Isaías 42:20 - Biblia Enxet

²⁰ Apweteyak ekxámokma m'a aqsok, makke elányo'; apwanchek eñak ekyennameykhaxma, megyeyxók eyke xama enxoho.

Isaías 42:20 ပူးပေါင်းရင်းမြစ်များ

Salmos 107:43

Énxet apya'áseykegkoho nak aqsok, kéméxcheyk ey'asagkohok xa, tén han ey'asagkohok segásekhayo m'a Wesse' egegkok.

Isaías 1:3

Keykpelkohok ótep ma'a weyke, kay'asagkohok nahan aphaxta apagkok ótep ma'a yámelyeheykok, keñe m'a Israel, énxet'ák ahagkok ahagko' nak melyekpelchehe', méko nahan apkelya'áseyak.”

Isaías 58:2

Yókxoho ekhem ko'o sétamso xa énxet'ák nak atsek apkeltémo elwetekxak ma'a ámay ahagkok, máxa m'a énxet'ák apkeláneykegkohol'a aqsok ektaqmela, meyamasmal'a m'a segánamakxa ahagkok; élmaxnagkamchek ma'a segánamakxa ahagkok ekpéwomo nak, atsek chá'a emáwhok hépetchegwatámhok ko'o,

Isaías 6:9

Tén axta aptáha seyáneya s'e: “Exeg, etne sa' elának énxet'ák se'e: ‘Kóleyxhok sa' eykhe', megkólya'asagkek sa' eyke ektémakxa'; kóllanok sa' eykhe', megkólyekpelchek sa' eyke.’

Jeremías 6:10

Ektáhak axta ko'o seyátegmowágkokxo s'e: “¿Yaqsa sa' ko'o heyeyxhok sélpaqhetchesa enxoho, tén han séltennasa enxoho xa amya'a nak? Wesse', apkelapmeyk apeyk'ák ma'a, mopmenyeyk nahan eleyxho'; ey'ássamhok nahan ma'a appeywa nak xép, megkalchek apkelwáxok.

Ezequiel 33:31

Keñe elxegmak chá'a m'a énxet'ák ahagkok, elhak chá'a apmonye' exchep, ekhawo m'a aptamheykegkaxal'a chá'a, yaqwayam yeyxhok ma'a appeywa. Makke eláneykegkok chá'a m'a. Elwehenagkohok aqsa chá'a, máxa etnéssesek ma'a ektémól'a xama negmeneykmasso ekmátsal'a ageyxho', selyaqye aqsa chá'a kelxéneykha apkelwáxok ma'a.

Ezequiel 33:32

Apteméssessegkek axta exchep ma'a xama énxet apmeneykmassamól'a chá'a wánxa m'a negmeneykmasso ekmátsal'a kahaxnaxkoho', ektaqmalmal'a apyespok, apmopwánal'a appáwasso m'a arpa. Yeyxhok axta chá'a m'a appeywa, melanagkek axta eyke.

Números 14:22

Métyehek sa' xama enxoho xapop séltennassamakxa axta ko'o agkések apyapmeyk nano', cham'a apkelwete axta chá'a élseyéxma ahagkok tén han aqsok sempelakkasso nak agweta' séláneya axta chá'a ko'o m'a Egipto tén han ma'a yókxexma meykexa nak énxet, cham'a ekxámokma axta ko'o sépkeynma m'a yókxexma meykexa nak énxet, melyaheykekxa axta chá'a séltémókxa etnahagkok. Métyehek sa' xama enxoho m'a sewanyeykha nak chá'a ko'o.

Deuteronomio 4:9

Nágkalwagqamák chá'a m'a aqsok kélwete nak, nágkólyensem chá'a xama enxoho ekxéneykha kélwáxok; kóltennasha chá'a m'a kélketchek tén han ma'a kéltawán'ák.