sekxeyenma xa, sektáha nak Wesse'.”

Jeremías 9:12

¿Yaqsa ekyetna ekyawe ekya'áséyak aqsok yaqwayam enxoho kay'asagkohok xa? ¿Yaqsa apya'assáseykegkoho Wesse' egegkok xa aqsok nak yaqwayam enxoho kawának kaltennásekxohok ma'a námakkok? ¿Yaqsa ektéma ekmasagko nak apchókxa tén han ekyamáya nak exma ektémól'a yókxexma meykexa énxet meykel'a ekyeykhágwayam?

Miqueas 6:9

Apkelwóneyha Wesse' egegkok ma'a apheykha nak tegma apwányam, tásek han ageyxhok yetlo negáyo: “Kóleyxho, énxet'ák, tén han kélpaqhetcháseykha nak chá'a kélnámakkok ma'a tegma apwányam:

Deuteronomio 32:29

Kaxtemék axta ekha apkelya'áseyak xa, elyekpelkohok axta; elya'asagkohok axta aqsok élhaxna m'a apmonye'e.